Съ того часу, якъ наши предки въ 988 г. при князѣ Владимірѣ приняли православную вѣру отъ грековъ, прошло уже 934 лѣтъ.

Що споводовало князя Владиміра приняти христіанство и якъ состоялось крещеніе Руси въ Днѣпрѣ при Кіевѣ, тое описалъ найстаршій русскій лѣтописецъ преподобный Нестсръ, — монахъ Кіеве-печерского монастыря, родившійся 1056 а умершій 1114 г., въ кннгѣ „Повѣсти временныхъ лѣтъ.” Въ той повѣсти описалъ Несторъ, кромѣ начала исторіи Руси, также крещеніе Руси при кз. Владимірѣ.

„Повѣсти современныхъ лѣтъ” Нестора, познѣйше попали въ руки монаху сузальнского монастыря Лаврентію, якій въ 1377 г. переписалъ и дополнилъ Несторову лѣтопись. — Рукопись лѣтописця Лаврентія, кромѣ нѣсколькихъ страченыхъ листовъ, заховалась, яко дорогоцѣнный историчный памятникъ до нашихъ часовъ. Находится она въ публичной библіотекѣ въ Петроградѣ.

Ниже печатаемъ дословный текстъ описанія крещенія Руси такъ якъ списанъ въ Лаврентіевской лѣтописи, щобы читатель могъ представити собѣ, о сколько змѣнился русскій языкъ въ продолженію сверхъ 500 лѣтъ.

Замѣтити слѣдуе, що въ Несторовой лѣтописи о крещенію Руси переписаной монахомъ Лаврентіемъ, якую поручаемъ читателю внимательно перечитати, не упоминаесь о крещенію русского народа надъ Днѣстромъ — въ Галичинѣ, однакъ въ другихъ Несторовыхъ лѣтописяхъ упоминаесь, що въ 992 году князь Владиміръ ходилъ съ двома епископами къ Днѣпру, значитъ въ Галичину, и що плодомъ Владимірового путешествія было то, „что въ той странѣ всѣ крестилися.”

Повѣствованіе преподобного Нестора по Лаврентіевской лѣтописи озаглавлено:

Вотъ якъ пред. Несторъ писалъ о крещенію Руси:

Въ лѣто 6494 (по Рожд. Хр. 986). Придоша Болгары (изъ-за Волги) вѣры Бохмичѣ, глаголюще: „Яко ты князь еси мудръ и смысленъ, не вѣси закона; но вѣруй въ законъ нашъ и поклонися Бохмиту.” И рече Володимеръ: „како есть вѣра ваша?” Они же рѣша: „вѣруемъ Богу, а Бохмитъ ны учить, глаголя: обрѣзати уды тайныя, и свинины не ѣсти, вина не пити, а по смерти съ женами похоть творити блудную; дасть Бохмитъ комуждо по семидесять женъ красныхъ, избереть едину красну и всѣхъ красоту возложить на едину, та будетъ ему жена; здѣ же, рече, достоить блудъ творити всякъ; на семъ свѣтѣ аще буде кто убогъ, то и тамо”; и ина многа лесть, ея же не льзѣ писати сорома ради, Володимеръ же слушаше ихъ, бѣ бо самъ любя жены и блуженье многое, послушаше сладко; но се ему бѣ нелюбо, обрѣзанье удовъ, и о неяденье мясъ свиньихъ, а о питьи отинудь; рече: „Руси есть веселье питье, не можемь безъ того быти”. — Потомъ же придоша Нѣмци, глаголюще: „придохомъ посланіи отъ папежа”; и рѣша ему: „реклъ ти тако папежь: земля твоя яко и земля наша, а вѣра ваша не яко вѣра наша; вѣра бо наша свѣтъ есть, кланяемся Богу, иже створилъ небо и землю, звѣзды, мѣсяцъ и всяко дыханье, а бози ваши древо суть,” Володимеръ же рече: „какова заповѣдь ваша?” Они же рѣша: „пощенье по силѣ; аще кто пьеть или ѣстъ, то все въ славу Божью, рече учитель нашь Павелъ.” Рече же Володимеръ Нѣмцемъ: „идѣте опять, яко отци наши сего не пріяли суть.” — Се слышавше Жидове Козарстіи придоша, рекуще: ждо вѣрѣ своей; Хрестеяне бо вѣруютъ, его же мы расяхомъ, а мы „слышахомъ, яко приходиша Волгаре и Хрестеяне, учаще тя кійвѣруемъ единому Богу Авраамовому, Исакову, Яковлю.” И рече Володимеръ: „что есть законъ вашъ?” Они же рѣша: „обрѣзатися свинины не ѣсти, ни заячины, суботу хранити.” Онъ же рече: „то гдѣ есть земля ваша?” Они же рѣша: „въ Іерусалимѣ,” Онъ же рече: „то тамо есть?” Они же рѣша: „разгнѣвася Богъ за отци наши, и расточи мы по странамъ грѣхъ ради нашихъ, и предана бысть земля наша Хрестеяномъ.” Онъ же рече: „то тако вы инѣхъ учите, сами отвержени отъ Бога и расточени? аще бы Богъ любилъ васъ и законь вашъ, то не бысте расточени по чюжимъ землямъ; егда намъ тоже мыслите зло пріяти?” — По семъ же прислаша Греци къ Володимеру философа, глаголюще сице: „слышахомъ, яко приходили суть Волгаре, учаще тя пріяти вѣру свою, ихъ же вѣра оскверняетъ небо и землю, иже суть прокляти паче всѣхъ человѣкъ, уподоблешеся Содому и Гомору, на не же пусти Господь каменье горюще, и потопи я, и погрязоша: яко и сихъ ожидаетъ день погибели ихъ, егда придетъ Богъ судити земли и погубитъ вся творящая беззаконья и скверны дѣтющія; си бо омываютъ уходы своя, въ ротъ вливать и по брадѣ мажются, поминаютъ Бохмита, такоже и жены ихъ творять ту же скверну и ино пуще (горше), отъ совкупленья мужеска и женьска вкушаютъ.” Со слышавъ Володимеръ, плюну на землю, рекъ: „нечисто есть дѣло.” Рече же философъ: „слышахомъ же и се, яко приходиша отъ Рима поучити васъ къ вѣрѣ своей, ихъ же вѣра маломъ съ нами развращена, служатъ бо опрѣсноки, рекше оплатки, ихъ же Богъ не преда, но повелѣ хлѣбомь служити, и преда Апостоломъ, пріемъ хлѣбъ: се есть тѣло мое, ломимое за вы; такоже и чашю пріемъ, рече: се есть кровь моя новаго завѣта, Си же того не творятъ, суть не исправили вѣры.” Рене же Володимеръ: „придоша ко мнѣ Жидове, глаголюще, яко Нѣмци и Греци вѣруютъ, его же мы распяхомъ.” Философъ же рече: воистину въ того вѣруемъ, то бо пророци прорѣцаху, яко Богу родитися, а друзіи распяту быти и погребену, а въ 3-й день воскреснути на небеса взъити; они же пророки избиваху, другіи претираху; егда же сбысться прореченье сихъ, спиде на землю, и распятье прія, и воскресъ, на небеса взъиде; на сихъ же ожидаше покаянья за 40 и за 6 лѣтъ, и не покаяшася, и посла на ня Римляны, грады ихъ разбиша, и сами расточиша по странамъ, и работаютъ въ странахъ.” Рече же Володимеръ: „то что ради сниде Вогъ на землю, и страсть таку прія?” Отвѣщавъ же философъ, рече: „аще хощеши послушали, да скажю ти изъ начала, чего ради сниде Богъ на землю.” Володимеръ же рече: „послушаю радъ.” И нача философъ глаголати сице:

