Божа Кара — Антолій Оранджъ
(Изъ дѣтскихъ воспоминаній)


Сынъ за мала былъ хорошій,
Мати не щадила ему грошей!
Убирала, научала,
Въ немъ надѣю полагала.
Чей же може хоть на старость,
Буду мати съ него радость.
Разъ въ недѣлю раненько,
Посварився сынъ на неньку
Геть ми съ дому, чуешь мати!
Бо я буду гости мати.
Мене будутъ ся звѣдати,
Котра въ тебе, газдо, мати?
Я буду ся стыдати,
Тебе мамой называти.
О! не стыдайся мой соколе,
Родной матери николи!
Нехай гости ся забавляютъ
И съ тобою розмовляютъ
Въ кармазинахъ у квѣточку,
А я стану у куточку.
Чорна хмара наступае,
А сынъ матерь выганяе.
Выганяе, не зважае
Що за тое Богъ карае.
Иде ненька горонькою,
Считается и съ донькою.
Иду доню геть до тебе,
Выгнавъ мене сынъ отъ себе.
Еще ненька съ донькй размовляе,
А сынъ ю догоняе.
Вертай прошу, вертай нене,
Во безъ тебе лихо въ мене.
Ударилъ громъ на мой домъ,
Спаливъ гости у квѣточку,
Лишивъ я ся на бѣдочку.
Спаливъ гости въ кармазинѣ,
Оставь я ся только при одной дитинѣ.

Антоній Оранджъ

[BACK]