Человік Крочыл на Місяц — Н. А. Цисляк

Минувшого 1969 року совершылося чудо людского розума, от того дня, коли наш прародич Адам выплющил очы — человік Землі крочыл свойом ногом на Місяц або чысто по русскы на Лунну. Такого чуда ищы на світі не было. Помимо того, што то громаднійше чудо невіроятне, оно было выложене ищы около сто роков тому назад русскым пророком — ученым Константином Е. Циолковскым. Яко выдающийся асторном тогдашных часов Циолковский предсказал такы пророчы слова: “Люде на все на Земли не будут. Они вынайдут ракету, при помочы котрой продвигнутся в пространство, станут на Луну и открыют собі коммуникацию к другым небесным тілам, котры дотепер мы называме звіздочками.”

Тоты слова ученого русского человіка записаны в новозавітны научны книгы и они до сто роков началися исполняти. Слідуючи вперто за указаниями Циолковского, не кто другый, а русскы люде отворили двері в пространство, коли они дня 4 октября 1957 запустили в пространство свой первый спутник (смотте калндарь Л. С. на 1958 рок).

Пробудженні русскым спутником Соєдинены Штаты Америкы закотили рукавы и яко найбогатша краина світа до десят роков послала к Луні першых трьох людей астронавтов: Пиля Армстронга, Михаила Колинса и Едвина Олдрина, послала крочыти на Луну, сусідне Землі не бесне тіло, на котром “ищы николи не была людска нога”. Они крочыли на Місяц, с котрого увиділи их родну мать планету Землю и оглянувши Місяц счастливо повернули на Землю, где их родны и любопытны миллиарды всіх национальностей и рас их сограждане Землі.

Привітствуючи астронавтов Президент Соєдиненных Штатов Ричард Никсон сказал навікы важных пару слов: Єден малий крок человіка на Луну єст громаднійшым кроком в истории человічества.

Для людей несвязаных близко с тым важным событием єст ровнодушно, што там было, а што не было. Для тых, што сут ближе связаны с подобными програмами єст ровнодушно сідати на самольот або на ракету в пространство подобно, як сідати на свой автомобиль або газдови сідати на воз. Астронавты привыкли до своих спутников летіти в пространство, но Нилю Армстронгу треба было мати сильне сердце зыйти першому з мобеля ЛЕМ и спустити ногом на незнаный грунт, на котром не было человеческой ногы николи перед тым за остатных пару миллиардов роков ани перед тым.


astronauts

Американскы космонавты, котры были на Місяцу

Жыеме в дуже интересны и важны часы, якы не пережывало ищы жадне людске поколіня и должны зме тішытися и быти рады с того. Наше потомство на земли буде нам завидувати. Нашы поколіния будут прочитувати научно завітны книгы, як то пришло до того, кто то до того допровадил, якым способом то сталося. Єсли бы днеска непечаталися жадны книгы, то тоты подіи были бы втягнены до Быблии, яко великы чудеса.

Сут люде уж днеска, котры застанавляются над тым, ци не час начати рахунок роков от початку той междупланетной еры. Будут напевно порбувати окончыти християнске чысление даты послі окончения 2 тысяч літ. На то будут напевно вшыткы согласны, бо за тот час пространственны программы посунутся далеко вперед, о котрых людям днеска ищы не сниєся. Будут може лем суперечатися, отколи начати дату нового календарочисления, от першого русского спутника 4 октября 1957, ци от першого ступляя людской ногы на Місяц 18 июля 1969 року. Важнійша дата побідит.

Заходят ищы неясны вопросы: єсли русскы пустили первый спутник в орбиту и так много от того часу провели ріжного рода проб в пространстві, чом они не ступили першы на Місяц? Даколи тото буде выявлено, бо напевно американці в злость русскым не зробили. Лем пару тыждней перед установленым полетом на Місяц, головный завідуючий американском программом Ван Бравн посітил совітскы місцевости запуска ракет. Там його не лем пустили, але и сердечно привітс??? вали, а потом пожелали счастливого полету на Луну и повороту ??? Землю. Послі того газеты в Совітском Союзі привітствовали успіх и ??? містили фотографии першых геройов Луны на своих странихах. Наша фотография взята не з американекых, а з русскых газет. Причина того може сягнути дальше, як лем знак приязни меже тыми двома державами. Хоц секрет не выявленый, але можна його по дозрівати. Русскы учены як раз в тот час розвязували далеко важнійшу проблему, як вступление на Луну.

Мы не чули того ани по радио, ани нен виділи зме новины в американескых громадных газетах призначеных для звычайной публикы, але журналы для важнійшых людей, котры требуют мати информации на часі с такых дат, як половина сентября 1969 року, подали заявление “Русска водородна бомба освоєна для мирных цілей”,

О водородной бомбі мы чули давно, што она має дуже; страшнійшу силу от атомной бомбы. Пригатити водородну силу служыти мирным цілям, то значыт внести революцию в дотеперішный світ, а за даякий час полеты астронавтов лем к Місяцу будут ничым в поровнанию полетав на дальшы и громаднійшы по свойой великости планеты.

То не русскы, а американці в своих информацийных журналах поясняют так: “Совітскы учены завершыли историчный прогресс в присвоєнию водородной силы для мирных цілей. Они з водородной бомбы достанут барже безкоштовне жерело електричной силы. Мы в Америці порозуміли то так, што русскы завершат свою роботу в 5 або 6 ро???. То буде громаднійшого значения новый подвиг в истории человічества. Тым можна буде контролювати цілый світ, бо приміром єден гальльон звычайной воды має больше в собі сили, як 300 гальонов газолины.


first man on moon

Мы проминеме ту трудны до зрозумления термины, як и што, но при той контроли и ужитку водороду можна буде выручыти тилько енергии, тепла, світла, потягу, што не заступит тоту силу хоц бы спалил вшытко угля, яке находится в Земской кули. Коли люде получат в свои рукы таку громадну силу, цілый світ мусит реформувати свои системы, штобы вшыткы могли корыстати с той силы, яку такым коштом можна получыти. Маючи в руках таку силу, люде зможут подорожувати в далекы пространства о много быстрійше с далеко меньшым коштом в поровнанию до днешных часов. Сподіючися великых подвигов русскы не позаздростили американцям летіти першым на Луну и получыти признание цілого світа, бо перегоны в пространство не закончены — им лем початок.


Н. А. Цисляк




[BACK]