„Въ начало створи Богъ небо и землю въ первый день.. (И разсказывалъ философъ по словамъ священнаго писанія все, яко было отъ сотворенія міра, и о грѣхопаденіи первыхъ людей, и яко Господь Вогъ по милости своей вознамѣрилъ чрезъ своего единороднаго сына спасти человѣческій родъ, заповѣдая пришествіе Спасителя міра чрезъ своихъ пророкъ. По семъ философъ продолжалъ рѣчь свою тако): И начата (пророци) прорицали о воплощеньи Божьи. Перѣе Давидъ глаголя: рече Господь Господеви моему : сяди одесную мене, дондеже положью враги твои подножье ногама твоима. И паки: рече Господь ко мнѣ: сынъ мой еси ты, азъ днесь родихъ тя. Исая же реч?: ни посолъ, ни вѣстникъ, но самъ Богъ пришедъ спасеть ны. И паки; яко дѣтищь родися намъ, ему же бысть начало на рамѣ его, и прозовется имя его велика свѣта ангелъ, велика власть его, и миру его нѣстъ конца. И паки: се дѣвица въ утробѣ зачисть, и родить сынь, и прозовутъ имя ему Емануилъ. Михѣя же рече: ты Вифлееме, доме Ефрантовъ, еда не моглъ еси быти въ тысящахъ Іюдовыхъ? изъ тебе бо изъидетъ старѣйшина быти князь ихъ во Израили, исходъ его отъ дній вѣка сего: ради даеться до времене ражающая, родитъ, и прочіи отъ братья его обратятся на сыны Израилевы. Іеремія же рече: Богъ нашь, и невмѣнится ины къ нему; изобрѣте всякъ путь художьства, дасть Іякову отроку своему; по сихъ же явися на земли и съ человѣки поживе. И паки: человѣкъ есть, кто увѣсть. яко Вогъ есть? яко человѣкъ умираетъ….. Прорекоша же и страсти его….. Моисей же рече о роспятьи его: узрите жизнь вашу висящу предъ очпма вашим….. Исая же рече: яко овца на заколенье веденъ бысть. Ездра же рече: благословенъ Вогъ, руцѣ распростеръ свои, спасъ Іерусалима. И о воскресеньи рекоша. Давидъ: востани, Боже, суди земли, яко ты наслѣдиши во всѣхъ странахъ. И паки да воскреснетъ Богъ, и да разидутся врази его. И паки: воскресни, Господи Боже мой, да и вознесется рука твоя. Исая же рече: сходяще въ страну и сѣнь смертную свѣтъ возсіяетъ на вы. Захарья же: и ты въ крови завѣта твоего испустилъ еси ужники своя ото ръва неимуща воды. Много пророчествоваша о немъ, еже сбысться все.”

