Былъ дурный въ селѣ и всѣ изъ него смѣялися и забавлялися нимъ. Въ недѣлю пополудни сходилося правѣ цѣле село, штобы повеселитися надъ дурнымъ. А бавилися такъ, што давали ему коруну и цента. Дурный все выбералъ цента. Розумѣется, тота дурнота глупого справляла людямъ велику радость и каждый надставлялъ «коруну» и «грайцаръ», а коли дурный хопилъ за «грайцаръ», всѣ въ смѣхъ.

Прошуся разъ дурного:

— Чомъ ты все выберашь грайцаръ?

— Бо коли бы я выбралъ коруну, то бы мнѣ больше не дали выберати. . . Але не повѣчте никому. . .

Карпаторусское село въ десятилѣтіе «свободы» и «автономій», въ границахъ «Славянской Республики».

Нова «чешска школа», свѣтла, тепла. Приготована для русскихъ, однако ходятъ въ чешску школу лемъ евреи и потому евреямъ право. Народна русска школа стоитъ обдерта. Правительство, хотя бере изъ русского народа дань, кладе въ чешски школы, а русски школы гніютъ.

Село перешло въ Православіе и правительство закрыло церковь. Предъ церквой поставило жандармовъ.