Новорічне Побажанья

З новым, 1987 роком! По случаю Різдвяних сьвят і руского Нового Року, Головне правління, Центральный Комітет Союза і Редакція «Карпатской Руси» шле вшиткым читачам, членам нашых народных і братскых запомоговых організацій, друзьям і вшыткым краянам в Сполучених Штатах і Канаді сердечны поздровління і побажаня.

В тім 1987-ім році жычыме лемкам, где би они не жыли, миру і щесьтя, жебы не забывали они про общый народный інтерес, жебы берегли бесьіду і культуру рідну і на каждім кроці свого жытя розвывали і передавали тото народне богатство нащадкам своім. А нашій карпаторускій еміграціі в Америці жычыме, жебы она нашла в собі силу піднятися высше своіх старых пустых і дрібных особистых роздорів, і жебы в обеднаній народній силі она крочыла вірном дорогом до ліпшой будучности.


Головне правління Лемко-Союза.



[BACK]