Рече же Володимеръ: „то въ кое время сбысться, и было ли се есть? еда ли теперво хощетъ быти се?” Онъ же отвѣщавъ рече ему: „яко же прежде сбысться все, гда Богъ воплотися. Якоже бо прежде рекохъ, Жидомъ пророки избивающимъ, царемъ ихъ законы преступающимъ, предасть я въ расхищенье, и въ плѣнъ ведени быша во Асирію, грѣхъ ихъ ради, и работаша тамо лѣтъ 70; и по семъ возвратишася въ землю свою, и не бѣ у нихъ царя, но архіереи обладаху ими до Ирода иноплеменника, иже облада ими. Въ сего же власть въ лѣто 5500, посланъ бысть Гавріилъ въ Назаретъ къ дѣвицѣ Маріи, отъ колѣна Давидова, рещи ей: радуйся, обрадовання, Господь съ тобою. И отъ слова его зачать Слово Божье въ утробѣ, и породи сына, нарече имя ему Исусъ. И се волсви придоша отъ востока, глаголюще; гдѣ есть рождшійся царь Жидовскъ? видѣхомъ бо звѣзду его на востоцѣ и придохомъ поклонитися ему. Услышавъ же се царь Йродъ, смятеся, и весь Іерусалимъ съ нимъ; призвавъ книжники и старци людскія, и вопроша ихъ: гдѣ Христосъ раждается? Они же рѣша ему: въ Вифлеемѣ Жидовстѣмъ. Иродъ же се слышавъ, посла, рекъ: избійте младенца, сущая 2 лѣтъ. Они же шедше, избиша младенца 14 тысящи. Марья же убоявшися съкры отроча; Іосифъ же съ Марьею, поимъ отроча, бѣжа въ Египетъ и бысть до умертвія Иродова. Въ Египтѣ же явися ангелъ Іосифу, глаголя: воставъ, пойми строча и матерь Его, иди въ землю Израилеву. Пришедшу же ему, вселися въ Назаретъ. Возраставшу же ему и бывшу лѣтъ 30, нача чудеса творити и проповѣдати царство небесное и избра 12, яже ученики собѣ нарече; и нача чудеса велика творити, мертвыя воскрешати, прокаженный очищати, хромыя ходити, слѣпымъ прозрѣнье творитн, и ина многа чудеса велія, якоже быша пророци прорекли о немъ. глаголюще: той недуги наша изцѣли, и болѣзни подъя. И крестися въ Ерданѣ отъ Іоанна, показа новымъ людемъ обновленье. Крестившу же ся ему, и се отверзошася небеса, и Духъ сходящь зракомъ голубинымъ и на нь, и гласъ глагола: се есть Сынъ мой возлюбленный, о немъ же благоизволихъ. Посылаше ученики своя проповѣдати царство небесное, покаянье въ оставленье грѣховъ; хотя исполнити пророчество, и нача проповѣдати, яко подобаетъ сыну человѣческому пострадати, распяту быти и въ третій день воскреснути. Учашу же ему въ церкви, архіереи, книжники исполнишася зависти, искаху убита и, и имше и, ведоша къ игемону Пилату. Пилатъ же испытавъ, яко безъ вины приведоша и, хотѣ испустити и; они же рѣша ему: аще сего пустиши, не имаши быти другъ кесареви. Пилатъ же повелѣ, да и распнуть; они же поимше Исуса, ведоша на мѣсто Краньево, распяша, и ту: быстъ тьма по всей земли отъ 6-го часа до 9-го, и при девятомъ часѣ испусти духъ Исусъ, церковная запона раздрася на двое, мертвіи всташа многи, имъ же повелѣ въ рай ити. Снемше и со креста, положиша и въ гробѣ и печатьми запечатлѣша гробъ люди Жидовстіи, стражи поставиша, рекуще: еда украдутъ и ученици его. Онъ же въ 3-й день воскресе; явися ученикомъ воскресъ изъ мертныхъ, рекъ имъ: идѣте во вся языки, и научите вся страны крещенью во имя Отца и Сына и святаго Духа. Пребыстъ съ ними 40 дній, являяся имъ по воскресеньи. Егда исполиися 40 днѣй, повелѣ имъ ити въ гору Елеонскую, и ту явися имъ, благословивъ я, и рече имъ: сидѣте въ градѣ Ерусалимѣ, дондеже послю обѣтованье Отца моего. И се рекъ, возношашеся на небо; они же поклонишася ему, возвратишася въ Ерусалимъ, и бяху воину въ церкви. Егда кончашася днье 5-десятніи, спиде Духъ снятый на Апостолы: пріимше обѣтованье святаго Духа, разидошася по вселеннѣй, учаще и крестяще водою.”

