Дорогы Братя и Сестры, мы, члены Л.С. ч. 13. и 2. в Стамфорд, витаме Вас всіх, своих краянов з Лемковины и с цілой Карпатской Руси в тоту десяту рочницу нашой дорогой организации. Што до истории нашого отділа, то она дуже коротка. Колония лемковска невеличка, зато нашлося у нас в той малой колонии значне число сознательных лемков, котры основали отділ Л.С. в 1930 року. И хоц николи мы не мали много членов, але зато наш отділ робил таку роботу, што мы из Стамфорд, як всім відомо, каждый рок причинялися много до материального укріпления нашой организации. Каждый знає о славных “Стамфордскых Русалях” пикниках на Геряковой фармі, на котры приходят краяне из околичных стейтов.

У нас каждый член розуміє, длячого он стоит в Лемко-Союзі и длячого предплачат газету “Лемко”. У всіх стамфордскых членов єдна думка о народной организации и мы всі хотіли бы видіти наш народ в краю свободным и соединеным з Великым Русскым Народом.

Най жиє свобода и ровность всіх народов! Най жиє свободна Карпатска Русь соединена з Русскым Народом! Най жиє Лемко-Союз и Карпаторусский Американский Центр!