Моє Село Смерековец, Повіт Горлицы — Максим Новак

Моє село Смерековец так, як и другы нашы села на Лемковині, а особенно сусідны села, як Гладышів, Квятоня, Устье Русске, Ганчова, Высова и Блихнарка, подобие до всіх другых зо свойом красотом, культуром, обычаями и всім тым, чым жили нашы лемкы по другых нашых лемковскых селах.

В историчных датах сут они записаны с 1528 року, но може быти, што ищы перше и больше нашых сел-наг Лемковині были так закладаны. Здаєся, што гдекотры нашы села на Лемковині были даже далеко перше закладаны, бо сут дакотры даты ищы в 13-ом столітню. Но я не буду широко росписувался за историю нашого села Смерековец, бо большых точных доводрв не мам на руках.

Село Смерековец єст росположене вдовж рікы, котра выплыват зо седа Ждыні и в записях-названа “річка Ждынька”. А так другы річкы выплывают из сел Гладышова и Регетова и разом они вплывают через Квятоню, Устье Русске, Клемківку, Лосє, Шимбарк до рікы Ропы. Моє село числило около 175 родин, но сегодня там жиє заледво 10 лемковскых родин, а решта осадникы. Кільканадцет фамелий выіхало на Украину до Совітского Союза, а решта так, як и другы села — на силу выселены на западны земли Польшы. Хыжы были порозбераны, што в гдекотрых місцях не можна роспознати, где кто мешкав. Село барз зріднило. Тилько, што долов селом Смерековцом с Гладышова єст побудована дуже добра асфальтова дорога, котра веде через Квятоню. Устье Русске, Клемківку, Лосє, Шембарг, Ропу аж до Горлиц, Дорога надала селу красный вид. Даколи треба было іхати долов селом по річных закрутах и сім раз зачым вышли сте на добру дорогу. В Квятоні сегодня єст лем єден мост и дорога проста, як линия и злучатся в селі Квятоні. По селах на дорогах видно дуже мотоциклів, так само видно, где-негде автомобили, найбольше видно по дорогах байциклів, так званых “роверов”. Майже кажда селянка сідат на ровер, бере кошык на плечы и іхат до міста або на село до склепу за своима потребами. Автобусы курсуют з Горлиц на села што годины через Магуру, Гладышів до Конечной и через Устье Русске, Ганчову до Высовы.

Ніт такой родины, штобы з нашого села дакто не выіхал на емиграцию до Америкы, Канады и до другых частей світа, и то по двоє, трое людей с єдной хыжы, а часто цілыми родинами. Судити по массовой емиграиии, то ту в Америкі єст майже таке число нашых єдносельчанов, як и в старом краю. Найвеце нашых єдносельчанов жиют в ньюйоркской околици, як в Юнкерс, Нью Йорк, Джерзи Сити и в другых великых містах. Большинство нашых єдносельчанов ту в Америкі сут читателями газеты “Карпатска Русь”, стоят членами в братскых, церковных и народных организациях. Многы из них занимали и занимают уряды, як в єдных, так и в другых организациях и трудятся на добро свого народа.

По обох сторонах села верхами поля сут теперь засаджены лісами, рівном линийом, што ниякой закутины не єст. Поля обрабляют больше модерно машинериом; компери садят за плугом, окопуют плугом и выкопуют плугом.

Коли я быв отвидіти своє рідне село в 1965 року, то вроды на полях были дуже гарды, так само и худоба выгдядала дуже красива. Но єст по селі и дуже знищения, и єст барз запущено. Наприклад, капличкы и кресты коло дорогы знищены. Як попадали, так и лежат, ніт кому подняти и поправити. Так само и цмынтари запущены до непознания. Зараз видно, што ніт ту лемків веце...

В давнину, коли вы входили в лемковске село, то вы чулися, як бы вы входили в прекрасный парк. Хыжы были обілены на біло, обгороджены плотами и красны загороды з яринами, но сегодня того не найдете. В селі Смерековец, як тоже и в другых селах, в Ждыні, в Устью Русском, в Ганчові и Высові сут склепы з съістныма продуктами, майже всьо можна купити.


SchoolChildren

Діти села Смерековец перед свойом школом з учытелями: Фуртак и Гембаля, и священником в 1943 року. Фото сохра- ? ? ? ? ? Mария Адамович-Свист


SmereSchool

Теперішня школа в селі Смерековец в 1965 р. Фото М. Новака

Церковь в Смерековци барз запущена. Малюнкы на стінах зникли, лем што олтарь ищы єст в добром порядку, бо церковь єст мурувана с каменя и через довгы рокы, отколи лемкы были выселены, то никто не дозерав того, то всьо знищилося. Так само и коло церкви барз запущено. В церкви затягли електричне свтло. На отправу приходит польский ксьондз зо сусідных сел.

Не знам акурат, але из оповідания моих покойных родичов, то церковь, здаєся, же была побудована в 1868 року. То видно, же має уж 101 рок. Памятям, што послі Першой Світовой войны многы нашы єдносельчане ту в Америкі были на помочы поправкы нашой церкви, як малюваня и покупкы звонов и многы из них уж сут покойны, котры были все на помочы свому рідному селу.


SmereChurch

Церков в селі Смерековец. Фото М. Новака, 1965 р.

Ту подаю фотознимку з нашой церкви. Школы в Смерековци сут дві, обі в дуже добром стані. Перша школа єст мурувана в 1910 року, до котрой и я, ходив и учився. Мои учители были Владислав Мика и Стефан Ліщота. Перед тым, чым школы не было, то селяне рентували хижу в газды и так діти ходили до школы. Но было брак місця, то селяне рішили побудувати другу деревяну школу з двома большыма салями, на котру я тоже возив каміня на підмуркы и глину на насып. На 136 стороні календаря подаю фотозйймкы з обох школ.

То єст коротке воспоминание за мое ріде село. Я бым любив, жебы дакто з нашых єдносельчанов написав дашто більше за наше село Смерековец.


Максим НОВАК,
Юнкерс, Н. Й.



[BACK]