ПЕРЕД ВЫБОРАМИКуме: — Вы кому отдате свой голос? Як уважате, котрый буде ліпший? — Я свой голос дам на того, котрый больше зафундує, а што до ліпшости, то они оба чорта вартают!
В. П.
НЕ ДЛЯ ВСІХ ВЫГОДНЕВ 1933 року в Америкі было велике затміня долларове, для бідных видочне ціле, для богатых частичне, а для миллионеров невидочне.
В. П.
НАИБОЛЬШИЙ ЗЛОДІЙЯ найбольший злодій на світі! Я отберам богатство от вас! Я з мудрого роблю дурного! Я убиваю людей, веду до шпытальов, криминалов! Я мучу матерей, отцов, жены и діти, отберам хліб и жытя родинам! Я больше убил людей, як вшыткы войны от початку світа! Я унесчастливил миллионы людей, а ище унесчастливлю много! То я — алкоголь.
———o———
КЕЛЬО ЄСТ ОСОБ БОЖЫХ?Двадцетпят літный Гриц з нареченом Ганьом и своим отцом пришли до пана превелебного, штобы оповіди оголосили. Превелебный до Грица: — Кельо єст особ божых? — Десят! — отповіл молодый. Превелебный до отца: — Та чом сте го не научыли? Отец: — Таж я му клепал не раз, же єст дванадцет.
В. П.
ОБОИХ ПРАВДАЖена: — Як повіш дашто хлопу, то на єдно ухо выслухат, а на друге выпустит! Муж: — А жені як повіш, то на обі уха выслухат, а на уста выпустит.
———o———
Язык кишени дуже помагат, але и до біды наганят.
———o———
Ани єдны окуляри для чоловіка не так добры и ясны, як добра книжка и газета.
———o———
В ганьбливом чоловіку мало пияньства, а в пяном ище меньше ганьбы.
———o———
Лем тот знає як, хто робит так.
В. Похна.
|
