Akila Barna, Померла Акилия Барна — Грегорий Крестинич
Кливланд, Огайо.

В середу 7-го октября 1969 года, по долгой болізни на 75-том року жизни, упокоилася в Дикныс Госпиталю наша возлюблена и высоко поважана членкиня, долголітна предсідателька женского отділа Л. С. ч. 1 в Кливланді — Акиля Варна. Покойна Акиля родилася 19-го июня 1894 в селі Кункові, Горлицкого повіта, на Лемковині, в Галичині в родині Дідиків. Належала до старой ємиграции. Приіхала до місточка Виллмантик, Конн., где познайомилася з школьной лавкы хлопцьом. Вышла за муж за єдноселъчана Лукача Барну в 1914 року. Свадьба отбылася в місточку Виллимантик, Конн., а так по свадьбі переселилися до майнерского района в Огайо шатті, до Вулфрон, Огайо, где прожили 13 літ до 1927 року. Переселилися до города Кливланд, Огайо, где прожили разом 23 літа, а в году 1950 8-го января єй муж Лукач Варна помер, а пок. Акрля остала вдова.


Akila Barna
Пок. Акилия Барна

В свойой жизни обоє супругы жили в згоді и любві, за што были обдаруваны трьома дочками: Мария, Анна и Юлия, котры были выхованы в духу религийном и в духу лемковском. Кажда из них говорит досконало, по лемковскы, пише и читат. Покойна Акиля была енергична и любителька свойой народной организации Л. С., котру не забывала до посліднього воздыха свойой жизни. Будучи предсідательком, завсе старалася тримати порядок в отділі и тримати членкині вкупі. Котра членкиня не уплатила членске, то сама она за ню заплатила, незважаючи на то ци єй верне, ци н т. але не хотіла стратити членкинню. А што до предприятий то покойна Акиля за свого предсідательства завше старалася о 4 предприятия в року.

По смерти Акилі Барна перебрала предсідательство в отділі женском Л. С. Текля Дзямба, містопредсідателька, до рочного митинга. Єст, Надія, што Текля Дзямба буде выбрана предсідательком женского отділа на годичном собранию и поведе женский отділ в полном порядку по системі покойной Акилі.

Похорон отбылся 11-го октября 1969 г. при множестві свого и чужого народа, з русской православной церкви св. Михаила на Юнион евню. