Взоры всего цивилизованного світа прикованы к великанской битві на широкых просторах СССР.

Дворочна война в Европі не лем не ослабила воєнной силы гитлеровской Германии, но, наоборот, укріпила єй. Захвативши єдну за другом около десяткы европейскых держав — Чехословакию, Польшу, Данию, Норвегию, Бельгию, Голландию, Францию, Югославию, — Гитлер опанувал всю их готову воєнну продукцию, их воєнну промышленность, их запасы живности и стратегичны суровцы. А страты, понесены гитлеровском армиом в войні против тых краин, в поровнанию з захваченом добычом, дуже маленькы. А до того гитлеровска армия в ході войны зыскала велику бойову практику.

За час двох літ Западна Европа служила для гитлеровской армии полем воєнной практикы, где на живых цілях выпробувалося вооружение, удосконалялися розмаиты тактичны прийомы войны нашого часу. В войні с Польшом первый раз были выпробованы массированы удары бомбардовочной авиации по аеродромам противника, положеным в глубоком тылу. В Норвегии и Голландии первый раз в массовых розмірах были примінены парашютны десанты. На дорогах от границ Бельгии до Парижа были выпрубованы массируваны удары танковых частей в заимодійствию с авиациом и піхотом.

Легкы побіды над народами и краинами Западной Европы завернули голову фашистам. Впереди их армии шла мова о “непобідимости”. Байка о “непобідимости” гитлеровской армии, котра всяческы роздувалася фашистском пропагандом, находила все больше и больше вірников. Многы воєнны специалисты в Америкі и другых краинах открыто высказували мысль о том, што ніт сейчас в світі силы, котра могла бы остановити побідный поход гитлеровскых полчищ.

В той атмосфері загального преклонения и страха перед новом “непобідимом” армадом Гитлер и отважился на віроломне нападение на СССР, до котрого он готовился с первого дня свого прихода до власти.

Одна часть программы німецкого империализма — захват и подчинение европейскых краин — здавалася фашистам выполненом: они захватили власть над цілом континентальном Западном Европом. Оставалося выполнити другу часть шаленой программы німецкого фашизма — захватити Великобританску империю, а потом зробити “скок пантеры” на американский континент.

Но для того, штобы осягнути тото, треба было найперше завоювати СССР.

Ділячись тайными мыслями и планами зо своим другом Раушнингом, Гитлер говорил му: “Єсли мы хочеме панувати, мы мусиме найперше завоювати Россию”.

Два рокы войны в Европі были для Гитлера генеральном пробом нападения на СССР, а завоювание СССР мало быти подставом для дальшого росширения панования німецкого фашизма на Англию, США и на цілый американский континент.

Команда німецко-фашистской армии зробила всьо, што было в єй силах, штобы война против СССР была “блискавичном”, штобы гитлеровскы орды стремительным маршом прошли от западных границ СССР до Урала. Майже всі свои вооружены силы — понад 270 дивизий, вооруженых до зубов первоклассном бойовом техником, — были нараз кинены Гитлером против Совітской краины.

Разом з гитлеровском Германиом против Совітского Союза выступили армии єй вассалов — Италии, Румынии, Финляндии и Словакии. Такого мощного желізного кулака, направленного против одной краины, ище не знала история войн.

Против старанно подготовленного концентрованного удара німецко-фашистскых полчищ выступила Красна Армия. 3 вынятковом храбростьом и спокойством Красна Армия приняла на себе первы удары и змогла отразу дати на них достойну отповідь. Обнаглівшы гитлеровскы воякы дуже скоро переконалися, што ту, на совітской землі, им треба забыти о легкых побідах. Каждый метр совітской земли стоит гитлероцам огромных жертв в живой силі и техникі.

Отходячи з завзятыми, кровопролитными боями, Красна Армия полностьом сохранила свой бойовый дух, свою віру в побіду; она гартувалася, кріпла, изучала врага, штобы потом обрушитися на наіздников.

На шестом місяці войны фашистам здавалося, што они уж досягли побіды. В том часі они захватили Ростов Тихвин, стисли тісном желізном обручом Ленинград; подошли на отдаление артиллерийского выстріла от стін Москвы. Гитлеровцы рахували свою побіду обеспеченом и готовилися до парады своих войск на Красной площади.

Но в тот момент якбы розжалася великанска пружина и з невиданом силом ударила по гитлеровскым армиям. Один за другым послідували сокрушительны удары под Тихвином, Ельцом, начался розгром гитлеровскых орд на флангах коло Москвы — под Тулом, Калинином. Москва оказалася призраком, котрого не поймаєш. Пятьдесят одна дивизия, кинены Гитлером на Москву, сильно порідівши, неудержимо откотилися назад, устелюючи путь свого отступления тысячами трупов солдат и офицеров, сотнями и тысячами танков, канонов, кулеметов, минометов и цілыми складами бойовых припасов и другого воєнного маєтку.

