КАРПАТОРУССКЕ ОБЩЕСТВО
БОРЬБЫ С ФАШИЗМОМ

Емигранты из всіх частей Карпатской Руси в Торонто, Канада, основали 26 октября, 1941 року Карпаторусске Общество борьбы с фашизмом. Того дня на первом собранию записалося в тото общество 52 члены. На том первом собранию было тоже рішено працувати над тым, штобы объєдинити всіх карпаторусскых емигрантов в Торонто, як тоже старатися, штобы и в другых городах Канады, где жиют карпаторусскы емигранты, были основаны такы самы общества для борьбы с фашизмом.

Ціли нашого общества — поддержка воєнных усилий Канады, Великобритании, помоч Совітскому Союзу, нашым русскым братьям и их союзникам в борьбі с фашизмом — борьба за освобождение нашого Родного Краю, Карпатской Руси от німецкого и мадьярского фашизма и за обеспечение нашым родным братьям в Карпатах в их национальных етнографичных границах права на самоопреділение.

За минувшы два рокы наше общество устроило пять массовых собраний. Перве массове собрание отбылося 14 декабря 1941 року, на котром головным бесідником был редактор “Карпатской Руси” Др. С. С. Пыж. Тото собрание отбылося по ділу медицинской помочи нашым русскым братьям.

Друге массове собрание, созване нашым обществом, отбылося 14 апріля, 1942 року, в справі поддержкы канадийского правительства в воєнном ділі, для поддержки плебисцита о загальной воєнной службі.

Третье массове собрание отбылося 9-го августа, 1942 року, в справі сбору фонда для покупкы 2,000 пар чоботов для Красной Армии, — четверте массове собрание отбылося 14 марта, 1943 року в справі поширения нашой организации, и на том собранию вступило в наше общество много новых членов.

Пяте массове віче отбылося 9-го мая, 1943, в справі объєдинения всіх карпаторуссов в Торонто. На том вічу головным бесідником был секретарь Межн. Роб. Ордена Карпаторусской Секции Михаил Логойда.

За час 22-х місяцов Карпаторусске Общество борьбы с фашизмом в самом городі Торонто собрало на медицинску и другу помоч Совітскому Союзу:

Так што всего разом Карпаторусско Общество борьбы с фашизмом в Торонто, Канада, собрало для помочи борьбі с фашизмові — $8,035.50.

Всего членства в нашом обществі в самом Торонто єст до сего часу 235.

С помочом Карпаторусского Общества борьбы с фашизмом был основаный Клуб молодежи, котрый робит успішну роботу. Членов в Клубі молодежи до сего часу понад 40. Так само при нашом Обществі зорганизуваный Карпаторусский Хор, котрый причинился много до помочи нашым братьям в их борьбі с фашизмом.

Из того видите, нашы братья и сестры в Соєдиненных Штатах и Канаді, што мы, вашы братья в Торонто старалися, сколько могли, абы помочи, морально и материально, в великой борьбі свободолюбивых народов против фашизма. Мы звертамеся до всіх карпаторусскых емигрантов ту за океаном, вступайте в прогрессивны народны организации и помагайте союзникам в борьбі с фашистскими агрессорами, якы хотят поневолити всі народы. Не занедбуйте, братья и сестры, той борьбы, и єсли сами не боретеся, то помагайте всіми средствами тым, котры борются на фронтах. Стойте за полну свободу для свого Родного Краю, Карпатской Руси, за полну побіду свободолюбивых народов и справедливый народный мир послі сей войны.

Комитет Карпаторусского Абщества борьбы с фашизмом в Торонто, Канада: