“У нас єст материал и в природных богатствах, и в запасі людскых сил, и в прекрасном розмахі, котрый дала народному творчеству велика революция, — штобы створити направду могучу и обильную Русь.”

Велика наша Отчизна и богата дарами природы — и минералы, и плодородны земли, и лісы, и енергия вод — остались бы мертвыми, єсли бы их не оживили своим трудом люде.

Куды бы мы ни взглянули, всяди у видиме труд нашых людей, труд народа. Вот высится новый город — он побудованый людми, цегла за цеглом, рок за роком. Вот роскинулося поле — оно выхожено людми: борозда за бороздом, поколінне за поколінием. Вот тянеся желізна дорога — она проложена людми: каждый метр пути выровнаный кажда шпала зрублена, каждый рельс пропущенный.

Совітский строй освободил нашых людей от подневольного труда на поміщиков и капиталистов. В нашой крайні труд свободных совітскых людей стал ділом их чести и славы, доблести и геройства.

Организуваный и керуваный совітском властью и коммунистичном партиом, он — творец всіх нашых материальных и культурных цінностей, жерело нашой силы.

Сколько-ж людей жиє в СССР? У нас в 1940 року числилося 193 миллионы людей — намного больше, як в дакотрой зо самых великых краин Европы и Америкы. Єст лем дві краины в світі, где население больше, як у нас, — то Китай и Индия.

Внаслідок высокой рождаємости и низкой смертности дітей население СССР по віковому складу много молодше, як в другых краинах. По довоєнным данным, молодшых от 19 літ в СССР было 45 процентов населения, а США — лем 39 процент, в Англии — 30 проц. Вычисления показали, што понад 54 процент населения СССР родилося уж послі Октябрьской революции; єсли прибавити ку тому тых, кому в 1917 року было меньше як 8—10 літ, то оказуєся, што больше як 2/3 населения СССР николи не знало, што таке капиталистичный порядок, не дознавало експлоатации.

Население роспреділено по территории СССР неровномірно. Средня по Союзу густота населения ровнатся около 9 людей на 1 квадратный километр.

Найбольше населены районы юго-запада и центра Европейской части СССР, где місцами жиє больше як 100 людей на 1 квадратный километр.

В Азиатской части ССОР больше заселена смуга вытянута вздолж Сибирской желізнодорожной магистрали. Ку сіверу от желізной дорогы, в районах тайг, население дост рідке, а чым дальше на сівер, тым рідше. В Средней Азии рядом с орошаными місцами — оазисами, где густота населения часто превышат 100 и больше людей на 1 квадратный километр, находятся и обшары пустынь и гор с густотом населения меньше, як 1 чоловік на 1 квадратный километр.

В рокы совітской власти на востокі Союза с великом промышленном розбудовом густота населения непрерывно росте. Но нами ище не рішена до конца задача заселения и освоєния огромных и дуже богатых районов на востокі и сіверо-востокі. Природны богатства, скрыты там, требуют приложения смілых и умілых людскых рук. Безмірно велике поле діятельности для нашой молодежи, немало ище в нашой крайні місц, где єй жде захоплюючий труд освоєния.

Наша краина — краина много-национальна. В Совітском Союзі жиє около 60 великых наций, национальных групп и народностей. Кромі того, у нас числится поверх соткы невеликых национальных групп и племен — всього лем попару тысяч людей и даже меньше.

Всі народы в СССР полностью ровноправны, их скріплят братска, сталинска дружба.

Больше половины населения СССР — русскы (великороссы). По переписи 17 января 1939 року великоруссы числили 99 миллионов, т. є. 58.41 процент населения СССР. Русскы творят основну массу населения в центральных, сіверных и частично южных районах Европейской части СССР, а также на Уралі, в Сибири и на Дальнем Востокі. Немало русскых жиє и в другых частях Союза.

На югі и юго-западі Совітского Союза жиют украинцы (по переписи 1939 року — 16.56 проц. населения СССР) и молдаване, на западі — білоруссы, литовцы, латышы и. естонцы, на сіверо-западі — карелы и финны.

На сівері и сіверо-востокі Европейской части СССР жиют, кромі русскых, народы коми и ненцы, а на востокі — татары, башкиры, чувашы, марийцы, мордовцы.

На Кавказі жиют грузины, азербайджанцы, армяне, русскы, осетины, кабардинцы, абхазцы, аджарцы.

В преділах Казахстана и союзных республик Средней Азии жиют казахы, узбекы, таджики, туркмены, киргизы, русскы.

В Сибири и на Дальном Востокі кромі русскых жиют бурят-монголы, ойроты, хакассы, на сівері — якуты, евенкы, манси, ненцы, чукчы, корякы и другы.

Разнообразна национальна культура совітскых народов, их господарство, язык. Но всі нашы народы влялися в єдину союзну краину. Народы Совітского Союза горячо любят и самопосвятно защищают свою велику Отчизну-мать.

Побіда Великой Октябрьской социалистичной революции и побудование социализма в нашой краині коренным образом змінили классовый склад населения СССР. Совітске общество складатся из двох приятельскых классов — робочого класса и селянства, а также интеллигенции. У нас трудятся всі. Каждый трудится по своим способностям и получат по свому труду. Тото и значит, што в нашой краині осуществленный социализм — перва фаза коммунизма.