Минуло 230 літ от розгрома шведов под Полтавом. Швеция занимала в тоты часы в Европі місто Германии. Шведскы королі приказували роздробленой Германии и Польші. Независима от них осталася лем Россия, котру Шведы хотіли одопхнути от Балтийского моря. Королем Швеции был тогды великий войовник, Карл XII, котрый уважал себе подобным найбольшым войовникам світа, а специально Александру Великому, Македонскому. Но и Россия мала тогды великого руководителя и реформатора, и великого воєнного вождя, котрым был цар Петр Великий. Под Полтавом, на Украині, тоты два люде встрітилися во главі своих армий, где шведы были совсім розгромлены, а сам Карл ХІІ, раненый, ледво спасся бігством в Турцию, в товаристві здрадника Мазепы. От того часу Швеция перестала быти великом державом.

О той великой памятной битві профессор совітской воєнной академии Н. Левицкий помістил статью в ....Известиях”, из котрой выдержкы поміщаме ниже:

“230 літ тому назад, 27 юня (по старому календарю, 8 юля по новому) 1709 року на полю битвы под Полтавом навсегда померкла слава шведской армии, сто літ блиставша традициями Густава-Адольфа. (Шведский король, котрый громил німцов в 17-ом віку). Во главі той армии стоял Карл XII, молодый полководец с громкым именем. Он живил мысль о покорению русской державы. Он плановал захватити Москву, скинути с престола Петра I и ослабити Россию розділом єй на удільны княжества.

Операючися на армию, признану тогды за найліпшу в Европі, Карл основувал свою стратегию на блискавичном, несподіваном появлению там, где найменьше го ждали. Смілый и рішительный, “он не уміл подчиняти свои воєнны успіхы высшой прозорливости и мудрости” — писал о нем найбольший воєнный писатель Клаузевиц.

В несчастном для него поході на Москву он укладал свои наступательны планы на хвійных надіях помочы зо стороны украинского гетмана Мазепы, турков, татар, поляков, німцов и замного покладал надежд на своє счастя. Он жаждал славы Александра Македонского, однако, по словам Вольтера, “он не был Александром, но сміло мог быти первым солдатом в його армии.”

Ище от часу Александра Невского шведы стремилися к захвату русскых земель. В результаті ослабления Московской державы в “Смутноє время” в початках 17-го віка, польской интервенции и здрады бояр, русске побереже Балтийского моря захватили шведы. Шведы стали на пути сближения России с Западном Европом, а в конці 17-го віка усилилася угроза дальшой шведской агрессии. В тот сам час на югі Россия терпіла от нападов турков и татаров, владівшых берегами Чорного моря. “Ниодна велика нация, — писал Карл Маркс, — не была так отдалена от морскых путей, як Россия в первы рокы царствования Петра... Петр завладіл всім, што было абсолютно потребно для розвития його краю."

Война зо шведами была конечна для розвязания проблемы економичного и культурного розвития Русской державы. Предстояла рішительна борьба за возврат русскых земель, оставшыхся под ярмом шведов, за выход к Балтийскому морю.

Стоявшы пред Петром I задачы требовали мощной вооруженной силы, а меж тым до конца XVII віка Московска держава не мала постоянной армии, не мала флота. Призваны по потребі ополчения были праві не выучены воєнному ремеслу и вооружены ружно-ракым оружием, аж до стародавного лука зо стрілами. Полкы чужеземных наємников, были ненадежны и часто переходили на сторону врага.

Собиравшыся в воєнны часы помістны войска складалися из боярскых сынков, котры не признавали дисциплины. Утворены Иваном ІѴ стрілецкы полкы были опором реакцийного боярства и не сочувствовали реформам Петра I. Составленный при царі Алексію воєнный устав — не подходил для организации армии. В войсках первых Романовых панували оборонительны тенденции.

Творцом сухопутных и морскых вооруженных сил России был Петр I, талантливый организатор и енергичный державный діятель. Начавши за дітства с "потішных полков” и голландского боута на рікі, он в 1600 року издал указ о рекрутском наборі и положил тым силльный фундамент для создания национальной русской армии. Роспустивши стрільцов, он основал регулярну армию и начал будову флота.

Петр діятельно розвивал промышленность, пересилюючи техничну заостсталость, без чого не было возможно укріпление обороноспособности краю. “Когда Петр І, маючи діло з больше розвитыми краями на Западі, горячково строил заводы и фабрикы для заосмотрения армии и усиления обороны краю, то то была проба выскочити из рамок отсталости” (Сталин).

Петр I не лем организатор, он талантливый полководец. Он положил начало самобытной воєнной штукі. Оригинальный в свойом воєнном творчестві, Петр не откидал то, што было добре в заграничной воєнной штукі. Однако молода русска армия в початках свого истнования ище не стояла на належной высоті, и тото ясно показалося в початковый период Сіверной войны (зо шведами).

В 1700 року Петр І в союзі с Польшом и Даниом начал войну против Швеции. Польско-саксонский и датский королі хотіли выкорыстати силы России для досягнения своих цілей. А Петр в том союзі виділ возможность привернения русскых земель, захваченых шведами в результаті навязанного России Столбовского договора 1617 року.

Уже в самом початку войны енергичный Карл покончил з Даниом, принудивши датского короля заключити невыгодный мир. Потом он двинул свои войска к Ригі, котру осаждал польский король Август II, а коли Август отступил, Карл рушил ку кріпости Нарві, котру осаждали русскы.

19 ноября 1700 року под Нарвом отбылася битва, неудачна для русскых. Руководил русскыми войсками припадково герцог Де-Круа, німец родом, наємник авантюрист. Он служил во французской армии, потом перешол в датску армию, а потом служил у австрийцов. Желаючи позбытися того наємника, австрийский император рекомендувал го Петру.

Однако Де-Круа не доіхал до Москвы. По дорозі через Польшу он поступил на службу к польскому королю Августу ІІ, котрый обіцал му высоку плату и титул фельмаршала. Перед нарвском битвом, коли он прибыл к Петру в Новгород с просьбом о 20 тысячный корпус на помоч полякам, русский цар, котрый мал мало добрых командантов, задержал на час Де-Круа и отдал му команду над русскыми войсками под Нарвом. Одорваный от армии державными ділами сам Петр в нарской битві не брал участи.

Несподіване появление Карла под Нарвом зо стороны Ревеля поставило в тяжке положение русску армию, розвернувшуся на недоброй позиции для встрічы врага.

Дораз спочатку бою Де-Круа, Алларт и командир преображенского полка Бломберг, а также много другых командиров-чужинцов перебіжали на сторону шведов, покинувши молоду, мало практичну русску армию на произвол судьбы. Оставшися без головного руководства, русскы бойцы храбро билися. Часть русскых войск переправилася через єдиный мост на правый берег Наровы и отошла к Навгороду. Но 8 тысяч послі завзятого боя были примушены капитулювати.

Програну под Нарвом Петр росцінил, як лекцию для дальшой организации армии. Тымчасом Карл, преувеличивши свой успіх под Нарвом, зробил непоправиму стратегичну помылку: он оставил против русских лем часть своих войск, звернувшися з головными силами против Августа II. Правда, Польша была покорена Карлом, Варшава взята. Саксония также попала под пяту шведского короля. Газда в Польші и Саксонии, Карл зажадал от польского сойма зложения с престола Августа II, а избрания польскым королем свого сторонника Станислава Лещинского.

Петр выкорыстал уміло тоту передышку и путем героичных усилий укріпил армию. Войска получили ліпшу организацию. Утворены были новы полкы. В войсках введеный был ліпший порядок. Из церковных и монастырских звонов отливалися каноны. Укріплялся флот. Основаны были піхотны, артиллерийскы и инженерны школы, где примусово были запрятаны за науку боярскы сынкы.

