Десять літ мы за “сателлитов”,
Со жальом читали,
Што там за “желізнов куртинов”
В “неволи” страдали.

Сателлитами ся занимали
Німці и англикы,
До свободы их призывал
“Голос Америкы”.

Бо-ж плінному всякий мусит
Блага пожелати,
И при всякой возможности
Добру раду дати.

Теперь оден сателлита,
В “неволи” рожденный
Прорвал желізну куртину,
Летит, як спареный.

С восхищением провосгласил —
Даже сам Никита:
“Трьох спутников освободил
Герой сателлита!”

И летит он кругом земли,
Начиная с юга —
Спутникы го доганяют,
Преганяют друг-друга.

Но и сам же сателлита
Земли спутничаєт,
Но, на жаль, земля уж старенька.
Помалу літаєт.

Коли она, старуха,
Тысяч миль пролетит.
То “спутник” свисне осемадцет тысяч,
Бип-бип... собі шепетит.

Йому солнце не заходит,
Все на, нього гріе,
Звіздочкы його витают,
Місяц ся му сміе.

И возлюбил малый спутник
Ту святу свободу,
До свободы он открыват,
Путь всякому роду.

Пора, пора перестати
Спати за куртинов,
Час поднести очы в гору
За святов новинов.

И смотрят же профессоры,
Аж им очы мліют, —
Едны хвалят, другы плачут,
А иншы ся сміют.

Але спутник свое творит
Ломит всі границі,
Його интересує місяц,
Численны зірниці.

Долго, долго он прострадал
В человіческой неволи,
Больше го не увидите
На земли николи.

Он проломил всі ограды
Съединил языкы,
Йому не нужны пашпорты
Ни переводчикы.

Он так лишил стару землю,
Як гніздо пташина,
Он має великы очы,
Смотрит за иншыма.

Йому теперь не потребно
Оливы ни бензины,
Там не буде слухав,
Людской болтанины.

Йому давно говорили, што святый отец
Має обытели многы,
Он успіе побідити перегоны
Перейти порогы.

Он постановил собі на крылах
До неба ся достати,
Йому в двадцетом столітью не треба
Вавилоньску Вежу будувати.

У спутника была одна надія
И одна охота,
Стратитися от земной злобы
Выйти из болота.

Спутник своє велике сердце
Поднял гет там в гору,
Отрекся от дьявола,
Пожажды и гонору.

А я одно лем вам скажу:
Честь йому и слава!
И єсли вы хочете більше знати
Спросте Благонрава.

А. Белоглав

Шелтон, Конн. 10-ХІІ, 1957