Славный русский полководец Александр Васильевич Суворов родился в 1730 року в Москві, и коли йому не было ище рока, он был перевезеный отцом в село Кончанске, недалко от місточка Боровичи, Новгородской губернии, в родове помістье Суворовых.

Семья Суворовых належала до небогатого дворянского роду. Отец Сандра — Василий Иванович почал службу при Петрі I с простого солдата и до часу, коли родился йому сын Александр, дослужился рангы прапорщика Преображенского полка.

Маленький Александр, по пересказам памятавшых го, был хилый, худый и слабый здоровьем хлопчик. Отец Сандра ани не думал зробити сына воєнным. Старый Суворов думал устроити го в канцелярию даякого министерства. Сандер показувал великы способности до чужеземных языков. Но його мечтом было стати воєнным. Цілыми годинами юный Суворов мог просижувати над книжками, в котрых росповідали о походах и битвах великых полководцев. Он сам мечтал о воєнных подвигах и вперто гартувал себе. Не было такого потока або горы, котрой не облазил бы мальчик. Вдрапеся, бывало, на высоке дерево и колышеся там на самом вершку. Або вскочит на неосідланого коня и жене, што силы. Плавал он прекрасно и купался до самых заморозков. Часами в докучливый осенный дождь, в слоту, а то и ночом в часі бури он босо утікал в ліс и вертал дому премерзлый и промокший до ниткы.

Коли отец журил го за то, Сандер отповідал:

— Солдат должен привыкати ку всему.

Єдного разу к Василию Ивановичу Суворову приіхал його старый друг, негр Абрам Петрович Ганнибал, любимец и выхованок Петра Первого, прадід гениального русского поета Александра Сергеевича Пушкина.

— А где-ж Сандер? — звідал Ганнибал у Василия Ивановича.

— Певно, знов в свойой комнаткі, с книгами возится. Просто сил ніт порадити з ним. 3 дітми не бавится, ку гостям не выходит, який-си отлюдок...

— Штож, зайду, посмотрю на него. Давно не виділ го, — рюк Ганнибал.

Ганнибал застал Сандра лежати на подлогі среди мап и книжок. Ту был географичный отлас, описания жизни полководцев и лругы книжны на русском и чужеземных языках.

Ганнибал звідал го:

— Сандер, ци ты направду читаш тоты книжкы?

— Всьо уже прочитал, дядюшка, — отповіл Суворов.

— И по-німецкы?

— Так!

— Такого я ище не виділ! — воскликнул Ганнибал. — В твои рокы дворянчикы паничы ище сидят и зубрят: “буки-аз”, або, розвісивши уха, слухают сказкы о Бові-королевичу. А кто рисувал для тебе тоты мапы?

— Я сам, дядюшка.

— Ну, Сашенька, ты молодец! — Ганнибал поцілувал хлопця в чело. А што ты такий печальный?

— Батюшка не любит моих занятий. Он не хоче, абы я был воєнным.

— Зато нич. С твоим батюшком я поговорю.

Василий Иванович послухал рады Ганнибала, и через рок Сандра записали простым солдатом Семеновского лейб-гвардии полка. Стал солдатом Александр Суворов, коли минуло му пятнадцет літ. В казармі Суворов познакомился з людми, с котрыми потом ділил славу и недостаткы. Девять літ Суворов был простым солдатом. Офицером зробили го только в 1754 року — йому тогды шол двадцет пятый рок. В тоты часы його ровесникы из богатых дворянскых родов были уж полковниками и генералами.

Суворов, всю жизнь мечтавший о воєнных походах и битвах, первый раз принял участие в бою при селі Кунерсдорф. Было то в августі 1759 року. Русскы одержали блестящу побіду над войсками прусского короля Фридриха II, котрого уважали за непобідимого. Всюду, где появился Суворов, русскым войскам товаришила побіда. Храбрость Суворова замітили, и по окончанию войны он получил чин полковника.

Ставши командиром Суздальского піхотного полка, Суворов начал осуществляти то, о чом он так давно снил. Нова Ладога, где стоял Суздальский полк, в коротком часі перемінилася на школу воєнной штукы. Подручников не было. Суворов написал подручник арифметикы (рзхунков) и сам учил в школі.

Всіми способами Суворов розвивал в людях прикметы, потребны в бою. В часі похода увидит ров, поведе через ров. Замітит горб — поведе через горб. Ріка, болото — для него всьо єдно. Суворов не лем командовал, но и все сам показувал примір, як пересиляти перешкоды. Особливу увагу Суворов звертал на ночиы учения.

Ноч. Всі заснули. По алярму Суворов поднимал свой полк и выступал в поход. Стремительность, з яком посувалися суздальцы, вызывала загальне удивление. В день робили верст по пятдесят. На ночлег войска роскладалися табором, прямо в полю, росставляючи варту. Училися суздальцы непрерывно — зимом и літом, днем и ночом. Наука приходила нелегко, но Суворов все подбодрювал своих солдат: “Легко в наукі, тяжко в поході; тяжко в наукі — легко в поході.”

