В 1862 року на русском крейсері “Богатырь” в числі команды находился 13-літный ученик Николаевского морского училища Степа Макаров. Степа совершал свой первый переход по Тихому океану. В родині Макаровых всі с юных літ были моряками и потому не дивно, што Степа 13-літным хлопцом плавал на кораблі.

Крейсер “Богатырь” сділал остановку у острова Мария, недалеко от Сан-Франциско, США. Там мальчик старанно учился по-английскы.

Осеньом 1864 року, повернувши в Россию, он перевел с английского на русский язык книжку о Охотском морі. Юный Макаров пильно учился. Он выучал навигацию, астрономию и другы наукы. Весном 1865 року молодый Макаров окончил училище. В маю 1869 року Степан Осипович здал послідны екзамены и стал мичманом (мичман — первый офицерский чин в царском флоті). А через рок он первый в истории флотов всего світа розробил вопрос непотопляємости кораблей. Коли он опубликовал тоту роботу в “Московском сборникі”, имя його стало всесвітно знаным. Но морске царске начальство тым не меньше было недовольно. Образованному, смілому моряку Макарову часто треба было учити людей высшых рангом, а то не подавалося начальникам.

В тоты рокы России грозила война с Турином. И то была серьозна угроза: русский Чорноморский флот был о много слабший от турецкого. Макаров добился того, што му было дозволено поіхати в дійствующий флот против Турции и он выробил совсім новый способ борьбы против врага. Он предложил побудувати невеличкы минны катеры и подняти их на борт великого скорого парохода. Пароход должен был ночном пором подобратися ку стоянкі вражого флота, спустити свои катеры на воду, котры кинутся в атаку на турецкы кораблі.

3 великым трудом получил Макаров пароход “Константин”. Скоро “Константин” вышол в море глядати турецкых воєнных кораблей.

Вот Макаров нашол стоянку турецкой ескадры. Свитаньом, коли море было покрыто предранном мглом, “Константин” незамітно подошол ку вражым кораблям и спустил на воду катеры. За хвильку роздался страшный выбух. Турецкий броненосец “Сейфи” похилился на єден бок и быстро пошол ку дну моря. Итак, идея Макарова оказалася выполнима — он не побоялся зо своими маленькыми катерами выступити против сильного турецкого флота. Через пару дней катеры Макарова взорвали турецкы броненосцы — “Иджаме” и “Ассари-Шевкет”. Смілы атакы Макарова и його лейтенантов — Шестакова, Зацаренного и другых — отбили охоту у турков подходити близко ку русскым берегам.

В январі 1878 року Макаров первый раз в бою примінил самоходны мины Вайтгеда — торпеды, потопивши сторожевый пароход “Иинтибах”. Через пять дней послі того боя война была кончена.

Макаров заложил основу новой тактикы, примінил новы роды морского оружия. Катеры Макарова — то прародителі теперішных торпедных катеров.

Послі окончания русско-турецкой войны Макаров занялся научном роботом. Но притом он не забывал и о положении матросов на кораблях. В свойом справозданию он пише: “Всі нашы кораблі мают великы выгоды в офицерскых каютах, а не мают ниякых жительскых удобств в поміщениях матросов”.

Степан Осипович створил русский ледокольный флот. Он спроектувал первый ледокол “Ермак” и, несмотрячи на всі перешкоды, добился його будовы. Макаров вышол сам на “Ермакі” в первый арктичный рейс.

Макаров любил говорити, што “мирна наука — то школа для войны”. Он старался так выучити людей, штобы як можно найлучше подготовити их до бою.

В часі войны России з Япониом в 1904 року Макарова назначили командующым флотом Тихого океана. В тот час йому было уж 56 літ. Но он был полный енергии. Дораз по прибытию в Порт-Артур он почал усильно готовити флот до бой.

Предодньом 31 марта 1904 року на русскы миноносцы напала японска ескадра. Адмирал Макаров выслал на помоч миноносцам крейсеры “Диана”, “Аскольд”, “Новик” и вышол сам на броненосці “Петропавловск”, отдавши приказания для бою. Но около десятой годины рано моцный выбух потряс броненосец “Петропавловск”. Он почал быстро тонути. Макаров стоял на мостику перед бойовом рубком, и на него повалился град осколков и обломков.

Так погиб один из величайшых русскых флотоводцев. Он вышол из народа и отдал всі свои силы укріпленню морской силы свойой отчизны.

Итальянска газета “Трибуна” по поводу гибели адмирала Макарова писала: “... вы, сыны всіх морей, морякы, служащы под всіми флагами, оплакуйте храброго чоловіка, бывшого вашым собратом, вінчайте лаврами память його”.

Краснофлотцы и командиры нашого Воєнно-Морского Флота чтут память свого славного краяна. Любимы слова Макарова: “В морі — значит дома. В тихом порті — в гостях не надолго”, стали кличом красных воєнных моряков, готовых к побідным боям за отчизну. (“Пионерская Правда”).