Родна Демковино, John Cherhoniak
Лемковино, земле моя,
Мати моя родна,
Чого-ж Тебе так знищили —
Што Ты кому винна?...

Былас тиха и спокойна,
През долгы столітия,
Аж незнана нам сила —
Заграбила Твоє житья.

То неправда, же Ты вмерла,
Родна Лемковино...
Ты як жила, так и будеш,
Бо Ты была справедлива...

Лем вы, діти, памятайте,
Же вы матер мате,
И як кажжде добре дітья —
О єй здравья дбайте.

А и сами ся шануйте,
Як близка родина,
Бо лем тот спасе нас,
Коли ест зла година.


иван ЧЕРГОНЯК, мол.



[BACK]