Михаил Калинин, Президент СССР.

Понад сімсот літ тому назад, в 1230 року, в Ананьи отбывалася встріча римского папы Григория IX, императора Фридриха II Гогенштауфена и гросмейстера Тевтонского ордена Германа фон Зальца. Недалеко перед том встрічом, а то в 1224 р. татаре в битві на рікі Калкі нанесли поражку русскым. Папа, гросмейстер и Фридрих II желали зо свойой стороны розгромити и покорити Сіверну Новгородску Русь. С том цілью они пожелали вступити в блок с татарами, и предводители крестоносцов были направлены ку татарскым ханам, штобы их познакомили зо свойом рыцарском техником и, соєдинивши, так сказати, азиатску силу с европейском техником, розгромили и знищили русскых. Татары в заміну за техничны знания прирекли папі приняти римо-католицку віру.

Объєдиненный план татар и тевтонов не удался: Александр Невский розгромил наіздников спочатку на рікі Неві в 1240 року, а потом, о два рокы, знищил их на Чудском озері, в так званом Ледовом побоищі. Ту, на сівері, створилася завдякы той побіді можность укріпления и росширения русской держвы, взявшой на себе отныні защиту интересов всего славянства, бо свобода южных славян была зломлена на долгы вікы: с одной стороны, они попали под власть німцов, а с другой — под власть турок.

С юга на сівер устремилися не лем славянскы переселенцы, но и направилася культура. Києвска и Чернигово-Сіверска Русь шла на сівер по сухопутным дорогам, котры сходилися в Москві в одну спольну, и по той дорогі перенюсся из Києва великокняжеский престол в Суздальску землю. Возникли городы, кремли кріпости, храмы, торжица, промышленность, розвилося земледілие. Сто пятьдесят літ послі совіщания в Ананьи и посылкы крестоносцев-рыцарей к татарам для вспольного знищения Сіверной Руси тота Сіверна Русь, тота поднявшася Москва, побідила в 1380 року на Куликовом полі, послі чого владычество и сила татар были знищены, хотя они не раз нападали потом на нашу землю. Діло в том, што Куликовска битва несла в собі огромне народно-историчне значение. Москва в розгромі татар на Куликовом полі змогла объєдинити враждовавшы до того часу меж собом княжества и придати той битві не удільный, а загальнорусский, загальнонациональный характер.

Знаный славянский мыслитель словак Людевит Штур в свойом трактаті “Славянство и світ будучого”, написаном в 1850-1855 роках, говорит: “Русскы — єдины славяне, якы сохранили свою самостоятельность и тым спасли честь славянского имени.”

Так, мы, русскы сохранили и сохраниме свою самостоятельность, но сохранили єй и сохраняме в завзятых битвах за ню и в завзятых трудах. Немож не погодитися с тым самым Л. Штуром, коли он говорит: “Без огляду на то, што Российска держава достигла такой высоты, не в том, однако, заключатся головна причина тяготіния славян к России, но в том, што русский народ має силу не лем творити, но и сохраняти створене.” И дальше: “Лучшы стороны славянского характера мы по большой части пояснили данными из русской истории и жизни, по той простой причині, што жизнь — вірнійший отпечаток нашой души и народу с великом историом даєся найлучша возможность роскрытия свого духа. Такому предводителю славянскы племена можут довіритися без боязни, и кто, при всьом свойом могуществі, дає чужеземцам спокойно жити и розвиватися в свойом сусідстві, тот радушно встрічат майже страчены родственны племена и буде жити с ними по-братскы” (подчеркнуто всяди автором. — В. И.).

Створене сохранятся трудом. Результаты Ледового побоища сохранялися лем потому, што русский народ трудился неуклонно и неустанно над тым, штобы сохранити тоты результаты. Результаты Куликовской битвы потребували дуже великых усилий зо стороны нашого народа, штобы сохранити их. Тото само мож сказати и о Полтавской побіді, и о Бородині, и о всіх битвах и сражениях, в котрых наш народ отстоювал свою самостоятельность, свою территорию, своє право на труд и свободу.

