ПРИВІТ ОТ Л.С. Ч. 29.
АНСОНИЯ, КОНН.

Наш отділ Л.С. ч. 29. был организованый в 1932 року, а о штыри рокы позднійше, т. є. в 1936 року наш отділ купил маєток, котрому дано имя Лемковский Народный Дом. Мы перебудували дом так, што тепер мы маме дост велику галю и отповідну сцену. В той галі отбываме свои митингы и предприятия, рентуєме и другым организациям по низкой ціні. Коло той галі мы маме ище 5 домов, котры рентуєме и з ренту сплачаме наш долг. Наша земля 175 футов долга, а широка до половины 145 футов, а друга половина 100 футов. Нашы проперта добрый центер, выгодно зайти зо всіх сторон, бо находится в середині міста за водом, под ч. 109 Брод улица.

Як бы не было организации Л.С., то мы до днес не мали бы ничого народного. Но нашы члены Л.С. не могли по той причині много помочи при будові К.Р.А. Центра, бо мы сами обтяжены долгом на свойом маєтку, но зато мы и центру, сколько могли — помогли, бо мы уважаме организацию Лемко-Союз и Карпаторусский Ам. Центр своим руководителем.

В Десятлітный юбилей Лемко-Союза и газеты “Лемко” шлеме сердечный привіт всім членам Л.С. и читателям "Лемка" и поздравляме организацию с открытием нашой центральной Народной Будовы — Карпаторусского Ам. Центра!