Рече же Володимеръ: „что ради отъ жены родися, и на древѣ распятся, и водою крестися?” Онъ же рече ему: „сего ради, понеже всперва родъ человѣческій женою согрѣши, дьяволъ прельсти Евою Адама и отпаде рая, такоже ж Богь отместье створи дьяволу; женою первою побѣженье бысть дьяволу, женою бо первѣе испаде Адамъ изъ рая, отъ жены же воплотився Богъ повелѣ въ рай ввити вѣрнымъ. А еже на древѣ распяту быти; сего рада яко отъ древа вкушь, и испаде породы: Богъ же на древѣ страсть прія, да древомъ дьяволъ побѣженъ будетъ, и отъ древа животнаго пріимутъ праведніи. А еже водою обновленье: понеже при Нои умножившемся грѣхомъ въ человѣцѣхъ, наведе Богъ потопъ на землю, и потопи человѣки водою. Сего ради рече Богъ: понеже погубихъ водою человѣки грѣхъ ихъ ради, нынѣ же паки водою очищу грѣхи человѣковъ, обновленьемъ водою. Ибо Жидовскій родъ въ мори очистишася отъ Египетскаго злаго нрава, понеже вода изъ начала бысть первое; рече бо: Духъ Божій ношашеся верху воды. Еже бо и нынѣ крестятся водою и Духомъ: Преображенье бысть первое водою, — и пророци проповѣдаша, якою водою обновленье будетъ Апостоломъ же учащимъ по вселеннѣй вѣровати Богу, ихъ же ученье мы Греци переяхомъ; вселенная вѣруетъ ученью ихъ. Поставилъ же есть Богъ едииъ день, въ немъ же хощетъ судити, пришелъ съ небесе, живымъ и мертвымъ, и воздати комуждо по дѣломъ его: праведнымъ царство небесное, и красоту неизреченну, веселье безъ конца, и не умирати въ вѣкн, грѣшникомъ же мука огненна, и червь неусыпаяй, и муцѣ не будтъ конца. Сице же будутъ мученья, иже не вѣруеть къ Богу нашему Исусу Христу; мучими будутъ въ огни, иже ся не крестить.”

И се рекъ (философъ), показа Володимеру занону, на ней же бѣ написано судище Господне, показываше ему одесну праведныя въ весельи предъидуща въ рай, а ошуюю грѣшики идуща въ муку; Володимеръ же вздохнулъ рече: „добре симъ одесную, горе же симъ ошуюю.” Онъ же рече: „аще хощеши одесную съ праведными стати, то крестися.” Вододимеръ же положи на сердци своемъ, рекъ: „пожду и еще мало,” хотя испытати о всѣхъ вѣрахъ. Вододимеръ же сему дары многи вдавъ, отпусти и съ честью великою.

Въ лѣто 6495 (987), Созва Володимеръ боляры своя и старци градьскіи и рече имъ: „се приходиша ко мнѣ Волгаре, рекуще: пріими законъ нашь: по семь же приходила Нѣмци, и ти хваляху законъ свой; по сихъ же Жидове. Се же послѣди придоша Греци, хуляще вси законы, свой же хваляще, и много глаголаша сказающе отъ начала міру, о бытьи всего міра; суть же хитро сказающе, и чюдно слышати ихъ, любо комуждо слушати ихъ, и другій свѣтъ повѣдаютъ быти: да аще кто, дѣеть, въ нашу вѣру ступить, то паки, умеръ, станетъ и не умрети ему въ вѣки; аще ли въ инъ законъ ступить, то на ономъ свѣтѣ въ огнѣ горѣти. Да что ума придаете? что отвѣщаете?” И рѣша бояре и старци: „вѣси, княже, яко своего никтоже не хулить, но хвалить; аще хощеши испытати гораздо, то имаши у себе мужи: пославъ испытай когождо ихъ службу, и како служить Богу.” И бысть люба рѣчь князю и всѣмъ людемъ; избраша мужи добрыи и смысленны, числомъ 10, и рѣша имъ: „идѣте первое въ Болгары, и испытайте первое вѣру ихъ.” Они же идоша, и пришедше видѣша скверная дѣла и кланянье въ ропати; придоша въ землю свою. И рече имъ Володимеръ: „идѣте паки въ Нѣмци, съглядайте такоже, и оттудѣ идѣте въ Греки,” Они же придоша въ Нѣмди, и съглядавше церковную службу ихъ, придоша Царюгороду, и внидоша ко царю; царь же испыта, коея ради вины придоша, они же сповѣдаша ему вся бывшая. Се слышавъ царь, радъ бывъ, и честь велику створи имъ во онъ же день. Наутрія посла къ патреарху, глаголя сице: „придоша Русь, пытающе вѣры нашея; да пристрой церковь и крилосъ, и самъ причинися въ святительскія ризы, да видядть славу Бога нашего.” Си слышавъ патреархъ, повелѣ создати крилосъ, по обычаю створиша праздиикъ, и кадила вожьгоша, пѣнья и лики составиша. И иде съ ними въ церковь, и поставиша я на пространнѣ мѣстѣ, показающе красоту церковную, цѣнья и службы архіерѣйски, престоянье дьяконъ, сказаююще имъ служенье Бога своего: они же во изумѣньи бывше, удивившеся, похвалиша службу ихъ. И призваша я царя Василій и Костянтинъ, рѣста имъ: „идѣте въ землю вашу,” и отпустиша я съ дары велики и съ честью. Они же придоша въ землю свою, и созва князь боляры и старци. Рече Володимеръ: „се придоша послаліи нами мужи, да слышимъ отъ нихъ бывшее”; и рече: „скажите предъ дружиною.” Они же рѣша: „яко ходихомъ въ Болгары, смотрихомъ, како ся покланяютъ въ храмѣ, рекше въ ропати, стояще безъ пояса; поклонився сядеть, и гладить сѣмо и онамо яко бѣшенъ, и нѣсть веселья въ нихъ, но печаль и смрадъ великъ, нѣсть добро законъ ихъ. И придохомъ въ Нѣмци, и видѣхомъ въ храмѣхъ многи службы творяща, а красоты не видѣхомъ никоея же. И придохомъ же въ Греки, и ведоша ны, идѣже служать Богу своему, и не свѣмы, на небѣ ли есмы были, ли на земли: нѣсть бо на земли такаго вида, ли красоты такоя, и недоумѣемъ бо сказати; токмо то вѣмы, яко ондѣ Богъ съ человѣки пребываетъ, и есть служба ихъ паче всѣхъ странъ. Мы убо не можемъ забыта красоты тоя; всякъ бо человѣкъ аще вкусить сладка, послѣди горести не пріимаетъ, тако и мы не имамы сдѣ быти.” Отвѣщавше же бояре рекше: „аще бы лихъ законъ Гречьскій, то не бы баба твоя пріяла Ольга, яже бѣ мудрѣйши всѣхъ человѣкъ.” Отвѣщавъ же Володимеръ рече: „кдѣ крещенье плілмемъ? они же рекоша: „гдѣ та любо.”

