Въ осени минувшого гола въ Ватербурѣ Конн, отбылося русско-народное вѣче съ цѣлею пояснити потребу народнои организаціи и собрата сборъ на голодуючихъ. На вѣчѣ рѣшено основати также Читальню им. Мих. Качковского. Уже слѣдуючои недѣли сойшлися люде и хотя даже на проповѣди падали громы на читальню, она была открыта. Предсѣдателемъ избранный былъ Григ. К. Вислоцкій, секретаремъ Ст. Гомикъ, кассіеромъ Ст. Прислопскій. 
Делегати Читальни им. Mux. Качковского изъ Ватербури, Конн,
на посвященію братского флага въ Сеиморъ, Конн. Читальня стала розвиватися дуже хорошо. Каждой недѣли собиралися члены, газеты доставлялъ членъ І. Я. Луцыкъ. Хотя бѣдны въ гроши и хотя прямо не можна было отрястися отъ напастей, читальники устроили елку, т. е. деревце для дѣтей. Народа собралося полно. Всѣ дѣти удивилися, видячи величаву, електрикою освѣченну елку. Отъ пятилѣтныхъ дѣтей до найстаршихъ, многи проголосили стихотворенія и при звукахъ фортепяна спѣвали коляды, а старшіи одограли „Вертепъ“. 
Читальня им. Mux. Качковского въ Ватербури, Конн. (въ двѣ ведѣли по еи основнію)
Въ Ѳомину недѣлю читальня устроила обще свячене. Засѣли всѣ при долгомъ столѣ, якій пріукрашенный былъ портретами Наумовича и Качковского. Мѣстцевый церковный хоръ отспѣвалъ много церковныхъ пѣсень. Першіи мѣстця при столѣ были порожны, и посвященны страдаючимъ на тогдѣ въ тюрмѣ нашимъ народнымъ героямъ. Понеслися задушевны рѣчи. Коли братя наши въ Сейморъ посвящали свои братскіи флаги, читальня выслала на то торжество 53 членовъ. На найблисшомъ образку мы видимъ только одно часть изъ нихъ. Маемъ полну надежду, що читальня въ Ватербури потрудится, абы мати якъ найбольше членовъ, абы быти живою, и потрудитися для соединенія всѣхъ русскихъ, а есть ихъ въ Ватербури много, премного. На славу ей! Найбольше потрудилися для читальни: Гр. К. Вислоцкій, Антоній Хомикъ, Ст. Гомикъ, Вас. Роздѣльскій, Стефанъ Прислопскій, Коцко, Павелъ Монита и др. 
|