Десяткы тысяч нашых дітей служат в Американской Армии, Морском и Воздушном Флоту. И они добры бойцы, бо они русского роду, а русскы вславилися в сей войні, як найліпшы воины. Многы из тых нашых молодых юнаков отдали уж своє житя за свою отчизну — Америку. Но много меж нашыми молодыми людми в армии и такых, котры родилися в краю, однако они уважают Америку, як свою нову отчизну, а разом тым борются и за свободу свого родного краю Карпатской Руси.
До тых, котры отдали своє житя за Америку, а родилися в краю, належит молодый сын Карпат ИВАН НИКОЛАЕВИЧ ДИЦ, сын нашых читателей Николая и Марии Диц, выходцов из Ярембины, Спиш, Пряшевска Русь. Молодый Иван вступил добровольцом в Американский Флот и згинул в бою з японцами. Дакотры читателі “Карпатской Руси” прислали нам фотографии своих дітей и мы их поміщаме в календарі. Но то, розумієся, на десяткы тысяч нашых дітей, принимаючых участь в боях с врагами Америкы, лем маленька частка. Вот ту нашых двох сержантов из Юнкерс — АНДРЕЙ АНТОНОВИЧ ЦИСЛЯК, сын нашого менажера Л. С., а другий ОНУФРИЙ ПЕРОГ, брат нашого доброго члена из Юнкерс.
АНДРЕЙ ЦИСЛЯК працувал долгий час в типографии Л. С. и кончил гайскул. Перед самом войном он поступил на науку в воєнну механицку школу и вышол школованым воєнным механиком авиации. Тепер працує в Американской воєнной авиации. Он належал до передовых членов нашой организации молодежи. ОНУФРИЙ ПЕРОГ поступил в Армию ище в 1914. року и служил до 1920 в американскых посілостях на Тихом океані, в Филиппинах и т. д. Он рожденный на Лемковщині, в Высові, горлицкого повіта, но Америкі, свойой прибраной отчизні служит вірным солдатом и учит другых. В 1922 он знов повернул на воєнну службу, но больше для воєнной наукы. Тепер он находится с американскыми войсками в Англии, где приготовлят американскых бойцов для побіды над гитлеризмом.
СТЕФАН ПЫЖ, рожд. в Америкі, в Майнерсвилл, Па., от выходцов из Валенного. Он член Американского Карпаторусского Центра и читатель нашой газеты. По русскы научился читати сам, абы мог читати кашу газету и литературу и познати тот народ, с котрого вышол. Стефан стал сиротом, коли му было 12 роков и мушеный был глядати собі куска хліба завчасу, мог покончити лем три рокы гайскул. Служит он тепер в Американской Армии далеко на Аляскі. СЕМ ФЕДОРЧАК, сын нашых читателей и добрых членов Л. С. и другых нашых народных организаций, стац. в Форт Монмаунт, Н. Дж., где учатся на воєнных техников — телефонистов, розвідчиков, телеграфистов, сигнальщиков и другых техников и механиков, котрых потом розділюют по частям Американской Армии. Он был членом нашой организации до самого поступления в армию, и он пише нам так: “Я буду членом той нашой организации, лем верну из армии послі войны. Я гордый быти членом такой свойой родной организации, потому што она належит до тых нашых американскых организаций, котры учат нас, як побідити врагов нашой краины. От самого початку войны наша организация робит всьо, што лем в єй силах для помочи выграния той войны и она буде помагати, покаль мы не выграме. Много нашых молодых лемков служити тепер в Американской Армии для защиты нашой краины, и я знам, што перед ними лем одна ціль: знищити фашистскых выродков. Члены нашой организации тоже знают, што они помагают своим братьям в краю, єсли помагают Америкі в той войні. И мы знаме, што находимеся в армии, што помагаме храброй Красной Армии, котра показує нам всім, як треба боротися против врагов краины и свободы народа. Я переконаный, што мы разом побідиме врагов Америкы и России. Мене научили любити свой народ и його организацию мои родиче, покойный мой отец Петро Федорчак и моя мати Мария. Мой отец, што лем было в його силах, трудился для организации, о том знают члены отділа Л. С. в Пассайку. А моя мати трудится дальше, сколько може и буде трудитися для свого народа до смерти. Я знаю, што война покончйтся вспольном повідом союзников, и мы будеме трудитися разом, организовано, абы помочи потерпівшым от войны, и штобы свобода народа была обеспе чена раз навсе. — Сем Федорчак, член Л. С.”
ИВАН А. УСКИЙ тоже сын нашых сознательных членов, Алексия и Катерины Ускых из Гилман. Виск. Иван служит в Воздушном флоті и находится на Тихом океані, на острові Нова Каледония недалеко Австралии. Он родился 15 юня, 1917 в Терривилл, Конн. Поступил в армию 1941 року, был посланый за океан в январі 1942р. ЛУИС С. КОСКО, сын нашых читателей и членов Л. С. из Шелтон, Конн, служит в Американском Флоту, на воєнном кораблі “Августа”. Родиче його выходцы из села Вышеватка, пов. Ясло, Лемковщина.