И минувшу лѣту, въ лѣто 6496 (988), иде Володимеръ съ вои на Корсунь, градъ Гречьскій, и затворишася Корсуняне въ градѣ; и ста Володимеръ объ онъ поль города въ лимени, дали града стрѣлище едино, и боряхуся крѣпко изъ града, Володимеръ же обстоя градъ. Изнемогаху въ градѣ людье и рече Володимеръ къ гражаномъ: „аще ся не не вдасте, и намъ стояти и за 3 лѣта.” Они Не послушаша того, Володимеръ же изряди воѣ своѣ, и повелѣ приспу сыпати къ граду. Симъ же спущимъ, Корсуняне подкопавше, стѣну градскую, крадуще сыплемую персть, и ношаху къ собѣ въ градъ, сыплюще посредѣ града; воини же присыпаху болѣ, а Володимеръ стояше. И мужь Корсуняинъ стрѣли, имянемъ Настасъ, напсавь сице на стрѣлѣ: „кладязи, яже суть за тобою отъ востока, изъ того вода идеть до трубѣ; копавъ, переими.” Володимеръ же се слышавъ, возрѣвъ да небо, рече: „аще се ся сбудеть, и самъ ся крещю.” И ту абье довелѣ копати преки трубамъ, и преяшла воду, людье изнемогоша водною жажею и предашася. Вниде Володимеръ въ градъ в дружина его, и посла Володимеръ къ цареви Василью и Костянтину, глаголя сице: „се градъ ваю славный взяхъ; слышю же се, яко сестру имата дѣвою, да аще еѣ не вдаста за мя створю граду вашему, якоже и сему створихъ.” И слышаста царя, быста печальна, воздаста вѣсть, сище гдаголюща: „не достоить хрестеяномъ за поганыя дати; аще ся крестиши, то и се получишь, и царство небосное пріимеши, и съ нами единовѣрникъ будеши; аще ли сего не хочеши створити, не можемъ дати сестры своее за тя.” Се слышавъ Володимеръ рече посланымъ отъ царя: глаголите царема тако: яко азъ крещюся; яко испытахъ прежде сихъ днѣй законъ вашь, и есть ми любо вѣра ваша и служенье, еже бо ми сповѣдаша посланіи нами мужи.” И си слышавши царя, рада быста и умолиста сестру свою, имянемъ Анну, и посласта къ Володимеру, глаголюща: „крестися, и тогда послевѣ сестру свою къ тобѣ.” Рече же Володимеръ: „да пришедше съ сестрою вашею крестьять мя.” И послушаста царя, и сласта сестру свою, сановники нѣкія и прозвутеры; она же не хотяше ити: „яко въ полонъ,” рече, „иду, луче бы ми сдѣ умрети.” И рѣста ей братья: „еда како обратить Богъ тобою Рускую землю въ покаянье, а Гречьскую землю избавишь отъ лютыя рати; видиши ли, колько зла створиша Русь Грекомъ? и нынѣ, аще не идеши, тоже имуть створити намъ.” И едва ю принудиша. Она же сѣдши въ кубару, цѣловавши ужики своя, съ плачемъ поиде чрезъ море; и приде къ Корсуню, и изидоша Корсуняне съ поклономъ, и воведоша ю въ градъ, и посадиша ю въ полатѣ. По Божью же устрою, въ се время разболѣся Володимеръ очима, и не видяше ничтоже, тужаше велми; и посла къ нему царица, рекуще: „аще хощети избыти болѣзни сей, то скорѣ крестися, аще ли ни, то не имаши избыти сего.” Се слышавъ Володимеръ, рече: „да аще истина будеть, то поистинѣ великъ Богъ будеть хрестеянескъ.” И повелѣ креститися. Епископъ же Корсунскій съ попы царицины, огласивъ, крести Володимера; яко возложи руку на нь, абье прозрѣ. Видѣвъ же се Володимеръ напрасное исцѣленье, и прослави Бога, рекъ: „топерво увѣдѣхъ Бога истиннаго.” Се же видѣвши дружина его, мнози крестишася. Крести же ся въ церкви святаго Василья, и есть церкви та стоящи въ Корсунѣ градѣ, на мѣстѣ посреди града, идѣже торгъ дѣють Корсуняне; полата же Володимеря съ края церкве стоить и до сего дне, а царицина полата за олтаремъ. По крещенья же приведе царицю на обрученье. Се же несвѣдуще неправо глаголютъ, яко крестился есть въ Кіевѣ; и ини же рѣша: въ Василевѣ; другіи же инако скажуть. Крещену же Володимеру, предаша ему вѣру хрестеянску, рекуще сице: „да не прольстятъ тебе отъ еретикъ, но вѣруй, сице глаголя: Вѣрую во единого Бога Отца Вседержителя, Творца небу и земли, — до конца вѣру сію. И паки вѣрую въ единого Бога Отца нерождена, и въ единого Сына рождена, въ единъ святый Духъ….. (Слѣдуетъ изложеніе символа вѣры, поученіе о Семи вселенскихъ соборахъ и о различеніи ученія римской церкви отъ греческой).

