Велику Русску Землю уже сама природа подѣлила на меньши русски земли. За природою должна была итти и администрація. Администрація руководилася географическимъ положеніемъ и характеромъ русского населенія.

Бо и великій Русскій Народъ подѣленый на множество русскихъ племенъ. На такой величезной землѣ, на огромномъ пространствѣ, русскій народъ не могъ задержати тѣхъ самихъ чертъ характера, той самой бесѣды. Даже дробнымъ, не стомилліоннымъ, а тысячнымъ народамъ не удалося задержати единства народной бесѣды и народныхъ обычаевъ.

Такъ и Русская Земля роспалася на три русски земли: Великую Русь, Малую Русь и Бѣлую Русь, а великій Русскій Народъ на три велики русски племена: Великороссовъ, Малороссовъ и Бѣлороссовъ.

Кажде изъ тѣхъ русскихъ племенъ причинилося для розширенія Русской Земли и для розвитія русской культуры. Каждому изъ нихъ припадае періодъ въ русской исторіи. И такъ, предкамъ малороссовъ, Кіеву, припадае первый періодъ русской исторіи. (Треба намъ знати, што въ первомъ періодѣ еще не было ни Великороссы, ни Малороссіи, ни Бѣлороссіи, а была Русь. И лемъ Кіевска Русь утворила Великую Русь и Великороссовъ).

Въ томъ первомъ періодѣ Кіевъ, сегодня столица Малороссовъ, былъ предводителемъ всей Руси, такъ предводителемъ военнымъ, якъ и культурнымъ. И не удивительно, што сегодня всѣ русски племена, каждый русскій человѣкъ держитъ Кіевъ за святый городъ, за столицу русской земли, за «мать русскихъ городовъ». Чувствуе то Великороссъ, Сибирякъ, Бѣлороссъ, Малороссъ, Карпатороссъ, словомъ, каждый русскій человѣкъ. И недаромъ русскій народъ уважае Кіевъ. Кіевъ, въ часъ свого предводительства на Руси не спалъ. Кіевски князьи со своими кіевлянами перли на сѣверъ, занимали новы земли. Русскій народъ изъ Кіевской Руси переходилъ тамъ на новы колоніи, и изъ тѣхъ новыхъ русскихъ колоній утворилася Велика Русь, къ которой, яко крѣпшой, припало предводительство на Руси.

Мали свой періодъ на Руси, особенно культурный и Бѣлороссы. Именно, коли Литва овладѣла Русскими землями въ періодъ раздоровъ русскихъ князей, русска культура завладѣла Литвою. Литва стала русскою державою, съ русскимъ языкомъ, религіей, русскими обычаями и т. д. Былъ то періодъ бѣлорусскій въ русской исторіи.

Уже выше пятьсотъ лѣтъ предводитъ на Руси великорусское племя. И по праву и природѣ ему належится предводительство. Разъ, великорусское племя два раза численнѣйше, якъ всѣ други племена взяты разомъ. Друге, оно лѣпше загартовано въ борьбѣ съ природою, съ сѣверомъ. Оно добыло для всего русского народа огромны пространства земли. Оно родило великихъ людей, писателей, мыслителей для всего русского народа. Великорусское племя поставило Русь на первомъ планѣ во свѣтѣ. Находятся люди въ другихъ русскихъ племенахъ, которы изъ зависти, што ихъ племя не предводитъ на Руси, што оно менше отъ великорусского, хотятъ отдѣлитися отъ русского народа и русской земли, штобы могли быти сами предводителями.

Розумѣется, што ихъ идеи совсѣмъ пусты и онѣ въ народѣ не принимаются. А если бы дѣйствительно коли-нибудь подобны идеи принялися и если бы малорусское племя выступило противъ великорусского, то буде то война домова, не за самостійность, а за предводительство на Руси. Буде вопросъ въ томъ, который городъ долженъ быти столицей всей Руси: Москва или Кіевъ?

И быти може, когда-нибудь въ будучности къ тому и приде, что малорусске племя перебере предводительство, але не лемъ надъ «Украиною», а надъ всей русской землей, по Камчатку. Разомъ съ тѣмъ предводительствомъ должно переняти всѣ матеріяльны и культурны богатства, яки великорусское племя создало для всей Руси и для всего русского народа. Припустимъ, што «украинцы» разобютъ «москалей» и освободитъ «Украину». . . То если они будутъ хотѣти ту «Украину» удержати, то силою природного права принуждены будутъ заняти сѣверъ, Великую Русь! А если не буде у нихъ силы заняти, то Велика Русь займе Украину. И «самостійники» сами признаютъ, што «Москва» не може жити безъ «Украины», а мимо того роспространяютъ пусты идеи про «самостійну Украину». А мы утверждаемъ, што не лемъ Москва безъ Кіева, але и Кіевъ безъ Москвы жити не може. . .

Коли бы мы признали «самостійникамъ» правду, то мы и изъ малорусского племени должны были бы устроивати пару державъ.

