Андрей Куско
Прислівя, Приповідкы и Загадкы Села Нишный Чабин — Андрей Куско

Ліпше кус счестья, як міх злата.

Не є мяса без кости, а чоловіка без злости.

Не є воды без рыбы, а человіка без хыбы.

Тримай язык за зубами та будеш з панами.

Не жычай од кума розума.

Не май вірного, не будеш мати зрадливого.

Не тот бідный, што мало мат, але тот, што бівше жадат.

Як собі постелиш, так будеш спати.

Не крич “гоп”, поки не перескочиш.

Дома — як лев, на войні — як тхір.

Пуст пса под стол, то вылізе на стол.

3 пса николи не буде солонина, лем псина.

Яке є коріня, таке и насіня.

Як посієш в марцю та го зварят

Яблко од яблоні недалеко паде, у горцю. А у маю, та го зварят у яю.

Лінива рука — готова мука.

Высокий як тополя, глупый як физоля.

Як ся зробит из цілила міх, то настане великий сміх.

Хто годен, то не голоден.

Кому ніт рады, тому ніт помочы.

Якый птах, така и клітка.

Двоим и ліпше смакує.

Дар за дар а задармо нич.

Хто хоче істи, мусит у воду лізти.

Так тя там треба, як пса до неба.

Сміх без причины, знак дурачины.

Што можеш зробити днесь, не одкладай на завтра.

Трафит коса на камін аж іскру дасть.

Хто на другого яму гребе, сам до ньой упаде.

Лінивый два разы ходит, скупый два разы платить.

3 чужого коня серед болота злізай.

Тиха вода берег ламле, а быстра лем перебігне.

Два раз міряй а раз ріж.

Най не доганят торба торбі, бо єднакы обі.

Без мукы неє наукы.

Будеш богатый, будеш и скупій.

Батіг на конци стрілят.

Боится як чорт кадила.

Біда из бідом, горша біда без біды.

Біда научит кашу з шылом істи.

Вола хаплют за рогы а чоловіка за слова.

Волиш не дати, як потім выгваряти.

Лысый конь ся народил, лысый и здохне.

Божа воля — наша доля.

Ворона вороні око не выдзьобат.

Каждому не вір, бо тя урве як звір.

Люблятся, як мачка (кітка) з псом.

Оголеный и без бритвы.


Нижні Чабины, 1935.


ЗАГАДКЫ

Летит пташок попід дашок, а ся за ним кышкы торочат. (Чонок).

Сидит пані в коморі, а волося єй на дворі. (Морков).

Маме мы такый платок, што выжене з ліса статок. (Гребін).

Од хыжкы до хыжкы торочатся кышкы. (Стежкы).

Маме мы таку паню, што має раз в році свято. (Мітла на Рождество, бо в хыжы солома).

Через ліс — переліз, через верх — переперх, через воду перешол и не замачался. (Вітер).

Маме мы такого коня, што з под себе гній мече: (Млинец).

Попід стріхы, білы міхы. (Зубы).

Не мат рук, ани ніг, але на дах выйде. (Дым).

Без обруча, без дна, повна бочка вина. (Яйце).

Черненый кін, а як прийде чорный, то всіх выжене. (Кутач).

Ходит, ходит, а николи ся не сходит. (Ногы).

Не є пес, але хыжу стереже. (Ключ).

Чорненьке, маленьке, але істи ся му хоче. (Терен).

Четырі рогы, четырі ногы, не має головы. (Стіл).

Лізе, лізе по желізі, душу не має и душу везе. (Потяг).

Хто на самый перед до хыжы иде? (Ключ).

Коли сіно родится? (Николи, лем трава).

Чол дощ падат? (Бо не може зыйти).

Сидит пан на даху, курит собі табаку. (Комин).

Маме таку паню, як мы єй розберали, то сме плакали. (Цибуля).

Чом мудрый глупого учит? (Бо глупый мудрого не годен).

В лісі росло, в лісі пасло, пришло меже бабы та ся трясло. (Сито).

В котром мори не є воды? (На мапі).

Кого бют по голові, жебы рівно ишол? (Гвоздик).

Хто жывотом пре, ногами тре, а руками ниткы пряде? (Павук).

Сама гола а другым шыє. (Ігла).

Котрый є найбыстрійший маляр? (Зеркало).

В воді купатся а суха остане. (Гуска).

Два братя коло себе а єден другого не видят. (Очы).

Як летит є біле, як упаде — жовте. (Яйце).

Без сокыры, без долота, без молота міст збудує. (Мороз).

Якого каміни нійбольше в воді? (Мокрого).

Я вода и на воді плывам. (Люд).

Яку рослину познає и сліпый? (Коприву).

Иде купатися а бріх зохабит дома. (Перина).