Володимеръ же по семъ поемъ царцю, и Настаса, и попы Корсуньски, съ мощми святаго Климента и Фива ученика его, поима сосуды церковныя, иконы на благословенье себѣ. Постави же церковь въ Корсунѣ на горѣ, юже сосыпаша средѣ града, крадуще прислу, яже церкви стоить и до сего дне. Взя же идя мѣдянѣ двѣ капищи, и четыри конѣ мѣдяны, иже и нынѣ стоять за святою Богородицею; якоже невѣдуще мнять я мрамаряны суща, Вдасть же за вѣно Грекомъ Корсунь опять царицѣ дѣля, а самъ приде Кіеву. Яко приде, повелѣ кумиры испроврещи, овы осѣчи, а другія огневи предати; Перуна же повелѣ привязати коневи къ хвосту и влещи съ горы по Боручеву на Ручай, дванадесять мужа пристави тети жезльемъ. Се же не яко древу чююшу, но на поруганье бѣсу, иже прелщаше симъ образомъ человѣкы, да възмездье пріиметъ отъ человѣкъ. Велій еси, Господи, чюдная дѣла твоя! вчера чтимъ отъ человѣкъ, а днесь поругаемъ. Влекому же ему по Ручаго къ Днѣпру, плакахуся его невѣрніи людье, еще бо и не бяху пріяли святаго крещенья; и привлекше, вринуша и въ Днѣпръ. И пристани Володимеръ, рекъ: „аще кде пристанетъ вы, то отрѣвайте его отъ берега, дондеже порогы проидетъ, то тогда охабитеся его.” Они же повелѣная створиша. Яко пустиша и проиде сквозѣ порогы, изверже и вѣтръ на рѣнѣ, и оттолѣ прослу Перуняна рѣнь, якоже и до сего дне словеть. По семь же Володимеръ посла по всему граду, глаголя: „аще не обрящется кто заутра на рѣцѣ, богатъ ли, ли убогъ, или нищъ, ли работникъ, противенъ мнѣ да будеть ” Се слышавше людье, съ радостью идяху, радующеся и глаголюще: „аще бы се не добро было, не бы сего Князь и бояре пріяли.” Наутрія же изиде Володимеръ съ попы и рицины и съ Корсуньскыми на Днѣпръ, и снидеся безъ числа людій: влѣзоша въ воду и стояху овы до шіе, а друзіи до персій, младіи же отъ берега, друзіи же младенци держаще, свершенніи же бродяху; Попове же стояще молитвы творяху. И бяше си вѣдѣти радость на небеси и на земли, толико душь спасаемыхъ: а дьяволъ стеня глаголаше: увы мнѣ, яко сдѣ не суть ученья Апостольска, ни суть вѣдуще Бога, но веселяхся о службѣ ихъ, же служаку мнѣ; и се уже побѣженъ есмь отъ невѣгласъ, а не отъ Апостолъ, ни отъ Мученикъ; не имамъ уже царствовати въ странахъ сихъ. Крестившимъ же ся людемъ, идоша кождо въ домы своя. Володимеръ же радъ бывъ, яко позна Бога самъ и людье его, възрѣвъ на небо, рече: „Боже, створивый небо и землю! призри на новыя люди сія, и дажъ имъ, Господи, увѣдѣти тебе истиннаго Бога, якоже увѣдѣша страны хрестьянскія; утверди и вѣру въ нихъ праву и несовратину, и мнѣ помози, Господи, на супротивнаго врага, да надѣяся на тя и на твою державу, иобѣжю козни его. И се рекъ, понелѣ рубити церкви и поставляти по мѣстомъ, идѣже стояху кумири; и постави церковь святаго Василья на холмѣ, идѣже стояще кумиръ Перунъ и прочіи, идѣже творяху требы Князь и людье; и нача ставити по градомъ церкви и попы, и люди на крещенье приводити по всѣмъ градомъ и селомъ. Пославъ нача поимати у нарочитое чади дѣти, и даяти нача на ученье книжное; матере же чадъ сихъ плакахуся по нихъ, еще бо не бяху ся утвердили вѣрою, но аки по мертвеци