ЯРОСЛАВ ПАВЕЛЧАК

Ярослав Павелчак, способный школеный співак, сын нашого члена Л. С. выступал пару раз на сцені К. Р. А. Центра. Його голос, сильный приятный баритон, дуже полюбила наша карпаторусска публика, особливо його русскы и карпаторусскы співанкы, котры у Павелчака яко його родны, выходят с особливым родным чувством.

Родился Ярослав Павелчак в городі Нью Йорку 1-го октября 1918 р., но коли был трирочный, його родичы переіхали в Юнкерс. И ту он вырос и покончил школу. Аж в послідной кляссі в школі Ярослав довідался, што он може співати, як му о том сказали другы. Завдякы знакомой учителькі скаву Ярослав стал співаком артистом и почал выступати на концертах, в клубах, церквах и по радио.

Наш молодый лемко баритон знаный сегодня любителям співу в цілом Юнкерсі, яко хороший баритон. А што он ище чоловік молодый, заледво 21 рочный, то пред ним открыта артистична будучность, якой мы му желаме от всей души.