За Русь! — І. Я. Луцыкъ


На прю, на славный бой соколы,
Американска Русь ставай,
Бурянъ на нашемъ видный поли,
За честь народа каждый дбай!
Кто Русь въ измѣтѣ съобиджае,
Хотя и братъ родной онъ будь,
Обиду кровь лишь обмывае,
Оплотомъ Руси наша грудь!

* *
*
Що предки наши намъ лишили,
Святымъ остане на всегда,
За Русь потоки крови плыли,
Мы орлы РУССКОГО гнѣзда!
Іудѣ видно мало кары,
Мазеповъ онъ межь насъ послалъ,
На бой ставайте яничары,
Щобы по васъ и слѣдъ пропалъ!

* *
*
За крестъ, за волю, силу, право,
За Руси честь, еи имя,
Держѣмъ высоко, величаво
Трехцвѣтне, намъ святе знамя!
Пропадьте вражи супостаты,
Не страшенъ намъ вашъ крикъ и вой,
Намъ Русь свята, она намъ мати,
На прю за Русь, на прю, на бой!


I. Я. Луцыкъ.



[BACK]