Вооружены силы России, обновлены и окріпшы послі нарвской битвы, не лем зламали упорство шведов, но и нанесли им сокрушительный удар, котрый запричинил полный упадок воєнной и политичной силы Швеции.

Разом с укріплением армии Петр I продолжал борьбу зо шведами, котры осталися на русском фронті. За час от 1701 до 1704 року русскы войска нанесли шведам ряд поражении, очистили от врага всю Ингерманию и овладіли Нарвой. В слідующом року Петр 1 рушил на Гродно, штобы оказати помоч Августу II, котрый с остатками своих войск был оттісненый под Краков. Но віроломный “союзник,” признавши Лещинского польскым королем, заключил с Карлом сепаратный мир и удалился в Саксонию.

Петр остался без союзников. Начал хвіятися также украинский гетман Мазепа, помагавший Петру в борьбі зо шведами. Бывший выхованок єзутской школы, а потом королевский паж при дворі Яна Казимира, он даколи, послі крыминального преступления біжал на Украину и по часі оказался у гетмана Самойловича генеральным есаулом. Властолюбий карьерист и хитрый дипломат, он потрафил склонити на свою сторону фаворита царевны Софьи — князя Голицына и добился того, што Самойловича усунено з гетманства. В 1687 року гетманом был выбраный Мазепа.

Московска ориентация послі побід Карла представлялася Мазепі невыгодном. Дания, Станислав Лещинский, послушный, продажный и трусливый лакей Карла XII выступил против Петра. Мазепі здавалося, што могучий Карл потрафит сокрушити Московску державу, и што Украина буде присоєдинена к Польші. Мазепа не хотіл позбытися гетманства, — и он зговорился тайно с Карлом, котрый обіцал Мазепі утворити “самостийну Украину,” под гесманством Мазепы.

Легкы побіды над датчанами, поляками и саксонцами окрылили Карла XI. Не обрахувавши своих сил и средств, и не звернувши увагу на героичны традиции русского народа, котрый всегда завзято боролся за независимость свойой отчизны, Карл задумал авантурный поход на Москву.

Літом 1708 року он начал тот поход, котрый оказался несчастным для Швеции. 3 головными силами Карл рушил через Минск. Левенгаупт, маючи при своих войсках 7 тысяч возов с аммунициом и поживом, выступил из Ригы для того, штобы присоєдинитися к Карлу в Смоленскі. Любекер начал наступление из Финландии. Лещинский должен был рушити на Киев, соєдинитися ту с турками, татарами и Мазепом и продолжати наступление на Москву.

Но уже под Шкловом Карл начал хвіятися. Недалеко стояла обновлена русска армия. От Пскова до Брянска русскы селяне, охвачены мощным подъємом в справедливой войні за отчизну, построили в лісах и болотах засічну линию для преграждения пути интервентам. Население уходило в глуб краю, уничтожаючи жизненны запасы. Русска армия, поддержана народом, была полна рішимости боротися и побідити.

Карл двинулся на Украину, в надежді на помоч Мазепы. Но Петр I потрафил нанести Карлу удар у села Добрье, послі чого рушил с 12 тысячным конным отрядом навстрічу 16 тысячному отряду Левенгаупта и 28 сентября 1709 року розгромил го коло села Лісной, в районі Пропойска. Левенгаупт біжал, стративши 9,300 чоловік убитыми и ранеными, 5,000 возов и всю артиллерию.

Перезимувавши на Украині и понесши великы страты от набігов русской конницы, на весну 1709 року Карл пробовал пару раз штурмовати Полтаву, заняту гарнизоном русскых войск, около 4,000 чоловік, ку котрым присоєдинилося 2,000 містных патриотов. Полтавский гарнизон под командом Алексія Килина не лем храбро оборнял кріпость, но робил часты выпады из кріпости, наносил врагу удары и захватувал плінных и оружие.