ЕФРАИМ БЕНДОС, сын нашых людей из Кулпмонт, Па., внук нашой питательны от первого н-ра “Лемка”, Елены Старинщак из Раншау, Па., єст учеником школы кандидатов на офицеров в Миями Бич, Флорида, и стане скоро лейтенантом Воздушного Флота. АНДРЕЙ МУСЯЛА из Нью Йорка, сын членов Лемко-Союза Юстины и Павла Мусяла, выходцов из села Боднарка, горлицкого повіта, Лемковина. Родился в 1918 р. Побраный в Американску Армию в февралю, 1942 р. До того часу перебывал в Саут Каролайна. За цивиля працувал клерком в бизнесовой компании при Волл-стриті, в Нью Йоркі.
ИВАН СУХОДОЛЬСКИЙ, сын Андрея и Текли Суходольскых из Нью Йорку, рожд. в ноябрі 1919. В апрілю 1941 поступил охотником в “Кост гард” и там остаєся на службі. Мати Ивана роду Буранич в Брунарах, грибовского повіта. Отец из Полян Мыщовскых, пов. Кросно. Другий сын Суходольскых МИХАИЛ, родился в январю, 1921 року. Он тоже поступил охотником як и брат, но он уподобал собі армию. За цивиля был яко “лайф сейвер” при одном из ньюйоркскых купальных озер. Тепер изучат и працує при поправкі авиацийных кораблей, в штаті Тексас. Служит от января, 1942.
ВЛАДИМИР ПЕТРОЧКО, рожд. 16 марта, 1916. в Пеннсильвании. В Нью Йорку працувал “полишером” в желізном заводі. При войску исполнят роботу клерка при выдачі униформ. Побраный на службу 16 октября, 1941 року. Остатными часами перебывал в Саут Каролайна штаті. Отец Владимира — Иван родом из Русской Завадкы, а мати Дорка, из села Боднарка. СТЕФАН ПРОНЬКО родился 15 октября 1913 р. Родиче Стефана — Семан Пронько из села Боднарка, горлицкого повіта, а мати (друга) из Ростокы Великой, пов. Новый Санч. Покликаный до службы 22 апріля 1941. За цивиля был зливщиком стали (“велдер”). В службі исполнят справку оружия, в штаті Массечусетс.
ВАСИЛЬ ПАВЕЛЧАК, рожд. в маю 1911 року. Позваный в армию 6 апріля, 1941. Цивильне занятие — зливщик стали. Служит в кавалерии и посіщат офицерску школу в Сил. Оклагома штат. Мати Василя из Радоцины, из роду Курилович. Сын членкині Л. С. Александры и Симеона Горбацевич, МИХАИЛ, родился 8 сентября, 1915 р. в штаті Род Айленд. Цивильне занятие — розвощик (“драйвер”). Тепер працує в офисі с американском армиом в Айрленд. Родиче Михаила выходцы из России, минской губернии.
ИВАН ГОЙСАК, родом из Устья Русского, горлицкого повіта, Лемковина служит в Канадской армии. Його жена Мария з роду Гафич рожденна в Бехерові, округ Бардиов, Пряшевска Русь. Обоє Гойсакы все были и сут членами нашых карпаторусскых робочых организаций. НИКОЛАЙ ПЫРТЕЙ, из Юнкере, Н. Й., сын нашых передовых членов и читателей газеты Теодора и Йоанны Пыртей. Теодор Пыртей выходец из села Смерековец, горлицкого повіта; Йоанна Пыртей — из Гладышова, пов. Горлицы. Николай Пыртей родился 9-го мая, 1919, в Юнкерс, Н. Й. Коли Николай был дома, робил в шапі, а перед тым, чым достал роботу до шапы — ходил в школу, где покончил курс механика на “дизел” машинах. Он вступил в армию 12-го мая, 1942, и тепер он ище продолжат свою науку в школі при авиацийном корпусі в Ст. Антонио, Тексас. Мамі и няньови пише, што там всьо в порядку, и он здоровый.
ТИМКО ФЕЦІЦА, сын Даниила и Юстины Феціиов, рожденный в Америкі, а выхованый в краю в селі Ганчова, горлицкого повіта. До Америкы вернул в 1935-ом року. От первого дня, коли Тимко Феціца пришол ту с краю, начал интересоватися свойом организациом и читал и читат и сегодня свою газету. Он был 3 рокы секретарем отділа Л. С. ч. 28 в Юнкерс. Тимка любят и поважают всі: стары и молоды. Свойом скромностьом и честном роботом для организации он выробил собі тоту любовь к собі. Он вступил в армию 10-го апріля, 1942. Коли отділ Л. С. мал свой послідный митинг, то юнкерскы члены лінувалися придти на митинг. Тимко из армии получил отпуск и понаглялся, жебы не был поздно на митинг. Такий наш Тимко! ПЕТРО КАНИЩАК, сын Григория и Євьі Канищаков. Рожд. в Америкі, а выхованый в краю в селі Ждыни, пов. Горлицы. Вернул в Америку в 1938 року. Петро Канищак так, як и Тимко Феціца — стоял членом в отділі Л. С. в Линден, Н. Дж. и читал газету и читат єй и сегодня. В армию был покликаный 7-го апріля, 1941. Служит в батальоні против-танковой обороны.