Тым больше относится тото до нашой епохы, коли на великых полях Русской державы родился Союз Совітскых Социалистичных республик — державный строй, подобного котрому николи не было доталь на землі. Державный строй, роскрывший для всіх трудящыхся людей небывале поле примінение их сил, способностей, талантов на благо народу. Нова, совітска Русь приняла на себе и всі тоты благородны и высокы задачы, котры несла Россия в особі єй лучшых сынов и мыслителей, в особі єй лучшых воинов и геройов. И не лем приняла, но и приумножила. Очистившись от скверни прошлого, освободившись от гнета царизма и власти капитала, русский народ укріпился в битвах и трудах, совершивши много благородных подвигов и діл, котры по справедливости мож назвати в числі лучшых діяний людства.

Одном из высокых и благородных традиций было отношение русскых до славян и славянства. Россия николи не забывала и не могла забыти своих западных и южных братов, якы находилися в неволі и билися против той неволи. Поражка врагов славянства под Грюнвальдом в 1410 року воодушевляла всі русскы сердца. Побіды Жижкы и розгром императорскых “крестоносных” полчищ у Домажлиц в 1431 року; освободительна борьба чехов в XVII вікі, выкликавша Тридцетлітню войну, борьба поляков с німцами — всьо тото вызывало горячы откликы у русскых и заставляло думати, што соєдинение славянскых народов в один бойовый союз против німцов, против всіх поневолителей взагалі близко.

Новый урожай

В світлі той братской любви русскых до южных и западных своих братов понятна німцов до славян взагалі, а до русскых в особливости, розросшася послі розгрома русскыми “непобідимых” полков Фридриха II под Кунерсдорфом (1759 р.) и занятия Берлина русскыми. Сто роков позднійше, послі удачной франко-прусской войны, німцы цілковито стратили голову от гордости и высокомірия. Ф. М. Достоевский в одной из заміток, яка относилася до 1873 року, говорит без иронии:

“Начинаючи с Тридцетлітной войны, німцов лем били, всі били, даже туркы, и нараз німцы побили перву в світі по свойой воинственности нацию.”

Апетиты німцов росширилися незмірно. Они виділи своим жадным окомо уж покорены земли Балкан, земли славян, и им снилася покореном Россия. В 1873 року німецкий профессор истории Трейчке так выразился о славянах:

“Ненависть наша до нашых восточных сусідов, тым сарматскым дикарям, не умірятся ниякым чувством симпатии або уважения.”

Тота ненависть приняла зоологичны формы, коли в войну 1877-1878 роков русскы воины освободили народы Балкан, вызвали их до самостоятельности, поставили их на дорогу прогресса. Німецкий университетский профессор Трейчке говорил дост популярно. Сімдесят літ позднійше ефрейтор Гитлер воспринял його лекции — и пожарами, убийствами, тортурами, взрывами и знищением цілых городов и областей, иллюструвал слова “знаменитого” историка, котрый, треба сказати, нияк не был вынятком: дост вспомнути Лампрехта, не говорячи уж о Моммзені, котрый утворение Германской империи зровнувал с утворением Римской, а Бисмарка уподоблял Цезарю. Cорок літ тому, в 1904 року, историк Альбрехт Ворт в книгі, изданной в Мюнхені, заявлят: “Мы повинны знов взятися за колонизаторску діятельность Оттонов, семиградскых саксов, німецкого ордена и первых прусскых королей. Для того уж положили тревалый початок німецкы селяне на Волгі, на Дніпрі, на Волыни и розвитие німецкой торговли и промышленной діятельности в цілом русском господарстві”.

Мария Иванова, выполнят 300% свойой продукции денно.

И тот историк говорит дальше: “Ніт сомніния, што таке приобрітение не може быти зроблено без войны.”

Велика Совітска революция в России в октябрі 1917 року нанесла непоправимый и сильный удар тым німецкым мечтаниям, найперше на полі “розвития німецкой торговой и промышленной діятельности” в России, не говорячи уж о колонизаторской. Німцы попробували получити реванш. Они направилися на Дніпр, на Волынь, на Волгу — именно там, где они поставили свои “аванпосты”, як говорит “историк”. Волга отповіла на тото нашествие обороном Царицына в 1918 року. Дніпр отповіл розгромом німцов на Украині. Волынь виділа их упавшы знамена и оставлены вализы. Німцы убіжали из Совітской России, из Совітской Украины и Білоруссии. Но мечты о “крестовом поході" и цілковитом знищению славянства и його старшого брата — России, а значит, и Совітского Союза, — тоты німецкы мечты осталися и тліли, покаль выбухли заревом пожаров войны в 1939 и послідуючых роков.

В той войні у німцов были часовы удачы. Тоты часовы удачы, завдякы несподіваным и зрадничым нападам на своих сусідов, німцы приняли за удачы вічны, за предзнаменование владычества над світом.

В холодный февральский день 1943 року німцы, воображавшы, што стоят уж у золотых ворот побіды, увиділи врата тоты поверженными, и самых себе — побитыми и униженными.

2 февраля 1943 року закончилося величайше сражение, больше грандиозне, як битва под Грюнвальдом, “Ледове побоище”, Куликовска битва або діло под Полтавом: закончилося сражение за Сталинград — сражение за свободу людства, сражение за СССР!

Сражение за Сталинград закончилося полным розгромом 330-тысячной німецкой армии, плінением 91 тысячи найліпшых німецкых войск на челі с фельдмаршалом, 24 генералами и 2,500 офицерами.

Отталь иде путь грандиозных побід Красной Армии 1943-1944 роков. Путь через Дон, Дніпр, Дністр, Прут. Путь, котрый привюл нашы полкы в Карпаты, ку Чехословакии. Впереди чешский горный штырокутник, золота Прага. Видна уж Польша. И зо знаменами в сильных руках, рядом с нами, воинами Совітской краины, идут воины Чехословакии, Югославии, Польшы...

Там, вдалекі, маячат кріпости югославскых гор, где воины маршала Тито со сказочным упорством и былинным мужеством защищают свою отчизну, защищают Югославию, интересы всіх славян, котры всі разом защищают интересы всего світа, всего людства, його свободу, независимость мысли и віры против чорных, мерзкых банд фашизма, против мерзости и пропаганды опустошения — материального и духовного.

Маршал Тито

Говорил чех Ян Коллар: “Єсли позвут “славянин”, най в тобі откликнеся чоловік.” Тот чоловік носил имя Пушкина, Горького, Мицкевича и тысячы другых почетных и гордых имен славянства.

С удивительном прозорливостью Л. Штур увидал тоту особливость русского народа, котру восприняли и усвоили всі народы нашого Союза.

Жити по-братскы — то значит ділити радости, труд, ну и, розумієся, невзгоды, потому што жизнь, даже при самом лучшом єй устройстві, все-таки не обходится без невзгод.

Жити по-братскы — то значит жити в битві за свою отчизну, єсли того потребуют час, народ и твоя совість.

Жити по-братскы — то значит творити нову жизнь, воплощати в ней всі мечты народа, обертати тоты мечты в дійсность, штобы с той дійсности вырастали новы, ище лучшы мечты и нове, ище лучше воплощение их.

Приближатся година, коли мечты славянскых народов, як и всіх другых свободолюбивых народов світа, будут осуществлены. Головна идея тых мечтаний — як мож скорше розбити, сокрушити німецкий фашизм.

Но година побіды приближатся не сама по собі.

В крові и битвах рождатся она. В упорном труді, в перемогі над забобонами, в настойчивости и твердости выполнения поставленых часом задач лежат условия, при котрых настане година свободы, година полного и окончательного освобождения славянства от німецкого гнета, от фашистского звірства. В битві и неустанном труді и самопожертвованию настане година свободы, година объєдинения, в котре все вірила Россия. Тоту віру она передала нам, єй потомкам, нам, всему славянству, всему людству — всім, для кого свобода — воздух, котрым лем оно и може дыхати.