Шість ніг, четырі очы, дві головы, што тото? (Хлоп сидит на кони).

3 якыми відрами ходили Адам и Ева по воду? (З порожніми).

Біжат два псы и позадерали носы. (Сані).

Двоє идут, єдно лежит. (Ножычкы).

Без рук, без ніг, на пліт лізе. (Горох).

Пять кіз з під оборога втікают а пять підідают. (Пальці и куделя).

Штырі тыкы, два патыкы, семе замахайло. (Корова).

Попід меджы ходит без одежы. (Серп.)

Што на самый перед квитне, а на самім заді достигне. (Терка).

Што мат Адам на переді а Ева на заді. (А).

Як ся на коня сідат? (Як и на кобылу).

Коли ся овцы стрижут? (Коли и бараны).

Якого дерева найбільше в лісі? (Округлого).

Зелена я, як мене вытягнеш — червена я. (Морков).

В воді народилося, але воды боится. (Сіль).

Уха має, але глухый. (Горнец).

Ходит водом — не плюскоче, ходит лісом — не шелестит. (Сонце).

Такый пан, што сам себе съіст. (Сірник).

Xто по корчмі на голові ходит? (Гвоздик).

Округленькер маленьке, цілому світу миленьке. (Грошы).

Што ходит по соломі, а не шелестит. (Сонце).

Біле як сніг, надуте як міх, лопатами ходит, а рогом іст. (Гус).

Без вікон и без дверей, повна хыжа людей. (Мак).

Є такий баран, што має на собі сто ран. (Кобиця).

Як мі водни, так мі вночы, по каміню кістя товчы. (Вода в потоці).

Чом пес язык вывалит, коли летит? (Тримат рівновагу с хвостом).

Што перелетит через річку без тіни? (Голос).

Цілый день иде и нигде не піде. (Годинник).

Де идеш, крива-непроста? Тобі што до мене, острижена-безхвоста! (Вода и трава).

Єст така бочка, што у ній двояке вино. (Яйце).

Шило-мотовило по під небеса ся вило, по турецкы заводило. (Дзвоны).

Штыре братя доганяются а не можут догнатися. (Колеса на возі).

Ище ся отец не народил, а сын му уж по стрісі ходил. (Дым).

Штыре братя єдну шапку мают. (Оборог).

Иде когут попід землю а косиці му на вонка. (Плуг).

Сидит пані у кутику в обторганом кабатику. (Мітла).

Береш — кричыт, кладеш — кричыт. (Ланцух).

Не є жадна рослина, ани дерево, але листя має. (Зошит).

Меже двома горами спитый баран лежыт. (Квас в корыті).

Червеный горночок, повно в нім крупочок а на верху чопочок. (Свербигузка — овоч дикой ружы).

Што має вояк на заді, то має коза на переді. (Буква “К”).

Дванадцет братов на постели спят, а ани єден не є на краю, (Годинник).

Желізне теля — клочаный хвіст. (Ігла з нитком).

Сидит баба на припецку, шепче папир по німецку. (Замішка).

На літо ся облікают а на зиму кожух из себе знимают. (Дерева).

Яку воду мож нести в решети? (Замерзнуту).

Хто терпит найбольшу ганьбу? (Поріг).

Поля скляняны а межы деревяны. (Вікно).

Иде лісом — не трісне, водом — не хлипне. (Місяц).

Мале, сиве, а хвостик як шыло. (Мыш).

Платка на платні, ани пришите, ани придатне. (Капуста).

Мене часто просят; а як ся укажу, всі втікают. (Дойдж).

Зубы має, а істи не просит. (Граблі).

Дірава плахта по поли скаче. (Борона).

В чом не мож дірку вывертіти. (В воді).

Хто рано ходит на штырьох, через ден на двох, а вечером на трьох? (Чловек).

Жиє пять братов а єден од другого менший. (Пать пальцов).

Добрі видит, а сліпый. (Неграмотный).

Што старше од розуму? (Увага).

Што на світло найскоріше? (Думка).

В огни не горит а в воді не топится. (Правда).

Хто трьома зубами іст сіно? (Вилы).

Білый пес на воду, бреше. (Прайник).

Деревяный хвіст, дселізный рот. (Сокыра).

Дірава рянда. ціле поле прикрыла. (Стернянка).

Серед села стоит бочка вина. (Студня).

На огни мокне, на воді сохне. (Воск).

Белавый шатер цілый світ покрыл. (Небо).

На небі біліє, світит а не гріє. (Місяц).

Што сходит без насіня? (Сонце).

Сам не біжыт, а стояти не дозволит. (Мороз).

Без рук, без ног, а цілый світ перейде. (Вода).


Нижні Чабины, 1939.



[BACK]