Давно я не писавъ до Васъ, бомъ бывъ хорый, моистевы!
Але здравя ся поправятъ — ужъ мѣ лѣпше, хвала Богу,
Ужъ и зѣсти дакусъ можу, ужъ мѣ лѣпше и на ногу. . ..
У насъ теперь планны часы: люде сходятъ гетъ на дзяды!
А хоцъ бѣда наоколо — Польша робитъ все парады. . .
И ”зжондъ“ робитъ и панове, часто ”сьвента народове“,
А ксьенжа и еігомосьцѣ ”косьцьельне урочыстосьцѣ“. . . .
Дзядекъ смотритъ все на ”кресы“ отъ Кіева до Одессы,
Ци бы даякъ, ”Моцюм панье“ нье взьоньць тего в посяданье“
А ундисты-петлюраци, ”Тихесенько, безъ гомону“
За помыи и мамону Подпоруютъ Дзядка скрыто
За повне свинске корыто. . .
Ей, вы глупы петлюраци, вы больваны, вы бортаци!
Шкода, же вамъ слинка тече! Дармо ся облизуете. . .
Дзядекъ усомъ поморгае, вы дурнями останете. . .
Но и якъ тамъ ”Фондъ Желѣзный? Ци далеко пошовъ в гору?
Ноле вкажме, же руснакамъ не бракуе тыжъ гонору!
Ани чести, ни охоты!
Ноле, ноле русски лемки! Возмеся всѣ до роботы!
Поставме собѣ памятникъ для насъ и для нашихъ дѣти:
Кедь початокъ маме добрый, Треба добри закончити. . . .
Най видятъ иншы народы, Яки сутъ карпатороссы —
Най же знаютъ наши ”паны“, же мы люде — не бараны!
Же то народъ, што ма розумъ и же тыжъ потрафитъ штоси!
На нашой земли русской, на землѣ нашихъ прадѣдовъ,
Повно мадьяровъ, поляковъ, словаковъ, чеховъ и жидовъ. . . .
Всѣ маютъ свои права защиту и охорону —
И всѣ руснака дусятъ и дусятъ безъ пардону!
Всѣ маютъ свои школы на нашой землѣ святой,
Всѣ маютъ свое право, лемъ намъ, русскимъ, отнято. . .
Мадьяроны, целибакы, кафтолики, петлюракы,
Моравякы и словакы: Едным словом: сяки-таки рядятъ нами.
А мы сами — такъ якъ дѣти, не знаме: што и якъ робити!
Ноле руснакы, — вшыткы посполу, вшыткы ся возме за рукы
И выбудуйме сой свою школу, бо намъ потребно наукы! —
Ноле руснакы, горѣ головы и серця — бо часъ ужъ пізный,
Складайме ”Фондъ“ нашъ, съ лѣпшомъ надѣйомъ,
Нашъ славный ”Фондъ Желѣзный“. . . . .

Вашъ Сватъ.