Итальянскы фашисты мают великы трудности с освоєнном Абиссинии. Послідня трудность — проблема женячок. Лем в саму столицу Абиссинии, Аддис Абебу, перекинено 27 тысяч итальянов. Большинство вояков и “робочых-солдат” — здорова молодеж, котрой сама пора женитися. А ту в Аддис-Абебі женщин мало: На каждых 7 білых мужчин приходит єдна біла женщина. А што расовы законы фашизма не допускают женячок: білых с чорныма, положение дуже трудне.

Штобы выйти из того трудного положения фашистскы отділы пропаганды открыли а Италии кампанию “среди самотных незамужных женщин” под кличом: “Выберайтеся в колонии! Там вас чекат женячка!”

Емигруют стары дівкы.

Жил муж зо женом. Но муж часто бил жену, а жена плакала и голосно ляментувала пред сусідами.

— Та чом ты його не шмариш? — звідуются сусіде.

— Бо я його барз люблю — отповідат жена.

— Но та чого кричиш, плачеш и заводиш, коли тебе бє?!

Та бо ся бою, штобы собі руку не поламал.

— Як вы то поясните, што ваша жена цалком инакше свідчит, як вы?

— Моя жена, высокий суде, ище николи так не говорила, як я.

— Слухайте, тоты черевикы, што я у вас купил, розлізлися за місяц.

— Што за місяц! Вашы грошы у мене розлізлися того самого дня.