Наш Головный Уряд Лемко-Союза

TimkoFetsitza
ТИМКО ФЕЦІЦА,
Головный Предсідатель Лемко-Союза

Тимко Феціца, рожденый в Америкі. С краю до Америки приіхал в 1935 року, так што отділы Лемко-Союза в Юикерс уж были организованы передовыма лемками в Юнкерс, а то сут уж теперь покойникы, як Иван Малютич, Владимир Гончарик, Григорий Лукачин, Петро Данюсяр и Теодор Глюз. Жиют ищы меже нами, котры много потрудилися в пользу нашых народных организаций, а то сут: братья Дионизий и Томко Шосты, Иван Гаран, Николай Вашенко (Николаю Вашенко прошлого року сполнилося 97 роков), Теодор Пыртей и братья Игнатий и Данько Дурнякы, Григорий Крутила, Иван Теличка, Иван Чачо, Иван Турко, Михаил Сосенко и много другых, як Петро Корба, котрый занимал уряды, як в отділі за предсідателя, так и в КРА Центрі; Петро Петришин, котрый тоже занимал уряды в отділі Лемко-Союза, так само и в КРА Центрі и являтся тростистом КРА Центра через довгы рокы. Як тоже братья Гнат и Данько Дурнякы занимали свого часу ріжны уряды, як в отділі, так и в Центрі. Михаил Сосенко был выбраный урядником як до отділа так и до Центра.

Треба вспомнути о пок. Иван Лабаш, котрый много потрудился в нашых организаций и так само занимав уряды. А с початком организации, то не была легка робота, як при Лемко-Союзі, так само и при Карпаторусском Американском Центрі, но он николи не отказувался помагати свойой организации, котру он щиро любил. Анна Лабаш, (теперь Кунцик), жена покойного Ивана Лабаша, все была на помочы свому пок. мужу, а теперь єст на помочы другому свому мужу Ивану Кунцику, где обоє заберают в организации живу участ, насколько позволяют их силы.

Треба бы было сказати дашто за Илью и Анну Лизак, бо тоты люде от самого початку трудятся в свойой организации. Не будеме подробно входити, но скажеме, што ніт такого рока в организации, где бы єдно або друге не заберали уряды в нашых организациях, як в Лемко-Союзі, так само и в Карпаторуссоком Центрі. Илья Лизак и теперь являтся членом Финансовой Комиссии в Карпаторусском Ам. Центрі.

Треба тоже сказати пару добрыми словами за Даниила Журав, котрый был выбраный предсідательом Карпаторусского Центра на много разов, а тоже головным предсідательом Лемко-Союза, а сегодня он єст предсідательом отділа Лемко-Союза ч. 28 в Юнкерс, Н. Й.

Тимко Феціца ище в молоденькых роках стає членом отділа и бере активну участь в народной роботі; стає членом Хора и Театрального Кружка. Быв выбраный Финансовым Секретарьом отділа ч. 28 Лемко-Союза, на котром посту послужил пару роков. Позднійше был выбраный и предсідательом отділа Лемко-Союза; быв выбраный финансовым секретарьом Хора и Театрального Кружка. Но в 1941 року быв покликаный до американской армии, где прослужил 2 рокы на африканском фронті. Послі повернения з армии был выбраный предсідательом отділа ч. 28, на котром посту послужил довгы рокы, а то на три разы с перервом.

Зараз на початку, коли начала будоватися будова Карпаторусского Американского Центра Тимко только што с краю пришов, стає в першых днях членом КРА Центра, а в пізнійшых роках быв выбраный финансовым, секретарьом КРА Центра, на котром посту прослужив 8 роков. Члены отділа много раз выберают його делегатом на голодны съізды Лемко-Союза. Свого часу быв выбраный, Головнным Генеральрым Секретарьом Лемко-Союза, як тоже быв выбраный пізнійше Менажером типографии Лемко-Союза. Єст кассиром Первого Округа Лемко-Союза, тоже єст выбраный членом финансовой комиссии в КРА Центрі, так само єст кассиром Лемко-Релифа и являтся руководительом театрального кружка, котрый истнує по сегодня.

На послідном Головном Съізді Лемко-Союза, який состоялся при конци августа и на початках сентября місяца в Юнкерс, Н. Й., Тимко Феціца был бывраны Съіздом Головным Предсідательом Лемко-Союза.





