Редакция сего Календаря на 1958 год находит своим милым обовязком поблагодарити всіх тых нашых людей, котры своими творами, своим писательскым талантом причинилися до його издания. Мы находиме потребным выразити тоту подяку тым больше, што через Вашу участь наш Календарь стался не Календарьом редактора, або Календарьом даякой группы, або партии, а народным Календарьом. Признати треба, што до него вложили свой труд нашы люде из всіх частей Соєдиненных Штатов, Канады, Польшы, Совітского Союза, Пряшевщины, а даже из опустошеной до теперь родной Лемковщины.

Так с наступающым Новым Роком 1958 желаєме, абы каждый день того року был для нас всіх не лем счастливым и жизнерадостным, но штобы он был ище больше плодотворным, як до сего часу, и штобы в том грядущом Новом Року сполнилися всі нашы желания, абы настал мир и справедливость меже народами, котрой ціли и наш Календарь присвяченый.