ВЛАДИМИР КРУТИЛА, сын нашых передовых членов Л. С. и читателей газеты — Григория и Евгении Крутила. Покликаный был в армию 10-го апріля, 1942. Мамі и няньови пише, што поводится йому добри и он здоровый. ИВАН СУЛИЧ, сын нашых читателей Михаила и Мелании Суличов из Шенадоа, Па., а тепер в Юнкере, Н. Й. В армию был покликаный 12-го мая, 1942.
МИХАИЛ КОВТКО поступил в Американский Морский Флот 13-го января, 1942. В цивилю ходил в школу и учился на радиомеханика. Тепер працує на одном из кораблей як радио-оператор. ИВАН КУНЧ, сын Михаила и Марии Кунчов, из Лорейн, Огайо. Молодый Кунч покончил калледж и посіщат офицерский курс. Родиче сознательны члены нашой организации — выходцы из Лемковщины — отец из Ожинной, мати з Липной.
В тогорочном Календарі Лемко-Союза мы видиме лица вояков, сынов гдекотрых нашых членов Л. С. Многы из них меньше або больше интересовалися нашом народном организациом. Но в лиці Николая Лабика, котрый служит в Канадской армии от августа 1942 р. мы встрічаме одного из самых идейных единиц среди лемковской емиграции в Канаді. Лемко-Союз николи не забуде имя того человіка, котрый своима жертвами, трудом и искренном любовью до свого народа причинился так много до укріпления Лемко-Союза, а тым и до того карпаторусского руку, котрый охвачат днес всю емиграцию Америкы. Николай Лабик пришол до Канады в осени 1930 року, остатным емигрантекым транспортом. Лемков в Канаді было пару тысяч. Но то были часы, коли о лемках никто не знал. В тоты часы лемкови было стыдно признатися, што он лемко. Нашу материнску бесіду высмівали, организацию розбивали и розкидували. Каждый крок до организации был тяжкий. Николая не треба было переконувати, где йому треба стати. Николай Лабик и його брат Иван першы пришли на помоч тым людям, котры почали организацию Лемко-Союз. В тяжкой початковой борьбі и потом в завзятой роботі той организации наш народ достал .належне місце меже другыми народами, а Л. С. объединил нашу емиграцию. Николай Лабик все был перший в жертві на народны ціли, он был перший на роботі в организации. Николай о собі не думал, а о том, як помочи своим краянам. Он ділился с ними послідным центом. Всі памятают безроботя в Канаді. Николай перетримувался на роботі, но робил по 16 годин за низку плату. Но грошы не ховал про себе, а помагал другым. И зато Николай здобыл собі любов у всіх. Николай николи не хвіялся в организации, все крепко вірил, што она має быти для нашого народа, бо она необходима для його освобождения. Николай тихий характер. Он не прийме от никого помоч, а за свою помоч другым не хоче ани слова прианательности для себе. За долгы рокы Николай сполнял уряд финансового секретаря при найбольше активном отділі Лемко-Союза в Канаді, в гор. Торонто. Коли Л. С. сцентрализовался, он занял фин. секретарство при Канадском Центральном Комитеті Лемко-Союза. Родился Николай в селі Святкова Велика, ясельского повіта, дня 9-го мая, 1904 р. и от малости залюбился в книжках. Окончил кооперативный курс. Мы всі разом на фронті, ци за фронтом— неуклонно идеме вперед и приближамеся ко дню освобождения топтаной вражым чоботом любимой нами земли Лемковской и всей Карпатской Руси. Всі твои приятелі в Канаді и Америкі жичат Тобі бодрости, здоровья и сил, Дорогий Николаю! Оден из твоих товаришей из Америкы,
Н. А. ЦИСЛЯК.
ЙОСИФ ГОЛОВАЧ, брат нашого головного предсідателя Лемко-Союза — Ивана Головача. Он, коли жил в Пассайку, трудился дуже щиро и честно для свойой народной организации. Он грал в представлениях и співал в хорі; старался придбати новых предплатников для газеты и членов для организации. Он любит учитися, длятого и радо читал и читат и сегодня нашу газету. Члены Лемко-Союза в Пассайку желают Йосифу Головачу счастья и здоровья, и штобы счастливо повернул назад до Пассайку и зас працувал на культурном полю свойой народной организации.
ИВАН ЖУК, сын нашой читателькы Анны Жук, из Крессон, Па. Тепер находится в Англии. АЛЕКСЕЙ КОДА, из Стамфорд, Конн., служит в армии при полевой артиллерии.
|
