|
АННА ХАЛОПИЙ
ВЕРШИЧОК ДІВЧАТКА
Вы, дакотры братя лемкы,
Уж мя певно знате,
Бо я рада вам зо сцены
Вершкы повідати . . .
Дівчатко я ту роджене,
Ту, коло Пассайку —
Люблю книжку, няня-маму,
А не люблю байкы . . .
Няньо мои з Білой Руси,
Мама з Лемковины —
Мают мене в Америкі,
Лем єдну дівчину . . .
* * *
Сіла я си за столичком,
Почала думати: —
Ци бы сама я не могла
Вершик написати . . .
Написати хочу вершик
Для лемковскых діти,
Бо я думам, нашы діти
Будут го любити . . .
* * *
Мы, молоды лемкы,Мы, молодый квіт — Почали зме жыти, О нас знає світ! Бо маме газету Организацию — Уж нас уважают И ся з нас не сміют, Же мы до ничого Не суцы — за малы — Та и до наукы Ниякой не здалы . . .
* * *
Мы, молоды лемкы,Тримаймеся свого — Учмеся по-русскы-— Слова лемковского От нашых матерей. То бесіда мила, Што от родной мамы, Все наймильша была!
* * *
Тысячы народа
Уж за нас чытают,
Так ту в Америкі,
Як и в старом краю.
То ся не заганьбме,
Лем робме роботу —
И сами, и другым
Додайме охоты!
Як будеме щиро
Разом працувати —
То нам будут тоже
Старшы помагати.
А нашы Родиче
Будут ся тішити —
Бо им буде мило
Так коло нас жыти . . .
Мы им сами “Лемка”
Голосно чытайме —
Што не розуміют,
То им об’ясняйме . . .
Робоча газета
То конституция —
Пишеся и чытат
Наша история . . .
* * *
Ище бым хотілаВам дашто вспомнути: Што за наш Народный Центер у Вас чути? Ци сте уж зложыли Жертву на Будову? Та не забывайте! И будте здоровы!
Anna Holopy
|