3 НОВЫМ РОКОМ
Рочок Новый уж єст близко,
Тот Тридцетый осмый —
А тот Старый бідачыско
Пиде от нас в злости . . .
Який буде, ци счестливый?
Кто-ж го може знати?
Та хоц буде кус затяжкий,
То мус вытримати . . .
Не грызме ся, же зме босы,
Будме сильны духом!
До часу збан воду носит,
Аж ся урве ухо!
Всі мы о том добри знаме,
Же там в старом краю —
Братя нашы, та и сестры
Помочы чекают!
Мы ту маме дост способов,
Жебы им помочы —
Лем сой разом обдумайме,
Посмотме на очы —
Жебы мы им дали раду,
Не стийме зозаду!
То нам другы то признают,
Же мы потрафили,
Што робили, як зме могли,
Кивко нашой силы.
Треба жыти, братя, в згоді,
И “Лемка” чытати —
Жебы уж нас не мог никто
3 мапы вымазати!
Жебы о том шиткы знали,
Же и лемкы жыют,
Же ся в’єдно всі тримают.
Того я винчую!
Юстина Халопий.
Justina Halopy
|