Шумном, диком ордом вдерлися гитлеровскы дивизии на совітску землю; они шли, овіяны байком о “непобідимости”, они вели себе вызываюче и нагло, их жестокость и звірства превысшили всьо, што знає история войн. А через шесть місяцов из-под Москвы, из-под Тулы, из под Калинина откочувалися обморожены, голодны, завшавлены, одіты в награблены рянды толпы, отступали при загальном ликовании всіх свободолюбивых народов світа. Розвіяна была в прах легенда о “непобідимости” фашистской армии.

Остановивши побідну процессию німецкого фашизма, Красна Армия выполнила перед всім прогрессивным чоловічеством свою велику освободительну миссию — она отвернула дальше поширение барнястой чумы по всему світу.

“Лем завдякы побіді на русском фронті на Чорноморском побережу, — заявил в свойой бесіді 27 января 1942 року премьер Англии Черчилль, — мы спаслися от наізда на всі краи от Леванта до Каспийского моря, через котры мож проникнути в Индию, Иран, Персидский залив, долину Нила и к Суецкому каналу.

Бывший американский посол в СССР Дейвис, выступаючи на массовом митингі в Бостоні, говорил:

“Наша будучность, будучность світа, наше житя, житя нашых дітей и внуков — зависит от знищения Гитлера и гитлеризма. Бастионами Нью Йорка, Сан Франциско и долины Миссиссиппи можут явитися Москва, Ростов и долина Дона.”

В коротком часі послі розгрома німцов под Москвом английске министерство информации опубликовало специальну информацию, в котрой так характеризувалося значение того события:

“Мощ русскых вооруженых сил колосальна и може зровнатися лем з мужеством и искусством их командиров и солдат. Они показали, што нацистов можно не лем задержати, но и откинути. Они нанесли Германии перву в нынішной войні велику поражку на суші, значение котрой ище не мож цілковито оцінити... Русскы войска выграли, видно, первый раунд той великанской борьбы, и цілый свободолюбивый світ являтся их должником...”

Американский сенатор Пеппер, выступаючи 16 февраля 1942 року на митингу, заявил: “Коли свободны люде в будучности будут знакомитися с историом нашой епохы, то в ней самым світлым и блестящым именем буде Россия.”

Так весь цивилизованый світ устами своих передовых политичных діятелей признал, што в другой світовой войні, в котру кровавый фашизм вкинул народы и краины, Совітский Союз принял на себе головный удар, выдержал и отразил го с величайшом стойкостьом и организованностьом. Совітскому Союзу и його Красной Армии удалося не лем остановити найбольшу армию розрушения, и знищения, яка истнувала в истории, но и откинути єй назад поставити перед реальном угрозом катастрофы.

Так Красна Армия, выступивша одна против соєдиненных сил фашистской коалиции, задержала дальше поширение фашистской барнястой чумы и тым уж зограла найбольшу освободительну ролю в борьбі з гитлеризмом — найгоршым врагом свободы, культуры и прогресса.

Того передове и прогрессивне людство николи не забуде.

Як-же то так сталося, што гитлеровцы, котры так долго и старанно готовили свой поход против Совітского Союза, котры не раз заявляли, што они предусмотріли всі можности, и што на тот раз они не повторят помылок німецкой команды в перву світову войну, — як то могло статися, што они так прорахувалися и фактично стратили на Востокі плоды своих побід на Западі?

Сталося то зато што фашисты в свойой тупой зарозумілости недоцінили силы Красной Армии, силы опору Совітского Союза.

В воєнно-техничном отношении гитлеровцы рахували свою перевагу над Красном Армиом великом, и того здавалося им дост, штобы не зважати на морально-политичны факторы, граючы во всякой войні далеко не послідню ролю.

В первы місяцы войны Гитлер, помимо выгоды несподіваного нападу, што было рідкым в истории віроломством, мал на свойой стороні и перевагу в воєнной техникі — танках, самолетах, минометах, автоматах.

Но всьо то была перевага часова, проходяча. Техника в войні нашого часу — огромна сила, но техника проводится в дійствие людми и лем тогды може быти выкорыстана с максимальным еффектом, коли люде, бойцы, знают, во имя чого они пускают своє смертоносне оружие, во имя чого они воюют и выставляют на опасность своє житя.

Вот ту-то показалася велика перевага Красной Армии над гитлеровскыми ордами, перевага, котра уже поставила гитлеровску грабительску армию перед катострофом и котра приведе єй до неминучого розгрому.

Гитлер створил огромну армию вооруженных до зубов, вытренованых и вымуштруваных головорізов. Тота армия несе народам спустошение и смерть, рабство и гнет, знищение национальной культуры, ограбление национального достояния. Движучы силы той армии — грабеж, особиста нажива, насилие над мирным, безоружным населением, задоволение найнизшых инстинктов, на котре лем способный чоловік, упавший ниже скотины.

Цілковито иншы ціли ставит перед собом наша Красна Армия. “У нас ніт и не може быти такых цілей войны, — говорит товариш Сталин, — як захват чужых территорий, покорение чужых народов, всьо ровно, ци иде слово о народах и территориях Европы, або о народах и территориях Азии, в том числі и Ирана. Наша перва ціль в том, штобы освободити нашы территории и нашы народы от німецкого фашистского ига.

