Спий, дорогой друг, сном достойных блаженной памяти,
Аж до смерти в сердцах нашых будем Тя держати.
Ты посвятил труды свои для блага народа,
Кончина Твоя — велика страта и громадна шкода.
Любовь Твоя велика была и славна заслуга,
Стратили мы труженика, сердечного друга.
Всякому потечут слезы о твойой памяти,
В Америкі и в Европі будут Тя оплаковати.
И будешь Ты сном смиренных в сірой земли спати.
Друзья Твои с болем в сердцах будут Тя споминати
Ты не любил противников злобно бичевати,
Ани близкых друзей своих много похваляти.
Для Тебе дорога была наука реальна,
Тым больше мысель о кончині, будет нам печальна.
Трудно, трудно нам поняти с жалю великого,
Не будеме мы читати творы пера твого.
“Карпатску Русь” нам принесе листонош до двери,
Але Твойой передовой не буде в папері.
Буде, буде соглашение между народами,
Жаль, не буде Тебе, Д-р Пыж, больше между нами.
Але буде заміститель, хоц не так способный,
Но он пойде Твоим путем — буде Ти подобный.
Бо не може умерати народна робота,
Пока в сердци живе любовь, до труда охота.

А. Белоглав.