Положение Карла было все меньше выгодным. Полякы, саксонцы, туркы и татары на помоч не приходили. Проба здрадника Мазепы двигнути Украину на борьбу с русском армиом не удалася, — украинский народ остался вірный братскому великорусскому народу. В русской державі продолжала рости народна патриотична фаля отпора. Дозрівала рішительна схватка з врагом, котрый угрожал независимости России.

Петр рішил дати шведам рішительный бой под Полтавом. 20 юня он переправился через ріку Ворсклу коло села Семеновкы, приблизился к Полтаві и взялся до укріпления своих позиций на полю битвы. Знаючи наступательну активность Карла XII он построил в одну линию шесть редутов, за котрыми росположилися русскы войска. Впереди тых редутов, Петр приказал построити ище штыри редуты. По його мысли шведы при форсуваню тых укріплений должны были понести огромны страты под перекрестным огнем русской піхоты и артиллерии.

План Петра створил для Карла тяжку обстановку: 30 тысячна шведска армия примушена была приняти бой 42 тысячном русском армиом с 72-ма орудиями. В тот сам час тылу шведов грозил геройский полтавский гарнизон.

Карл понял талантливый маневр Петра. Пока Петр оставался на місті, подготовляючи битву, Карл за тот час знов попробовал взяти Полтаву в надежді, што до прибытия подкріплений запреся сам в кріпости. В том он виділ єдине спасение для свойой армии. Однако двухневны усилия зломити защитников Полтавы оказалися даремными.

В стремлении возродити бойовы традиции свойой армии, Карл рішил атаковати главны силы Петра. Он оставил заслону против Полтавы и в ночи на 27 юня кинул свои войска ку редутам. О 3-ой годині в ночи завязался кавалерийский бой перед редутами, куда выдвинулась русска конница под командом Меншикова. Тота конница нанесла шведам удар и одошла за редуты, увлекаючи за собом приблизившуся неприятельску піхоту.

Под енергичным огнем русских шведы несли великы страты. Проба Карла обойти редуты с правого фланга было отбита. Пару батальонов правого крыла шведов, не выдержавши огня русской артилерии, кинулися біжати к Полтавскому лісу. Русска конница переслідувала их и уничтожала. Не находячи другого выхода из трудного положения, Карл направил свою піхоту в свободне місце меж редутами. Но така атака кончилася для шведов несчастно. Поражены сильным огнем, они кинулися біжати в Будищенский ліс, оставивши на полю битвы множество убитых и раненых.

Раненый в ногу Карл не утратил енергии. Он собрал войска, россіяны в лісу, и о 9 годині выстроил их в бойовый порядок. Послі короткой перестрілкы противникы вступили в рукопашный бой. Шведы вклинилися в перву линию бойового порядку русскых, но Петр быстро подкріпил слабый участок фронта и начал охватувати конницом правый фланг неприятеля.

Шведы не устояли против рукопашного натиска русскых бойцов и повернули біжати. В тот сам час гарнизон Полтавы напал на оставленых под кріпостьом шведов и принудил их до капитуляции.

Стративши под Полтавом около 12 тысяч вояков, шведы устремилися ку Переволочні, но там их ждала катастрофа: настигнуты русскыми войсками в часі переправы через Дніпр, остаткы шведской армии перестали существовати. Лем Карлу з Мазепом удалося утечи в Турцию.

У Полтавы и Переволочны не только была сокрушена шведска армия. Сама Швеция, як велика держава, нашла там свой конец. "Карл — II попробовал проникнути в глубь России; тым он погубил Швецию и показал всім неуязвимость России" (Енгельс).

Извістно, што Наполеон, подготовляючи войну с Россиом в 1812 року, докладно изучал русский поход Карла XII. Однако он не уникнул участи Карла. В нашы дни фашистскы агрессоры, подготовляючи войну против СССР, докладно изучают поход Наполеона на Москву. Но можно напевно сказати, што доля Карла и Наполеона жде каждого агрессора, котрый посміє вторгнутися в преділы могучого Совітского Союза.