Кажде изъ тѣхъ трехъ русскихъ племенъ дѣлится и по географіи и по натурѣ и по бесѣдѣ и по обычаяхъ на менши племена. Возмеме лемъ наше, малорусское племя. Малороссъ изъ Кіева и Львова не тотъ самъ. Изъ Ужгорода еще иншій. А ужъ нашъ лемко изъ Крыницы, або Свидника, то ужъ сказали бы, не тотъ. Онъ и порозумѣти не може надднѣпрянця. И по «самостійнической идеологіи» треба было бы будовати «лемковску самостійну державу», бо у лемковъ и бесѣда отмѣнна и обычаи и «ноша». . . А однако лемки стоятъ крѣпко за единство русского народа и русской державы, якъ ни одно русское племя не стоитъ за то единство.

Лемки такъ отчаянно стоятъ за то единство, што находятся между лемками таки, которы протестуютъ противъ названія «Лемковщина», «Лемко». Боятся, што изъ того вытворится новый сепаратизмъ, лемковскій.

Перечити тому никто не може, што русскій народъ состоятъ изъ русскихъ племенъ и што одно изъ тѣхъ племенъ, то лемки. Никто не може перечити ніякому изъ русскихъ племенъ говорити и писати на своей родной бесѣдѣ. Никто не може перечити, што Шевченко, Франко то поэты Малорусского племени и што имъ належится мѣсто в литературѣ. Однако никто не може утверждати, што Шевченко и Франко може заступити малорусскому племени Пушкина и Гоголя, изъ которыхъ одинъ великороссу а другій малороссъ. Та и лемки маютъ своихъ: Духновича, Павловича. . . Але такъ, якъ малороссамъ не заступитъ Шевченко и Франко Пушкина и Гоголя, такъ и лемкамъ Духновичъ и Павловичъ не заступитъ великихъ писателей земли русской. Але такъ Шевченко, якъ Франко, якъ Духновичъ и Павловичъ, хотя и пробовали утворити што-нибудь для всего русского народа на литературномъ, общерусскомъ языкѣ, не могли, бо у нихъ не было того великого таланта, геніяльности, якъ у Пушкина и Гоголя. Они остали мѣстными поэтами. Если писали бы по-русски, то совсѣмъ бы ихъ не было видно при общерусскихъ великанахъ. И такъ, якъ наша молодежь, наша будущая интеллигенція не може быти воспитана на самихъ Духновичу и Павловичу, такъ и малорусска интеллигенція, малорусски предводители не можутъ быти воспитаны лемъ на своихъ писателяхъ, бо выйдутъ изъ нихъ люди болѣзненны, неудачны, якъ примѣромъ «украински самостійники», которы въ той своей болѣзненности доходятъ до смѣшности: Хотятъ поставити своихъ мѣстныхъ писателей выше русскихъ, выше всѣхъ другихъ на свѣтѣ. Голосятъ то въ школахъ своей молодежи, пишутъ въ своихъ книжкахъ для народа.

И коли та молодежь иде межъ чужи народы, хоче похвалитися своими знаніями, своими национальными писателями, узнае, што о Шевченкѣ, о Франкѣ, о Лесѣ Украинкѣ никто не «чувъ» и не знае, а напротивъ говорятъ ему о Пушкинѣ, Толстомъ, Достоевскомъ, о Гоголѣ, а даже о Горькомъ. Всѣ ихъ знаютъ. Одни читали, други слышали. Бѣдного «самостійника» приводитъ то въ ненормальность, въ помѣшательство. Здается ему, што весь міръ противъ «Украины», Шевченка, Франка, «Лесѣ Украинки». . .

Въ своемъ помѣшательствѣ заперечитъ цѣлому свѣту, всѣмъ народамъ. Назве русскихъ писателей «бандитами», «босяками», «потворами», изъ ненависти, што о нихъ говорятъ и читаютъ ихъ безсмертны произведенія, а «украинскими» никто и не интересуеся. . .

Такій «самостійникъ», то несчастный человѣкъ на всю свою жизнь. Бѣдный калѣка. Съ нимъ не можъ спорити. Такій человѣкъ достоинъ сожалѣнія. Онъ тому не виноватый. Виновата школа, въ котору онъ силою обстоятельствъ попалъ, а не было у него столько здорового розума, столько душевной силы, штобы опертися «самостійной» наукѣ, штобы самому «самостійно» посмотрѣти на свѣтъ. . .

Много не достае лемкамъ. Изъ всего ихъ оголотили. Все отняли. Однако ніяка школа, ніяка ихъ церковь не може лемкамъ отняти ихъ здорового хлопского смысла.

Лемки противъ всякихъ русскихъ, народныхъ самостійническихъ сепаратистовъ. Лемки видятъ будучность русского народа и русской державы въ единствѣ.

Въ той своей «вѣрѣ» въ единство они переборщуютъ. Много лемковъ не хоче даже признати своей племенной разницы отъ другихъ русскихъ племенъ.

А она, тота разница, тота отрубность у лемкомъ есть. Есть въ ихъ бесѣдѣ, въ ихъ народномъ характерѣ, въ ихъ обычаяхъ, пѣсняхъ и т. д.

