ВНУКЫ ЛЬВА ТОЛСТОГО

Розвідчикы наступаючых войск Красной Армии при конці октября 1944 року в Югославии, проникли в село Новы Бецеж, штобы розвідати німецку оборону и пункты концентрации. Недалеко того села они встроили людей, якы говорили по-русскы. Они дали цінны відомости о врагу, котры помогли русскым заняти село. Кромі того они помогли красноармейцам побудувати понтонный мост через ріку Тису и достали коней для перевозкы материалов. Совітскы солдаты и офицеры заинтересувалися своими новыми друзьями и звідали их, кто они. Они оказалися внуками великого русского писателя Льва Толстого, другого сына писателя, котрый помер в США в 1930 року.

Один из них, Владимир Толстой, заявил красноармейцам:

“Жиючи в Югославии, я уважно слідил за событиями в России. Тота война показала силу Совітской России. Я ждал Красну Армию и старался помочи єй в єй операциях и в установлению связи с партизанами.”

И направду, Владимир Толстой оказал велику помоч русскым войскам. Коли совітскы войска повели офензиву на Новы Бенеж, он присоєдинился до передовых отділов, як проводник. Отступаючий враг знищил переправу через канал. Владимир Толстой помог найти потребны материалы для будовы понтонного моста. Бойовы припасы, артиллерия и минометы были переправлены на час через ріку.

Братья Толсты показали запасы, покинуты врагом, и помогли достати поживу и фураж для Красной Армии. Они были связаны с подпольными вождями югославского освободительного руху.

Лев Толстой, великий чоловіколюб и патриот воплотил в свойом творі “Война и Мир” основны рисы русского народа — геройов Отечественной войны против Наполеона. Отечественна война совітскых народов против німецко-фашистскых наіздников нашла внуков великого писателя на свойом патриотичном посту.