Исторія Братства Св. Іоанна Крестителя въ гор. Йонкерсъ, Н. I. — Василій Федакъ

Братство Св. Іоанна Крестителя ч. 11 ОРБ было заложено на самомъ початку, якъ только организовалось Общество Русскихъ Братствъ, але ся деси не развивало досъ добри. Початковы члены были: Андрей Ковальчикъ, Иванъ Слота, Іосифъ Дудичъ, Теодоръ Бибель, Стефанъ Фешъ, Антоній Слабы, Клементій Долинскій, Дмитро Хома, Никита Адомиракъ, Петро Войтовичъ, Андрей Фанокъ, Петро Слота, Андрей Павлякъ.

Кто изъ нихъ былъ въ урядѣ, того не маме, ажъ зме нашли съ 1913 г., што есть урядъ, въ который входили: Александръ Трембачъ, председатель, Иван Адомиракъ, кассиръ и Николай Адомиракъ, секретарь.

А такъ, якъ то перешло много лѣтъ, а секретари ся меняли и нема въ гѣхъ рекордахъ точныхъ записей, абызме могли дати цѣлу исторію нашого Братства, але што буде можно, то подаме, и подаеме аккуратный рекордъ отъ року 1927. Предсѣдателемъ былъ Николай Слота, а 1928 року предсѣдателемъ былъ Владимаръ Шелеговскій, кассиромъ Юліанъ Адамовичъ, а секретаремъ Иванъ Малютичъ. 1929 года предсѣдателемъ былъ Иванъ Лабашъ, кассиромъ Стефанъ Слота, а секретаремъ Иванъ Малютичъ. 1930 года предсѣдателемъ былъ Михаилъ Урамъ, кассиромъ Григорій Лукачинъ, а секретаремъ Юліанъ Адамовичъ.

1931 года предсѣдателемъ былъ Николай Гусеница; кассиромъ Андрей Коблошъ, а секретаремъ Петро Климашъ, 1932 до 1934 года предсѣдателемъ былъ Николай Гусеница, кассиромъ Андрей Коблошъ, а Петро Климашъ секретаремъ. 1935 года, Юліанъ Адамовичъ предсѣдателемъ, Андрей Коблошъ кассиромъ, а Стефанъ Слота секретаремъ.

1936-1937 Григорій Лукачинъ предс&дателемъ, А. Коблошъ кассиромъ, а Стефанъ Слота секретаремъ. 1938 года Василій Федакъ предсѣдателемъ, Теодоръ Василенко кассиромъ, а Василій Бодакъ секретаремъ.

1939 года Василій Федакъ предсѣдателемъ, Григорій Лукачинъ кассиромъ, а Василій Бодакъ секретаремъ. 1940 года Василій Федакъ предсѣдателемъ, Петро Дичко кассиромъ, а В. Бодакъ секретаремъ.

1941-1943 — Николай Гусеница предсѣдателемъ, Илія Лизакъ кассиромъ, а В. Бодакъ секретаремъ. 1944-1945 — Андрей Вайта предсѣдателемъ, Илія Лизакъ кассиромъ, а Петро Климашъ секретаремъ. 1946 года Петро Дичко предсѣдателемъ, Михаилъ Павелчакъ кассиромъ, а Михаилъ Хомякъ секретаремъ.

1947-1948 — Петро Дичко предсѣдателемъ, Илія Лизакъ кассиромъ, а М. Хомякъ секретаремъ. 1949 года — Юліанъ Адамовичъ предсѣдателемъ, Илія Лизакъ кассиромъ, а М. Хомякъ секретаремъ.

1950-1952 — Иванъ Сернякъ предсѣдателемъ, Илія Лизакъ кассиромъ, а М. Хомякъ секретаремъ. — Иванъ Сернякъ былъ выбранъ на свое становиско, але тая немилостива смерть забрала его отъ насъ на вѣчный отпочинокъ, а его заступца докончилъ предсѣдательство, а заступцемъ былъ Николай Слота. 1953 года — Николай Слота предсѣдателемъ Илія Лизакъ кассиромъ, а М. Хомякъ секретаремъ. 1954 года Петро Климашъ предсѣдателемъ, Илія Лизакъ кассиромъ, а Мих. Хомякъ секретаремъ. 1955 года — Василій Федакъ предсѣдателемъ, Илія Лизакъ кассиромъ и Мих. Хомякъ секретаремъ. То и есть рекордъ нашего Братства— другихъ урядниковъ не подаеме, бо то бы забрало много мѣсця, але хочеме подати, якъ мы теперь стоиме. Членовъ маемъ теперь въ іюлѣ 1955 году 139, кассу маеме не такъ велику, бо маме $5.122.72, бо мы платиме $3.00 хворой запомоги съ тѣхъ 25 центовъ.

