ШЛЯХТОBA, ЯВИРКЫ, БІЛА
|
 |
| Онуфрий и Ирена Петрикович зо сыном. |
Штыри лемковскы села — Шляхтова, Явиркы, Біла Вода и Чорна Вода, то послідны русскы села по галицкой стороні Лемковщины. Тоты села належат административно до Ново-торжского округа и подходят недалеко ку Татрам. По галицкой стороні они не лучатся с другыми лемковскыми селами, но зато лучатся зо спишскыми русскими селами по чехословацкой стороні, через границу. Но мимо того, што тоты штыри нашы лемковскы села закинены найдальше на запад, они сохранили до днеска свою русску віру, лемковско-русску бесіду и народность, так што, правдоподобно, большинство населения тых сел переселилося тепер в Со-, вітский Союз, як в свою национальну державу.
Явиркы и Шляхтова — великы села, зо своими церквами и приходами. Біла Вода и Чорна Вода належали до церкви в Явирках.
Як из другых лемковскых сел, так и с тых штырох самых западных майже половина населения емигровала в Америку. Найбольша колония из тых сел жиє в Филадельфии, и отзначатся своим привязанием до русской церкви и народности. Но кромі Филадельфии, емигранты с тых сел розошлися по цілой Америкі, жиют дакотры и в славном городі Форда — Детройті. В Детройті жиє и знана нам родина Петриковичов, фотография котрой ту поміщена. Онуфрий Петрикович родом зо Шляхтовы, його жена Ирена с Явирок. Обоє свідомы русскы люде и свідомы роботникы, обоє помагают нашой народной организации. Ирена Петрикович — член Центрального Исполнительного Комитета Л. С.
Свідомы родиче выховают и свідому дитину. Такого сына выховали Петриковичы. Його мати пише нам, што он интересуєся днеска найбольше историом народа, с котрого он походит — русском историом.
Покончивши гайскул в 1942 року, он дораз сголосился в воєнну летну школу, где выучился на радио-оперейтора и летного механика при тяжкых бомберах. В юлі 1944 року был высланый в Европу, где пробыл 10 місяцов и участвовал 34 боях, як техничный сержант. Был много раз отзначеный.
Желаєме краянам Петриковичам прожити много літ и трудитися для свого родного народа.
Того самого желаєме всім выходцам с тых нашых штырох лемковскых сел, и тым в Америкі, и тым в Совітском Союзі, а также тым нашым краянам, котры осталися в тых селах, штобы они старалися отновити их, штобы Шляхтова, Явиркы, Біла Вода и Чорна Вода осталися надальше на краю русской земли с нашым твердым лемковскым поколінием.