У нас ніт и не може быти такых цілей войны, як навязувание свойой воли и свого режима славянскым и другым поневоленным народам Европы, ждущым от нас помочи. Наша ціль в том, штобы помочи тым народам в их освободительной борьбі против гитлеровской тирании, а потом оставити им цілковито свободно устроитися на свойой землі так, як они хотят. Ниякого вмішательства во внутренны діла другых народов!”

С потрясаючом силом прозвучало на цілый світ слово товариша Сталина к бойцам Красной Армии, выголошене 7 ноября 1941 року на Красной площади, в тот момент, коли гитлеровцы, як они самохвальчо заявляли, мали можность смотріти на совітску столицу из полевого бинокля:

“Товаришы красноармейцы и краснофлотцы, командиры и политроботникы, партизаны и партизанкы! На вас смотрит цілый світ, як на силу, способну знищити грабительскы полчища німецкых наіздников. На вас смотрят поневолены народы Европы, подпавшы под иго німецкых наіздников, як на своих освободителей. Велика освободительна миссия выпала на вашу долю. Будте-же достойны той миссии! Война, котру вы ведете, єст война освободительна, война справедлива. Най вдохновляє вас в той войні мужественный образ нашых великых предков — Александра Невского, Димитрия Донского Кузьмы Минина, Димитрия Пожарского, Александра Суворова, Михаила Кутузова! Най осінит вас побідоносне знамя великого Ленина!”

Ціли отечественной войны близкы и понятны каждому бойцу Красной Армии. Каждый Красноармеєц хорошо знає, за што он воює. Благородны и высокы ціли войны поднимают рядовых бойцов на невиданы подвигы, служат жерелом массового героизма Красной Армии, непонятного и недоступного нашому врагу. Коли танкисты волят умерти в подбитом танкі, росстрілявши предтым всі снаряды и патроны и нанесши врагу тяжкы страты; коли славны сталинскы соколы, вычерпавши всі средства борьбы з вражыми воздушными пиратами, кидаются таранити врага, идучи на найбольший риск; коли молоды бойцы своими тілами закрывают амбразуры вражых дзотов и ціном свого житя прокладуют дорогу нашой наступаючой піхоті; коли группа радистов, окружена зо всіх сторон врагами, продолжат до послідной минуты поддержувати связь зо своим командным пунктом, а потом взрыват радиостанцию и гине зо свідомостьом, што враг не пройде, — гитлеровцы почитают тоты факты проявлением дикого фанатизма. Гитлеровцам непонятна тота самопосвята совітскых бойцов; им, думаючым найперше о спасении свойой власной шкуры, недоступно тою величие духа Красной Армии. Они не понимают, што жерелом того величия являются огромна любов до отечества и свята ненависть до німецко-фашистскых наіздников.

За дванадцет місяцов войны бойцы Красной Армии добри познали врага: они знают всі його хитрости, всьо його коварство, всю його подлость. Они знают ціну храбрости фашистскых вояков. Они “храбры”, покаль заслонены желізном стіном танков и огневом завісом минометов и кулеметов. Но они боягузы и беспомочны, коли натыкаются на завзятый опор, попадают под убийчий огонь совітской артиллерии або встрічаются око в око с красноармейцами в рукопашной схваткі. “Молодец против овец а против молодца — сам овца” — том народном поговорком охарактеризувал товариш Сталин степень храбрости гитлеровского “непобідимого” воинства. И тота характеристика полностьом отповідат тому, што узнали нашы бойцы о своих противниках в ході войні.

Мы беспосередны участникы другой отечественной войны, командиры Красной Армии на каждом кроку отчуваме силу сталинского полководчого гения, силу мудрой сталинской стратегии и тактикы.

В сентябрі минувшого року танкова армия знаного генерала Гудериана прорвалася в районі Брянска и мала за ціль дальшым наступом на восток створити угрозу флангам и тылу нашых войск, обороняючых Москву. Йосиф В. Сталин начасі розгадал тот маневр врага и приказал розбити и откинути армию Гудериана. Получивши сталинскы оперативны указания, потребны техничны средства, войска под мойом командом выполнили Сталинский приказ. Понад 500 танков, около 20 тысяч убитых и раненых, массу трофейов стратил Гудериан и откотился назад на запад. Тым ударом был предрішеный провал октябрьского наступления гитлевцов на Москву.

В декабрі прошлого року Й. В. Сталин вынятково удачно выбрал місце и час розгрому німецко-фашистскых войск под Москвом. Он беспосередно командувал совітскыми войсками, розгромившыми за короткий час 51 дивизию противника.

С цілом силом появился полководчий гений И. В. Сталина в так званой Топорецкой операции в январі сего року. За три дни была прорвана оборонна линия противника, яку они будували в протягу трьох місяцов. Розвиваючи успіх, нашы войска за 21 день прошли 260 километров, заняли город Пено, Андриаполь, Топорец, Селижарово и др., освободили понад 2000 сел. Гитлеровскы войска лем убитыми стратили понад 17 тысяч чоловік, покидали огромну массу трофейов.

Полководчий гений Сталина вывел Красну Армию на путь побід, он приведе нас ку полной побіді над коварным и злобным врагом.