плакахуся. Симъ же раздаянымъ на ученье книгамъ. собысться пророчество на Русьстѣй земли, глаголющее: во оны дніи услышатъ глусіи словеса книжная, и ясенъ будетъ языкъ гугнивыхъ (косоязычныхъ). Си бо не бѣша прежде слышали словесе книжного, но по Божью строю, и по милости своей помилова Богь, якоже рече Пророкъ: помилую, его же аще хощю. Помилова бо ны паки банею бытья и обновленьемъ духа, по изволенью Божью, а не по нашимъ дѣломъ. Благословенъ Господь Исусъ Христосъ, иже возлюби новыя люди, Русьскую землю, просвѣти ю крещеньемъ святымъ. Тѣмже и мы припадаемъ къ нему, глаголюще: Господи Исусе Христе! что ти воздамы о всѣхъ еже воздасть намъ, грѣшникомъ намъ сущимъ? недоумѣемъ противу даромъ твоимъ воздаянья воздати; велій бо еси и чюдна дѣла твоя, величью твоему нѣсть конца, родъ и родъ восхвалить дѣла твоя. Реку же съ Давидомъ: придѣте, возрадуемся Господеви, воскликнемъ Богу и Спасу нашему, варимъ лице его въ исповѣданьи; исповѣдающеся ему, яко благъ, яко въ вѣки милость его яко избавилъ ны есть отъ врагь нашихъ, рекше отъ идодъ суетныхъ. И паки рцемь съ Давидомъ: воспойте Господеви пѣснь нову, воспойте Господеви вся земли; воспойте Господеви, благословите имя его, благовѣстите день отъ дне спасенье его, возвѣстите во языцѣхъ славу его, во всѣхъ языцѣхъ чюдеса его; яко велій Господь и хваленъ зѣло, и величью его нѣсть конца. Колика ти радость! не единъ, ни два спасается. Рече бо Господь: яко радость бываетъ на небеси о единомъ грѣшницѣ кающемся; се же не единъ, ни два, но безчисленное множество къ Богу приступиша, святымъ крещеньемъ просвѣщени. Якоже и Пророкъ рече: въскроплю на вы воду чисту, и очиститеся и отъ идоль вашихъ и отъ грѣхъ вашихъ. Паки другій Пророкъ рече: кто яко Богь отъемля грѣхи и презирая неправды? Яко хотяй милостивъ есть; то обратить и ущедрить ны, и погрузить грѣхи наша въ глубинѣ. Ибо Павелъ глаголеть: братья! елико насъ крестихомся въ Исуса Христа, въ смерти его крестихомся и погребохомся убо съ нимъ крещеньемъ въ смерть; да якоже воста Христосъ отъ мертвыхъ, И паки: ветхая мимоидоша, и се быша новая: нынѣ приближися намъ спасенье, нощь успе, а день приближися; имъ же приведенье обрѣтохомъ вѣрою въ благодатъ сію, имъ же хвалимся и стоимъ; нынѣ же свободившеся отъ грѣха, поработившеся Господеви, имате плодъ вашь въ священье. Тѣмже должни есмы работати Господеви, радующеся ему; рече бо Давидъ: работайте Господеви съ страхомъ и радуйтеся ему съ трепетомъ. Мы же взопьемъ кь Господу Богу нашему, глаголюще: благословенъ Господь, иже не дасть насъ въ ловитву зубомъ ихъ; сѣть сокрушися, и мы избавлени быхомъ отъ прельсти дьявола. И погибе память его съ шумомъ, и Господь въ вѣки пребываеть, хвалимъ отъ Русьскыхъ сыновъ, пѣваемъ въ Троици; а демони проклинаеми отъ бдаговѣрныхъ мужь и отъ вѣрныхъ женъ, иже пріяли суть крещенье и покаянье въ отпущенье грѣховъ, новіи людье хрестъянстіи, избраніи Богомъ. Володимеръ просвѣщенъ самъ, и сынове его, и земля его, Бѣ бо у него сыновъ 12: Вышеславъ, Изя- славъ, Ярославъ, Святополкъ, Всеволодъ, Святославъ, Борисъ, Глѣбъ, Станиславъ, Позвиздъ, Судиславъ.

