Бысть нѣкая зима
Всѣхъ зимъ иныхъ лютѣйша паче.
Бысть нетерпимый мразъ и бурный вѣтръ,
И снѣгъ спаде на землю превеликій,
И хмарины засыпа, и не токмо
Въ путѣхъ, но и во градѣ померзаху
Скоты и человѣцы безъ числа,
И птицы мертвы падаху на кровли.
Бысть въ оны дни:
Святый своимъ наготствующимъ тѣломъ
Отъ той зимы безмѣрно пострада.
Единожды онъ нощію пріиде
Ко храминамъ убогихъ и хотѣ
Согрѣтися у нихъ; но ощутивше
Приходъ его, иніи затворяху
Дверь крѣпко передъ нимъ, иніи же его
Біяху и кричаще: — Прочь отсюду,
Отыди прочь, Юроде! — Онъ въ углѣ
Псовъ обрѣте ихъ, но бѣгоша
Тѣ пси его. И возвратися паки
Святый въ притворъ церковный и сѣде,
Согнулся и трясыйся и отчаявъ
Спасенія себѣ. — Благословенно
Господне имя! Пси и человѣцы —
Единое въ свирѣпствѣ и умѣ.