OlgaEdinak
ОЛЬГА ЄДИНАК,
Гол. Містопредсідателька Л. С.

Ольга Єдинак, зараз, коли лем быв организованый женский отділ в Юнкерс ч. 4 — стає членкиньом того отділа, ище в дуже молодых роках; и по приміру свого мужа Петра, котрый уж теперь покойный, и котрый быв дуже активным тружеником нашык организаций, в якых занимав уряды як в отділі ч. 28, так и в Карпаторусском Ам. Центрі, быв членами выбераный за предсідателя и сполнял другы должности в организации, — Олыа бере дуже активну участь в женском отділі, стає членкиньом Хора и членкиньом Театрального Кружка, в котром она бере участь и теперь, коли лем потреба вымагат.

И при помочы передовых членкинь, уж теперь покойной Юлии Вашенко, и котры ищы сут з нами, як Йоанна Пыртей, Евгения Крутила, Юстина Жидяк, Анна Фусяк, Анастасия Глюз, Мария Цисляк, Анна Новак, яка свого часу послужила за рекордову секретарку в женском отділі за 12 років, Мария Грабский, котра єст финансовом секретарком жен. отділа ч. 4 и финансовом секретарком КРА Центра. Покойный єй муж Андрей Грабский, от самого початку нашых организаций брал дуже активну участь во всіх организациях. Быв выбраный членами делегатом на съізд Л. С. Як тоже быв предсідатедьом отділа Л. С, ч. 28 по пару років. Был выбраный кассиром в КРА Центрі, контроллером в Лемко-Союзі, рекордовым секретарьом в Гол. Правлению Л. С. Занимал много другых урядів в нашых организациях. Ольа Єдинак все им была на помочы. Была она выберана членкинями предсідательком женского отділа по кілька раз с перервом. Была выберана делегатком на головным съізды Лемко-Союза. Як тоже на съіздах была выберана делегатами Головном Містопредсідательком Лемко-Союза несколько раз. На послідньом 25-ом Голонвом Съізді в Юнкерс была выбрана знова Головном Містопредсідательком Лемко-Союза, як тоже уж по другий раз єст выбрана за заступця Уряда в КРА Центрі.





MaximNovak
МАКСИМ НОВАК,
Гол. Рек. Секретарь Л. С.

Максим Новак от самого початку, коли быв организованый отділ Лемко-Союа ч. 28 в Юнкерс, Н. Й. стає активным членом того отділа, и в тот час, коли был организованый Хор и Театральный Кружок при отділах Лемко-Союза, уж теперь покойным любительом хора и театральной штукы Иваном Малютичом, Максим стає членом Хора и Кружка и зараз выбраный был постоянным организатором Хора и Кружка, в котром было 40 членов. Он быв выбраный предсідательом Хора, и Театрального Кружка, бо в тот час хор и кружок мал постоянный комитет.

Дальше Максим Новак занимат должность рекордового, секретаря в отділі ч. 28, як тоже пізнійше кассир, а так само свого часу контролера. Так само быв выбраный членами Карпаторусского Ам. Центра кассиром в протягу 5 років. И лем прошлого року в дуже критичный час занимат он должность финансового секретаря Карпаторусского Центра и при помочы енергичных членов Комитета, як предсідателя Ивана Волашиновского и кассира Ивана Феціцы дало ся им тоты трудности побідити. Он быв выбраный членами, отділа Л. С. ч. 28 делегатам на съізд, а на съізді был выбраный Головным Рек. Секретарьом Л. Союза. Так само занимат уряд в КРА Центрі, яко Тростиста в протягу долгых літ. Як тоже на послідном Головном Съізді был выбраный Финансовым Секретарьом Лемко-Релифа. 





JohnAdamiak
ИВАН К. АДАМЯК,
Гол. Ген. Секретарь Л. С.

