ЛИСТ МИЛОЙ ДО МИЛОГО ЗА МОРЕ
На порозі сижу —
Тебе милый вижу, Все ся мі привиджаш, Же идеш за хыжу — Где мы перше разом Двоє ся сходили: Так-с мя вірно любил, Мой Ваничку милый! За том нашом хыжом В літі вечерами — Ты ся мі заклинал Боскыма словами — Же я твоя буду Аж до самой смерти — (Бодай єс ся мучыл — И немиг єс вмерти!) Не раз и роботу Я не поробила — Лем чекала тебе, За хыжом сиділа. . . На мойом серденьку Оставил ты рану — Бодай, драбе, с пекла Ты не вызріл заню! Моє єдно счестя — Што мам сердце мицне, Так мя долго болит, Але уж не трисне . . . Поіл ты не мало Яшниці — кобасы — Втовды ты мя любил, Ты кольтавый фрасе! Молоко и масло Я пред мамом крыла, Тебе волоцюго, Як быка, кормила! Жалувала я тя — Бо-с предомном плакал: Бодай с тобом в пеклі Чорт діру залатал! Тепер тя поздравям През то сине море — През поля потокы И высокы горы — През рікы — берегы През лісы зелены — Абы-с не дочекал До другой осени! А як голодуєш — То напиш, мой милый, Пошлю ти отровы, Пажераку кривый . . .
* *
*
А тоту кобылу —
Што-с вкрал у цигана, То циган єй зас вкрал У твойого няня!
* *
*
Веце я до тебе
Писати не буду — По святых бобальках Я уж за муж иду. . . Позоставай здоров, Ты головньо чорна! Бодай єс ся блукал Аж до Судного-дня!
Т. К. Шост.
|