Лемки, то часть русского народа, котра жіе въ горахъ Карпатахъ отъ рѣкъ Попрада и Дунайца, по рѣки Сянъ и Ужъ. Лемки жіютъ въ одной массѣ въ сѣверной части, въ Карпатахъ, а помѣшаны съ ословаченымъ русскимъ народомъ подъ Карпатами. Такъ званы ”сотаки“ въ Спишской, Шаришской и Земплинской столицахъ то были пару сотъ лѣтъ тому русски люде.

Якъ лемковъ и ихъ край, Лемковину, подѣлили наши сусѣде?

Лемковъ и Лемковину ищи въ старыхъ панскихъ, польско-мадьярскихъ часахъ, коли то за людей раховали лемъ пановъ, подѣлили для выгоды своей границы на двѣ части и сѣверну часть присоединили до Польши, а южну до Мадьяріи.

Ци теперь такій подѣлъ живого народа допустимый?

Теперь, коли о судьбѣ народовъ рѣшаютъ не паны, а сами народы, такій подѣлъ недопустимый. Культурны народы соединаяются племенно, по своей бесѣдѣ, обычаяхъ для выгоды своей науки, просвѣщенія, прогресса и длятого и мы должны старатися о соединеніе, яко одно племя и разомъ старатися о соединеніе съ русскимъ народомъ, яко русске племя, въ одну державу.

Якъ мы стоиме сегодня?

Мы лемки, стоиме сегодня найслабше изъ всѣхъ частей русского народа, бо мы втиснены клиномъ межи чужи народности, котрыхъ правительства постановили насъ вынародовити, значитъ зъ нашой половины по польской сторонѣ зробити полякомъ, а по словацкой словаковъ и тоту свою задачу пляново переводятъ.

Ци мы можеме оборонитися и остати дальше частью русского народа?

Каждый живый народъ може оборонитися предъ вынародовленіемъ. Не може оборонитися лемъ мертвый, недбачій о народне житя народъ.

Якъ познати, котрый народъ живый, а котрый мертвый народно?

По его охотѣ до организаціи. Котрый народъ организованный, то жіе народно, котрый не организованный, изъ того жіютъ други, значитъ онъ самъ народно мертвый.

Ци мы, лемки, маме яки народны организаціи?

Маме: Въ Пряшевской Руси Русско-Народну Партію, котра открывае среди нашого народа читальни, кооперативы, издае Народну Газету и т. д.

А по галицкой сторонѣ?

По галицкой сторонѣ есть у насъ Русска Бурса въ Горлицахъ и Сянокѣ, есть парудесятъ русскихъ кооперативовъ, много читаленъ. Нѣтъ по галицкой сторонѣ общой народной организаціи для цѣлой Лемковины, а така организація конечно потребна.

Што мы маме въ Америкѣ для обороны нашихъ братьевъ въ краю?

Въ Америкѣ мы основали Лемковскій Союзъ.

Яка цѣль Лемковского Союза въ Америцѣ?

Организація нашихъ народныхъ силъ ту, для помочи собѣ и нашому народу въ старомъ краѣ такъ морально, якъ матеріяльно, для сохраненія себе и нашого поколѣнія для русского народа. Значитъ, помочь лемкамъ въ борьбѣ за свое право на русской землѣ.

И потому до ”Лемковского Союза долженъ належати каждый лемко въ первой мѣрѣ, а потомъ и каждый сознательный русскій изъ другихъ странъ русской земли, бо каждому русскому должно зависѣти на томъ, штобы лемковъ сохраните для русского народа.

Што у насъ ищи естъ для познанія себе?

Для познанія себе, для помочи нашой организаціи, издаеся у насъ каждый тыждень газета ”Лемко“, котру каждый лемко колженъ предплатити и читати. Издано тоже русску мапу нашого краю, Лемковины, котра у каждого лемка должна находитися.