К 50-Літию “Русской Народной Республики Лемков” — П. Когутов

К важнійшым событиям в истории лемков, мающим особне значение як для судьбы жителей Лемковины, так и формирования их политичной и иациональной сознательности, слідує отнести окончание первой світовой войцы, роспад Австро-Венгерской монархии, в состав котрой входила Лемковина больше, як 100 літ и побіда революции в России.

Именно Велика Октябрска Социалистична революция, котра рішила вопросы мира, земли и национального освобождения в интересах трудового народа, указала лемкам путь к освобождению послі семисотлітного порабощения.

Центром национально-освободительного движения на Лемковині явилося село Фльоринка, Ново-Сандецкого повіта, где 5 декабря 1918 року на вічу представителей “Лемковскых народных рад” была провозглашена “Русска Народна Республика Лемков” и образовано правительство.

Несуждено было лемкам освободитися от вікового гнета и объєдинится с братьями на Востоку. “Русска Народна Республика Лемков” была подавлена, правительство арєштовано и осуждено судом новых поработителей. Вот што говорят нам с пожолтівшых от часу страницы львовскых газет “Прикарнадска Русь” №№ 116 от 13 июня 1921 г. и 117 от, 21 июня. 1921 г., “Вперед” №№ 88 от 14 июня 1921 г. и 89 от 15 июня 1921 г., кореспонденты присутствовавшы на судебном процесі против правительства “Русской Народной Республикы Лемков” в Новом Санчі.

В пятницу 10 июня 1921 года в здании окружного суда в Новом Санчі, трибунал буржуазной Польшы под предсідательством Пшехоцкого начал суд над правительством “Русской Народной Республикы Лемков”.

Не только вокруг здания, но и внутри большой салі судебного засідания, коридоры были заполнены полицейскыми. Немногым журналистам и лемкам, в основном родственникам подсудимых, по специальных пропусткам удалося попасти на процесс.

На лаві подсудимых — президент “Русской Народной Республикы Лемков” д-р Ярослав Качмарчик, по образованию юрист и член правительства. Дмитрий Хиляк — священник, Николай Громосяк — селянин. Всі они обвиняются в государственной изміні по статьям 58 и 59 буква “З” и "Ц” австрийского уголовного кодекса, предусматривающим смертну казнь.

Як видно из обвинительного акта и судебного розберательства суть діла заключалася в том, што послі розвала австро-венгерской монархии и побіды в России Великой Октябрьской социалистичной революции, на Лемковині создаются “Народны рады” (совіты), представителі котрых на вселемковском вічу в селі Флоринка Ново-Сандецкого повіту 5 декабря 1918 года избрали “Народну Раду Лемковины”, котра провозгласила “Русску Народну Республику Лемков” и образовала правительство во главі с д-ром Ярославом Качмарчиком.

В єдиноголосно принятой резолюций на вічу говорилося:

“Основна задача Республикы Лемков — воссоєдинитися с єдинокровными братьями на Востоку, т. є. с Совітском Россиом”.

Для проведения в житья воли и стремления народа было создано правительство, где вошли Дмитрий Хиляк — министр внутренных діл, Курило — министр иностранных діл, Николай Громосяк — министр сельского господарства и другы, всего 12 людей. По всей Лемковині были организованы сельскы и повітовы “Народны рады”, котры практично осуществовляли власть на місцях. Правительство собералося раз на тыждень. На засіданиях, котры проводилися в розмаитых селах, принимались законы, инструкции, обсуждалися внутренны проблемы и меженародне положение. Для поддержания порядку в селах и містах были созданы народна милиция и ополчение.

В Варшаву выізжала правительственна делегация во главі с президентом др. Ярославом Качмарчиком, котра вела переговоры с премьер министром Польші Андрейом Морачевским, воєнным министром полковником Рыбаком и другыми.

На єдном из заседаний правительства был принятий меморандум для передачи Парижской Мирной конференции с просьбом признати “Русску Народну Республику Лемков” и утвердити єй границы.

На другом засіданню обсуждался вопрос о налаживаным контакті с Совітском Россиом. Єднак представителю “Русской Народной Республикы Лемиов” не удалося добратися в Совітску Россию, помішали украинскы националисты в Галичині.

Для передачы меморандума Мирной Конференции в Париж выіхал член правительства Виктор Гладик. В Парижі он был принят членом английской: делегации на мирной конференции. К сожалінию, голос лемков не был взятый во внимание на Мирной конференции. Представителя “Русской Народной Республикы Лемков” не пригласили на засідание Мирной конференции, т. к. им не по вкусу пришлася резолюция о воссоєдинении о Совітском Россиом.

Английский дипломат передал меморандум польскому графу Галецкому и на процессі он служил основным документом обвинения.

Коли в Галичині укріпилася вдасть панской Польщы и воссоєдинение с Советском Россиом стало практично невозможно, Лемковщина вела переговоры с Чехословакиом о объєдинению Лемковины, Пряшевщины, Закарпатья и на правах автономии войти в состав Чехословакии.

Однако чехословацке буржуазне правительство не согласилося предоставити автономии объєдиненной Лемковині, котра стремилася к воссоєдинению с Совітском Россиом,

Молода Республика Лемков не смогла противостояти буржуазной Польші и просуществовавши 16 місяцов, была захвачена польском армиом, а правительство арестовано.

На требование прокуратора Пшехоцкого вынести обвиняємым смертный приговор защитник Ганкевич, обращаючися к трибуналу, сказал: “Судите их убийте и вернувшися, домів росскажте свойому народу, што лемкы хотіли мати тото, што полякы уж мают”.

В послідном слові д-р Качмарчик заявил: “Мы николи не перестанеме считати себе частью Руси. Сознание идеи єдинства с братьями на Востоку, было, єсть и будет у лемков содержанием народной душы”.

Образование “Русской Народной Республикы Лемков” и стремлением воссоєдинения с Советском Россиом был подведен итог многовікового стремления лемков к воссоєдинению с єдинокровными братьями на Востоку.

Лемкы гордятся тым историчным фактом, што у родника Великого Октября были рядом с русским братом.

Подводя итоги существования “Русской Народной Республикы Лемков” Андрей Квилецкий в статьи “Фрагменты новійшой истории лемков”, напечатанной в VIII томі Польского историчного Общества, 1967 год издания, на стр. 257 пише:

“Хотя взгляды не всіх лидеров совпадали “Русску Народну Республику Лемков” цінити треба як перве проявление воли лемков к объєдинению и рішенню свойой судьбы. Тото движение мало ясну политичну платформу — нежелание воссоєдинения с буржуазном Польшом, объєдинение всіх лемков по бох сторонах Карпат, классово было селянским, бо организовало “Сельскы народны рады”, выражало солидарность с Великом Октябрьском социалистичном революциом”.

Вірность идеям Октября и єдинству с єдинокровными братьями на Востоку лемкы доказали в борьбі с буржуазном панской Польши, фашистскими оккупантами и их вірными слугами украинскыми буржуазными националистами.

Хотя не сбылася вікова мечта лемков, но зарево свободы запалене 50 літ назад освіщало им путь к свободі.


П. КОГУТОВ



[BACK]