Радостно было 1 сентября в домі Ваня Похны в Сокольниках коло Львова. До него пришли друзі, штобы в семидесятлітя пожелати йому доброго здоровля, довгых літ жытя и дальшого успіху в благородній роботі для народа.

Ваня Похну знают не лем на Лемковині, але и в Канада и в Америці, де прожыл довгы рокы и добрі потрудился в народных організациях.

Ваньо Похна Ваньо Похна в Стрийском парку во Львові.

Трудно повірити, же тот скромний, тихий чоловік внюс такий великий вклад в организацию культурно-просвітительной роботы серед лемков.

От молодого хлопця жыво інтересувался літературом и культурным жытьом. Ваньо был першым и в чытальни, и в кооперативі, на представліню, в хорі и другых народных ділах.

Але трудне материяльне жытя заставило його лишыти до болю рідне селечко Устья Русскє, молоду жену, сыпів и іхати за куском хліба в далеку Канаду. Но и там было нелегко заробити гроша. Але Ваньо думал не лем о своім добробыті. Він был в рядах першых організаторів Лемко-Союза, активно участвувал в Славянскім Комитеті, Лейбористской прогрессивной партиі и другых робочых и прогрессивных организациях.

Як довголітній організатор Лемко-Союза зъіздил Канаду и Америку, організувал отделы выступал на мітингах, чытал лєкциі перед нашым народом. Його знали, любили и охотно слухали. Ваньо Похна разом з Дмитром Вислоцкым, д-ром Пыжом. Цислякями, Чепом. Адамяком и другыми передовыми людми проводил громадну роботу, в результаті котрой основна маса нашого народу згуртувана в Лемко-Союзі и другых прогрессивных организациях.

Ваньо Похна обладат немалым писательскым талантом. Він пише інтересны статі в газеті и календарях, прекрасны театральны штукы, як “Мачоха и конскрипция”, “Братя колекторы”, котры довго тішылися поводжыньом на сцені.

В сімдесятий юбилей, лемкы од щырого серця поздоровляют Ваню Похна и жычат йому довгых літ щасливого и радостного жытя.