Отъ 1911 года до теперь наше Братство выплатило хворой запомоги больше $2.000.00, такъ само купуеме вѣнецъ цвѣтовъ, если членъ помре. За той часъ отъ 1911 до 1955 года іюля мѣсяца, наше Братство похоронило 42 члена, а што веце, наше Братство брало участь на все народны воззванія. Коли была вторая свѣтовая война, наше Братство жертвовало на Русскій Военный Релифъ 320 долларовъ, а на Американскій Красный Крестъ $160.00, а што больше, и а Карпаторусскій Центръ въ Юнкерсе $25.00, а на покраску Свято-Троицкой Церкви въ Юнкерсѣ $250.00, и много другихъ рѣчей зробило, которы не сутъ на рекордѣ. Такъ само брало живу участь на всехъ конвенціяхъ ОРБ и па всехъ другихъ народныхъ собраншхъ. Каждый памятатъ, коли въ 1926 году была Конвенція въ городѣ Филадельфіи, Па. Членъ нашего Братства, Александръ Василенко, гнеска уже покойный, показавъ планну работу, котру то робили бывшіи урядники ОРБ въ той часъ.

Ажъ отъ того часу наше Общество начало роснути финансово. Бѣда, однако, въ томъ, што наша молодежь не интересуется нашими братствами, якъ ся интересовали ихъ отцове, а они бы ся мали чемъ интересовали, бо гнеска наше Общество мае три милліоны долларовъ. Мы взываме до васъ, молодое поколѣніе русского происхожденія, вы, ся должны гордити, бо русскій народъ богатый во всемъ, русска земля тече молокомъ и медомъ, русскій народъ есть богомольный, любитъ все, што есть добре для человѣчества. Русскій народъ хоче жити въ спокою со всѣми народами. Вы мате доказъ, што русскій народъ не нападатъ на никого, онъ не выповѣдатъ войны никому, а кто нападатъ на него, то онъ ся только боронитъ, и хотяй въ днешни часы иде холодна война, но она перестане, и наша держава Соед. Штаты Америки буде найлѣпша пріятельница съ русскимъ народомъ, чого дай Боже дочекати и увидѣти той день, и въ той часъ, вы, молодше поколѣніе, переконате ся, што вы походите съ Боголюбивой семьи, бо русскій народъ мае богату исторію за собомъ, и мае добрыхъ инженеровъ, писателей, артистовъ, може лучпшхъ отъ другихъ народовъ, но але мы привыкли слухати разного рода выдумки отъ тѣхъ, которы русскій народъ не любятъ и клевещутъ на него, а мы декотры имъ помогаме, а то для того, бо мы не знаме своей исторіи.

Возмійме себѣ примѣръ съ Другихъ народностей, которы тоже имѣютъ молодежь и та молодежь не ганьбится и не стыдатся свого, а наобортъ гордятся своимъ происхожденіемъ. Мы тоже должны гордиться, што не закопали срои таланты, а прогрессируемъ. У нашего народа есть великое богатство, слѣдуетъ только посмотреть — сколько у насъ есть церквей, обществъ, народныхъ домовъ, а то все на наши доллары. Мы ту не мали ніякого уйка, штобы нас обдаровавъ тѣмъ богатствомъ, яке мы гнеска маме, а то есть организація «братолюбія», бо поговорка говоритъ, што «сгода будуе, а несгода руйнуе».

Отже, вы молоды, ставайте членами нашого намъ дорогого ОРБ, бо то есть путь вашихъ отцовъ и матерей и исполните заповѣдь Божу, котора голоситъ «чти отца и матерь, а будешь жилъ долго лѣтъ на земли и добре тебѣ буде».

Я не знаю для чего мы себѣ сами нежичливы. Мы должны тое подумати и свого ся держати и вступати въ свое ОРБ. Тажъ оно такъ само выплачатъ честно посмертны запомоги, якъ и другіи ассекураціи, а и веце не бере мѣсячне, якъ и другіи ассекураціи.

А-ну, отцы и матери, роскажте своимъ сынамъ и дочерямъ, абы они ступали вашими стопами и стали членами нашего ОРБ, бо то есть твердыня нашихъ будущихъ поколѣній русского происхожденія.

YonkersLocalPhoto56

Урядъ нашего Братства въ 1955 году состоялъ изъ слѣдующихъ: Василій Федакъ, председатель; Юліань Адамовичъ, мѣстопредсѣдатель; Николай Хомякъ, секретарь; Илія Лизакъ, кассиръ; Данко Дурнякъ, рекордовый секретарь; Стефанъ Слота и Панкратій Верхнянскій — контролеры.

Написалъ Василій Федакъ,
председатель Братства.
YonkersLocal56End

[BACK]