Пят літ Суворов учил воєнному ділу своих “чудо-богатырей”, як он любил называти солдат. Результаты школы Суворова показалися в 1768 року в Польші, где тогды шла война.

Покаль Суворов был в Польші, меж Россиом и Турциом началась война. Великы жертвы понесло русске войско в битвах на берегах Дуная. Суворова, прославившогося своими побідами в Польші, рішили послати на турецкий фронт. Командовал турецкым фронтом граф Румянцев.

Граф принял Суворова дуже зимно. Йому не подобался тот маленький рухливый чоловік, о котром шла слава полководца, не знаючого поражок. Граф думал, што он обыйдеся и без такых полководцев: йому з никым не хотілося ділити славы будучых побід.

Хотя Суворов был уж в рангі генерал-майора, йому дали маленький отряд и отправили под кріпость Туртукай, котра рахувалася неприступном. Суворов прибыл на місце и предложил взяти кріпость штурмом. Румянцев заборонил. Предтым он уж написал Екатерині, што Туртукай взяти немож. Суворов думал иначе о силі русского оружия. В ночи на 21 мая 1773 року Суворов повел свой отряд на штурм кріпости. В бокю туркы стратили 1000 людей, а русскы — лем 88. Над турецком кріпостьом взвился русский флаг. Довольный побідом, Суворов сіл на бубен и написал Румянцеву рапорт в двох вершиках:

Граф Румянцев был встеклый. Он отдал Суворова под суд, и воєнна коллегия вынесла герою Туртукая вырок смерти. Но Екатерина, розуміючи, яке значение має тота побіда, на выроку написала: “Победителей не судят.”

Слідуюча побіда была одержана Суворовым на берегу Дуная, под кріпостьом Гирсово. Тота побіда причинилася до заключения мирного договора меж Россиом и Турциом. Россия получила право свободного плавания по Чорному морю и Дарданельскому проливу. Кромі того получила городы Азов, Керч, Кинбурн и степи меж Дніпром и Бугом.

В 1787 року меж Россиом и Турциом почалася нова война.

В другой турецкой войні Суворов одержал побіду при Очакові, Фокшанах и, наконец, над ріком Рымник. Над ріком Рымник Суворов с 25 тысячном армиом розбил 100 тысячну турецку армию. Екатерина II осыпала Суворова подарками, дала титул графа, наградила орденом Георгия, подарувала бриллиантовы еполеты, шпагу и перстень.

Закончилася война с Турциом грандиозным сражением под турецком кріпостьом Измаил. Всі пробы русскых войск взяти тоту кріпость были безрезультатны.

Десят дней готовил Суворов штурм кріпости, и 22 декабря 1790 року кріпость была взята. Турция перестрашена поражком, заключила мир.

Ціле житя Суворов тішился огромном популярностьом у солдат. Честный, простый и независимый, он был ненавидженый придворными аристократами. Царске правительство вспоминало о Суворові в часі войны, но дораз забывало о нем послі заключения мира.

За свою сороколітню бойову жизнь Суворов участвовал в 63 битвах, не знаючи ни одной програной.

В 1799 року Россия в союзі с Австриом воювала против Франции. В часі той войны русскы войска под командом Суворова, совершили переход через Альпы. Енгельс назвал тот переход “самым передовым из всіх альпийскых переходов нашых часов.”

Переход Суворова через Альпы — одна из самых світлых страниц воєнной истории. Здавалося, сама природа хотіла испытати вытревалость русскых солдат. Висячы скалы, бездонны пропасти, обледенілы верхы, брак стежок — всьо должно служити преградом русскым бойцам. Но у Суворова было правило: где перейде олень, там перейде солдат, а где перейде солдат, там перейде ціле войско.

В горах французы заняли вершину Сен-Готард. Три разы русскы кидалися в бой и побідили. В битві при Чортовом мості русскы знов розбили французов. По горскым стежкам, через хребет Росшток, русскы войска вырвалися из пліна гор и пересилили хребты, котры рахувалися за непроходимы. В том поході, по словам Суворова, “русский штык пробился сквозь Альпы.”

За тот переход Суворов получил звание генералиссимуса русской армии.

Ціла дорога из Швейцарии в Россию была триумфальным походом. В каждом городі встрічали Суворова и його армию торжественными овациями. Но нараз всьо змінилося. Царь-самодур Павел I, не любивший великого полководца, приказал отозвати от Суворова всіх адъютантов и для уникнения народных почестей дозволити йому въізд в Петербург лем ночом.

Суворов поселился у дальшых кровняков. Хворый, змученый, самотный, он умер 18 мая 1800 року. На похоронах його не было ни царедворцев, ни видных сановников. Лем народ, не уважаючи на царскы забороны, шол тысячном толпом за трумном великого полководца.