УЧИТИСЯ НИКОЛИ НЕ ПОЗДНО

Между нашими людьми можно часто почути слова: «Я уже за старый для науки». Нигде на свѣтѣ нѣтъ такихъ хорошихъ возможностей для ученія якъ въ Америкѣ. Тутъ простый, неграмотный рабочій можетъ при своей работѣ окончити всѣ школы и, якъ то кажутъ, выйти въ люди. Въ каждомъ большомъ мѣстѣ маемъ разного рода вечерніи школы, въ которыхъ наука преподается или совсѣмъ безплатно, или за дуже умѣренную плату. Тѣ школы суть предназначены для взрослыхъ, которыи днемъ суть заняты своей работой и не маютъ много свободного часу на ученіе. Въ вечернихъ школахъ можно пройти всѣ ступени образованія отъ первого класса элементарной школы до университетского курса включительно.

Но чи много нашихъ людей выкорыстали для себе тѣ возможности? Со свѣчкой въ рукахъ треба бы глядати такихъ одиницъ и то вопросъ, чи бы ихъ нашолъ. У другихъ народностей встрѣчается, что взрослый человѣкъ, рабочій, принимается за науку и кончитъ всѣ школы. У насъ такихъ случаевъ правѣ совсѣмъ нѣтъ, бо нашъ человѣкъ, якъ му минетъ 20 лѣтъ, говоритъ: «Э, где мнѣ учитися, я уже за старый для того!»

На дѣлѣ жизненная практика показуетъ, что учитися николи не поздно. Много знаменитыхъ людей почали учитися въ преклонномъ возрастѣ. Славный римскій сенаторъ Катонъ на 80-омъ году своей жизни почалъ изучати греческій языкъ и достигъ совершенства въ немъ. Знаменитый греческій писатель Плутархъ, будучи 70 лѣтнимъ старикомъ, научился прекрасно по латински. Славныи итальянскіи писатели Боккаччіо, Данте и Петрарка почали заниматися литературой уже въ познемъ вѣку. А американець Франклинъ принялся за изслѣдованіе истины послѣ того, якъ ему стукнуло уже 50 лѣтъ.

Сколько есть между нами талантливыхъ людей, которыи маючи 30 или 40 лѣтъ считаютъ себе старыми и неспособными уже до ніякой науки? Они любятъ даже нарѣкати на своихъ родителей, что ихъ не давали до школы, коли были молодыми, бо теперь для нихъ, говорятъ, уже за поздно братися за книжку.

Въ древнихъ греческихъ республикахъ человѣка не осягнувшого 40-ого года жизни считали недосвѣдченнымъ молокососомъ и не позволяли ему забирати слово на политическихъ собраніяхъ. У насъ не одинъ 40-лѣтній мужчина думаетъ, что ему уже ничого не осталось на семъ свѣтѣ, хиба лишь умерти.

Мы маемъ примѣры, что славныи адвокаты, священники и другіи на 60-омъ году жизни возвращаются въ университетъ, чтобы довершити изученіе того или другого предмета. А сколько найдете между нами т. н. образованныхъ людей, которыи послѣ того, якъ выйшли изъ школы, не прочитали ани одной серьезной книжки. Тѣ люди не маютъ ніякого влеченія, стремленія къ знанію, къ мудрости. Но если ихъ спросите, почему то дѣлаютъ, то скажутъ вамъ, что они уже за стары учитися.

Одинъ философъ сказалъ, что якъ долго человѣкъ можетъ или желаетъ ѣсти, т. е., маетъ аппетитъ къ Желудковой стравѣ, такъ долго онъ есть способный и умственный кормъ переварити. Человѣкъ, если почалъ не скоро учитися, то маетъ ту выгоду, что онъ можетъ скорше научитися. Здоровый и обогащенаый жизненнымъ опытомъ старый вѣкъ дастъ человѣку силу закончити свою задачу въ часѣ о много коротшомъ, якъ могъ бы то сдѣлати человѣкъ наполовину отъ него молодшій.

Потому можемъ смѣло сказати, что учитися николи не поздно!