Братство Св. о. Николая число 72 ОРБ, въ Фраквкллъ, Па., было основано въ февралѣ 1909 года. На первомъ собраніи (митингу) приступило до братства около 35 членовъ, изъ которыхъ выбрано было урядъ, якъ слѣдуетъ: Алексей Великаничъ, предс., Михаилъ Гирила, кас., Григорій Бѣлый, секр.

Въ тѣхъ часахъ было лекше достати членовъ до Братства и ОРБ, бо люди молоды пріѣзжали изъ старого краю, съ нашой милой Лемковщины п записувалися до братства и ОРБ, штобы мали даяку подпору на случай несчастного выпадку, або смерти.

Якъ поженилися тіи молоды члены, то и ихъ жены ставали членкинями майже автоматично. За короткій часъ тое братство выросло въ членствѣ до 80 и больше.

Давнѣйше тое братство платило запомогу членамъ, котры захорували, або были покалѣчены при работѣ, а въ случаю смерти, братство платило изъ своей кассы 50 дол. — посмертного. Позднѣйше тую посмертну запомогу прекратило, бо не старчило фондовъ, но запомогу хорымъ платитъ братство и до нынѣ.

Посмертну запомогу перестало платити заразъ по первой свѣтовой войнѣ, но выплачено было фамиліямъ тѣхъ, котры до того часу поумерали, около 2.000 дол. — посмертной запомоги. Хорѣвшимъ или покалѣченнымъ при роботѣ членамъ, выплачено до нынѣ выше 6.000 дол. Нѣкоторые члены выбрали той запомоги больше, якъ заплатили до братства и ОРБ разомъ.

Въ часѣ другой свѣтовой войны тое братство выплатило 237.75 дол. — на Русскій Военный Релифъ, Красный Крестъ и другіи дробныи данины.

Братство купило 26 сто долларовыхъ U. S. Savings Bonds и маетъ 592.68 долларовъ готовки нынѣ, коли тое пишется, и 66 членовъ. Така есть въ скороченію исторія, котру мнѣ передалъ одинъ изъ трехъ членовъ, котры присутствовали на томъ первомъ митингу, въ февралѣ 1909 года.

А теперь, дорогіи братья и сестры, члены нашого братства и ОРБ, вспомнійте тоту нашу лемковску русску любовь до свого народа и своей русской организаціи. Заохочуйте своихъ дѣтей, штобы ставали членами своей Русской Организаціи ОРБ. Ніяка друга организація, ци иншурансъ компанія, не маетъ лучшихъ полисовъ, якъ ОРБ.

Кажда иншурансъ организація есть добра, но своя русска организація есть найлучша, бо есть русска. Такъ не забывайте, што свой до свого!