| О єден рок зас зме старшы, о єден сильнійшы, О єден зме и смілійшы, о єден сильнійшы! О єден рок правда наша сильнійша в народі, О єден зме ближе к ціли, к народной свободі! Хоц тілом зме о рок старшы, вшыткы зме встаріли, Зато духом миллионы з нас помолоділи! Миллионы, што познали нову правду жытя, Нове право свободного людского розвитя . . . И нас, лемков, Лемко-Союз научыл, тысячы, Што то жытя, што наука и што поступ значыт, Научыл нас, што то Правда и што то Свобода, Научыл нас боротися за права народа. Научыл нас зле и добре в світі познавати! Возрос в силу Лемко-Союз за тот Тридтец Пятый . . . Напровадил на дорогу (не можут нас звести) И веде нас до побіды, рочок Тридцет Шестый . . . Поздравлят Вас, братя лемкы, всі карпатороссы, И Вас кличе под свой прапор, всіх в союз Вас просит! Бо в союзі сила наша и Правда и Воля, Лем в союзі и их борьбі, бідных людей доля . . . |