Каждый лемко чувствуе, што онъ не тотъ, што подолякъ, або гуцулъ, чи бойко. . . Онъ другій въ бесѣдѣ, въ ходѣ, въ роботѣ. Найлѣпше тота отрубность лемковъ была замѣтна въ Талергофѣ, где согнали русскій народъ со всѣхъ сторонъ Галичины и Буковины. Всѣ тѣ люди страдали за одну русску идею. Всѣ были русски. А однако лемко принималъ то страданіе иначе, а «восточнякъ», якъ ихъ лемки звали, иначе. Поведеніе лемковъ было инакше и «восточняковъ» инакше. И если мы возмеме подъ вниманіе географичне положеніе лемковъ, нашу бесѣду, наши пѣсни, нашъ характеръ, наши народны строи, наши обычаи, то мы должны прійти къ заключению, што мы, лемки, твориме малу одиничну въ русскомъ мірѣ, одиничну въ малорусскомъ племени, а одиницу въ Карпатской Руси.

И если лемки того не поймутъ, то не можутъ выбороти собѣ ніякихъ правъ ни въ Словакіи, ни въ Полынѣ. Если лемки въ Польшѣ не поймутъ, што найблисши ихъ племенны братья живутъ за границей въ Словакіи, а лемки въ Словакіи не поймутъ, што найблисши ихъ братья сейчасъ черезъ границу въ полькихъ округахъ Ново-Торжскомъ, Ново-Сандецкомъ, Грибовскомъ, Горлицкомъ, Кроснянскомъ, Сяноцкомъ, если въ первой мѣрѣ одни другимъ не будутъ помагати, то лемки все останутся незамѣтнымъ меншинствомъ такъ въ Польшѣ, якъ и Словакіи, выставленымъ на ословаченье и ополяченье. Такъ свѣтъ, якъ и русскій міръ не буде обращати на нихъ вниманія. Однако, коли лемки будутъ выступати передъ свѣтомъ яко одно племя въ русскомъ мірѣ, не обращая вниманія на границы, яки имъ силою накинены, тогда они обратятъ на себе вниманіе свѣта и русского народа. Тогда всѣ будутъ знати, што отъ Сяна и Ужа на западъ по Татры есть русское племя, и то не ничтожное, которе можъ посвятити словакамъ и полякамъ, бо то племя жіе въ полмилліонной густой массѣ, безъ всякихъ другихъ примѣшокъ и то племя держится отчаянно своей русской народности. И не треба боятися намъ употребляти того имени «лемко» «Лемковщина». Оно лемъ для нашого добра. Коли вы скажете лемъ, што вы русскій, то никто не знае, изъ якой части Руси вы походите. Коли скажете — Карпатороссъ, то каждый возме васъ за жителя той части русской земли, што отъ Ужгорода на востокъ, т. з. Подкарпатской Руси. Але коли вы скажете, што вы лемко, то онъ або знае, где то, або не знае. . . Если не знае, то треба ему выяснити, што лемки то на самый западъ высунене русске племя, прерѣзане на половину чехословацко-польскою границею, што наше племя, наша лемковска родина, числитъ около полъ милліона душъ и т. д.

На свѣтѣ все робитъ «реклама», розголосъ. Чехи построили свою республику на рекламѣ. Уже говорятъ и о лемкахъ. Якихъ-нибудь 20 лѣтъ тому назадъ никто не зналъ о лемкахъ. Сегодня уже знаютъ, уже говорятъ. Газета, календарь «Лемко», рекорды, «Лемковске весѣля», Православіе на Лемковщинѣ, сигары «Лемко».

Лемки въ Словакіи, въ Пряшевѣ, дѣлаютъ велику ошибку, што не голосятъ лемковъ и Лемковщины.

Прійде даколи таке положеніе въ свѣтѣ, што намъ придастся тотъ разголосъ Лемковщины и лемковъ. Засядутъ дипломаты до стола и будутъ примушены говорити о полъ милліона лемковъ. Якъ долго у нашихъ лемковъ нѣтъ русскихъ школъ, то лемки употребляютъ въ своихъ письмахъ лемковску бесѣду. Пишутъ одни русскими, други латинскими буквами, але лемковскимъ нарѣчіемъ. Значитъ, имъ такъ лѣпше розумѣти. Вы читайте листъ изъ старого краю. Хотя на Лемковщинѣ украински школы, але «украинска рідна мова» совсѣмъ лемковъ не «чипилася». Пишутъ листы по свому, по лемковски. Потому и наши лемковски писатели должны писати по лемковски, писати такъ, штобы лемки лѣпше розумѣли. То ніякимъ народнымъ сепаратистомъ не грозитъ. Съ часомъ всѣ лемки хватятъ за русску книжку. Теперь ужъ много читае по русски, на литературномъ языкѣ, але многимъ приходитъ трудно, бо они безъ русской школы.

Скоро, ци намъ дадутъ русску школу, ци не дадутъ, лемки сами перейдутъ изъ лемковского на общерусске. Все буде имъ понятно. Але при томъ не будутъ гордѣти и встыдатися своей бесѣды, своихъ «спѣванокъ», а будутъ ихъ любити, яко свое, родне, найблисше.