Въ лѣто 6497 (989), По семь же Володимеръ живяше въ законѣ хрестьянствѣ, помысли создати церковь каменну пресвятыя Богородицы, пославъ приведе мастеры отъ Грекъ. И наченшу же здати, и яко сконча зиждуще, украси ю иконами, и поручи ю Настасу Корсунянину, и попы Корсунскія пристави служити въ ней, вдавъ ту все, еже бѣ взялъ въ Корсуни, иконы, и сосуды, и кресты.

Въ лѣто 6504 (995), Володимеръ видѣвъ церковь (пресвятыя Богородицы) свершену, вшедъ въ ню и помолился Богу, глаголя: „Господи Боже! призри съ небесе и вижь, и посѣти винограда своего, и сверши, яже насади десница твоя, новыя люди си, имъ же обратилъ если сердце въ разумъ, познати тебе Бога истинного; и призри на церковь твою си, юже создалъ недостойный рабъ твой, въ имя рожьшая тя Матери Приснодѣвы Богородицы; аще кто помолится въ церкви сей, то услыши молитву его, молитвы ради пречистыя Богородицы!” И помолившюся ему, рекъ сице: „даю церкви сей святѣй Богородици отъ имѣнья моего и отъ градъ моихъ десятую часть”. И положи написавъ клятву въ церкви сей, рекъ: „аще кто сего посудить, да будетъ проклятъ,” И вдасть десятину Настасу Корсунянину, и створи праздникъ великъ въ той день боляромъ и старцемъ людьскымъ, и убогимъ раздая имѣнье много. По сихъ же придоша Печенѣзи къ Василеву, и Володимеръ съ малого дружиною изыде противу, и съступившимся, и не могъ стерпѣти противу, подбѣгъ ста подъ мостомъ одва укрыся противныхъ: и тогда обѣщася Володимеръ поставити церковь Васнлевѣ снятаго Преображенья, бѣ бо въ той день Преображенье Господне, егда си высть сѣча, Избывъ же Володимеръ сего, постави церковь, и створи праздникъ великъ, варя 300 переваръ меду, и съзываше боляры своя, и посадники, старѣйшины по всѣмъ градомъ, и люди многы, и раздая убогымъ 300 гривенъ. Праздновавъ князь дній 8, и возвращащеться Кыеву на Успенье святыя Богородици, и ту пакы стваряше праздникъ великъ, сзивая безчисленное множьство народа. Видя же люди хрестьяны суща, радовашеся душею и тѣломъ, и тако по вся лѣта творяже. Бѣ бо любя словеса книжная, слыша бо единою Евангелье чтомо: блажени милостивіи, яко ти помиловани будутъ; и паки: продайте имѣнья ваша и дадите нищимъ; и паки: не скрывайте собѣ сокровищь на земли, идѣже ни тля тлить, ни татье крадутъ; и Давида глаголюща: блаженъ мужь милуя и дая; Соломона же слыша глаголюща: вдаяй нищему, Богу взаимъ даеть. Си слышавъ, повелѣ всякому нищему и убогому приходити на дворъ князь и взимати всяку потребу, питье и яденье, и отъ скотъниць кунами. Устрой же и се, рекъ: „яко простроити кола; въскладаше хлѣбы, мяса, рыбы, овощь разноличный, меда въ въчелкахъ, а въ другахъ квасъ, возити по городу, въпрашающе: „кдѣ вольніи и нищь, не могы ходит?; тѣмъ раздаваху на потребу. Се же пакы творяше людемъ своимъ по вся недѣля, устави на дворѣ въ гридьницѣ пиръ творити и приходити боляромъ, и гридемъ, и соцьскымъ, и десяцьскымъ, и нарочитымъ мужемъ, при князи и безъ князя: бываше множьство отъ мясъ, отъ скота и отъ звѣрины, бяше по изсбилью отъ всего. Егда же подпьяхуться, начьняхутъ роптати на князь, глаголюще: „зло есть нашимъ головамъ! да вамъ ясти деревяными лъжицами, а не сребряными”. Се слышавъ Вододимеръ, повелѣ исковати лжицѣ сребрены ясти дружинѣ, рекъ сице: „яко срберомъ и златомъ не имамъ налѣзти дружины, а дружиною налѣзу сребро и злато, якоже дѣдъ мой и отець мой доиская дружною злата и сребра.” Бѣ бо Володимеръ любя дружину, и съ ними думая о строеньи земленѣмъ, и о ратехъ, и уставѣ земленѣмъ. И бѣ живя съ князи околными миромъ, съ Болеславомъ Лядьскымъ, и съ Стефаномъ Угрьскымъ, и съ Андрихомъ Чешскымъ, и бѣ миръ межю ими и любы. Живяше же Володимеръ въ страсѣ Божьи, и по устроевью отьцю и дѣдню.