Виншую, виншую на тотъ рочокъ новый
Добра и счестья каждому,
Жебы сте прожили весело, здорово,
Бѣду вымели изъ дому. . .

Жебы ся родило житко и пшеничка,
Въ коморѣ бы было доволѣ,
Жебы ся карали быцки и телички
И для них бы было въ стодолѣ. . .

Жебы сте съ дѣточокъ вельку радость мали
На старость подпору-утѣху,
Жебы ся не грызли, не поневѣряли,
А жили согласно, безъ грѣху. . .

И всѣмъ намъ, дай Боже, за розумъ ся взяти,
Же: «въ Единствѣ Сила и Воля!»
Изъ земского добра, треба намъ поняти,
И лемкамъ належится доля. . .

Лемко.