Иван К. Адамяк родился в Соєдиненных Штатах. Прожил свои молоды рокы в селі Брунары на Лемковині. Там кончил сельскы школы, а в Америкі учащал в американской школі и кончил ріжны техничны курсы, где своими способностями стался передовым бизнесменом. В организацийной роботі выпрактикованый уж зо самых молодых літ не лем в Лемко-Союзі, але и в другых нашых русскых организациях и американскых организациях. Головным Предсідательом Лемко-Союза был выбраный на штырі разы, як тоже кассиром, он занимал и иншы посты. Сегодня он являтся предсідательом Лемко-Релифа, урядником бруклинского отділя Л. С. и активно робит в организации Общества Русскых Братств. Веде широку писемну связь с нашыма учеными в Старом Краю и на каждом кроку бореся за нашы национальны права и благо нашой организации. Любит новы полезны идеи для нашой организации, с котрыма сам часто выходит або поддержує иншых.

В 1965 року Иван К. Адамяк успішно провадил туристичну группу Лемко-Союза в Совітский Союз и Польшу.

На послідньом Головнбм Съізді Лемко-Союза, який отбылся в Юнкерс, Н. И., при конци сентября місяца минувшого року, Иван К. Адамяк был выбраный Головным Генеральным Секретарьом Лемко-Союза.





MatveyMadzik
МАТВІЙ МАДЗІК,
Головный Кассир Л. С.

Матвій Мадзік родился в селі Бортне, Горлицкого повіта, на Лемковині. Там він пережил свои молоды рокы и тяжкы воєнны часы. А коли пришли русскы войска, то зарас вступил молодым хлопцьом до Русской Армии, так як и всі його товаришы. Гдекотры больше уж не повернулися, отдали своє молоде житья за свободу карпаторусского народа. Коли война ся закончила, то повернулся Матвій Мадзік здоровый до своих родичей, но не долго тішился своима родныма горами Карпатами и своим селом бо 17 червня (июня) 1947 року наступило примусове выселение з нашых родных сел, з нашых гор Карпат, и знова в Освєнцмі был арештованый и пересідил 9 місяцей в лягрі Явожном. Коли наступило звільнение невинных людей, то он повернулся знов до своих родичей, але уж на понімецкы землі до села Зимна Вода, повіт Любин Легницкий, воєбудство Вроцлав, и там по пару роках запознался зо свойом селянком Мартом Завідняк, с котром повінчался в 1951 року и там они жили до 1961 року, а в 1961 року 17-го мая приіхали ту до Америкы. Фамелия у них невелика: хлопец Иван и дівча Мария. Тут они жиют спокойно и мирно и тримаются своих людей.

Матвій Мадзік вступил сейчас в члены отділа Лемко-Союза ч. 29 в Ансонии. Уж на Головный 24-ый Съізд Лемко-Союза він быв выбраный делегатом. На слідуючом 25-ом съізді Лемко-Союза, який отбылся в Юнкерс, Н. Й., при конці місяца августа 1969 року, Матвій Мадзік не лем же был выбраный секретарем съізда, но тоже Головным Кассиром Лемко-Союза.





JohnSemanitzky
ИВАН СЕМАНИЦКИЙ,
Гол. Контроллер Лемко-Союза.

Иван Семаницкий родился в Дерби, Конн., 21 января 1917. Його родиче походили зо села Панкной, Горлицкого повіта. Он женился зо свойом лемкиньом, Юлиом Гайдош. Єй родиче походили зо села Маластов, тоже Горлицкий повіт. Они обоє мают єдну дочку, яка изучила русский язык, и уже 3 разы побывала в России на наукі, 2 разы с того в Ленинградском Университеті.

Иван Семаницкий з малодых літ брав участь в Лемко-Союзі и от самых молодых літ, належав до Лемко-Союза, то єст до молодежногo отділа, а так само и його жена належит до Лемко-Союза.

Иван Семаницкий выслужил в американской армии 4 и пів рока. 2 рокы с того был а Европі. В притном бизнесі мал свій, як ту у нас в Америкі называют, “Джювлер стор”, то значит, же продавал и направлял зыгаркы и другы прикрасуючы людей річы. Но теперь он уж вышол на пенсию. Єст кассиром отділа Лемко-Союза в Ансонии, Конн.:

Иван Семаницкий не лем же был выбраный делегатом на 25-й головный съізд Л. С., но потом на съізді был выбраный до президии съізда, где свою ролю сполнил первоклассно.

На съізді Ивана Семаницкого тоже выбрано за головного конролера Лемко-Союза.





JohnCherhoniak
ИВАН ЧЕРГОНЯК, Мол.,
Менажер Лемко-Союза.




[BACK]