Перший ряд с ліва на право: Сонья Рудавска (стоит), Мария Рудавска, Параска Завойска, Т. Рудавский, В. Саламак, П. Стефура, М. Ришко, А. Ришко, и М. Филип. (Діти сидят с ліва на право): М. Димон, И. Завойска, И. Стефура, И. Ришко, Н. Ришко. Другий ряд (с ліва на право): Г. Адамчак, А. Завойский, А. Димон, В. Ванат, Н. Бобер, М. Шмайда, Е. Стефура, М. Білиця, О. Ришко, М. Ришко, А. Вит. Третий ряд (с ліва на право): Т. Рудавский, Д. Кукуляк, Т. Станчак, Дж. Вит, Н. Бучко, Н. Стефура, И. Завойский, Я. Завойский, Дж. Вит.

25 літ тому назад, апріля 17, 1932 года, в Елизабет, Н. Дж., был скликаний перший митинг, на котром был оснований Лемко Союза отділ число 35. Зышлося много людей, як с галицкой части Лемковщины так и с Прящевщины, а дакотри и с Восточной Галичины. Ціль того отділа била соєдинити наших людей культурно и поднести их просвітительно и морально.

Першим Предсідателем отділа был вибраний Осиф Билиця, а Секретарь, котрый и до сего дня бере активну участь в нашой организации, Теодор Фучила.

На протягу перших 25 літ, отділ Л. С. ч. 35 прожил розмаити часы. Найтяжше было в затяжну депрессию, котру переживала Америка, як тоже и страшну другу світову войну. Тоетым тяжким периодом в истории нашой организации были часы дикой нагонкы на прогрессивны организации. Тогды пару членов от страху оставили наш отділ и организацию, думаючи, што то всьо скоро розлетится. Но стало наоборот. Не лем, же отділ не розлетілся, але при здорово-думающих и твердого характера членах, котры стоят и за свой народ и за организацию, отділ триматся дост крепко, як морально, так по числу членов, як и финансово.

Отділ выполнят свои организацийны обовязкы с добрым успіхом.

Мая 4-го 1957 року, члены отділа ч. 35 справляли 25-рочный Юбилей свого существования, в Русском Народном Домі в Елизабет. На тот юбилей на запрошение Комитета загостили до нас наш, теперь уж пок. Д-р Симеон Пыж, Головний Предсідатель Л. С. Стефан Геренчак и Организатор 1-го округа Л. С. Петро Гузлей. В торжестві приняло участь всьо наше членство и много гостей, приятелей нашого отділа из околиці. Юбилей выпал нам дуже успішний.

Померши наши члены: Стефан Марин, Николай Ришко, Осиф Билиця, Николай Грубый, Михаил Завойский, Николай Губик, Анна Бурак, Стефан Рудавский Иван Адамчак.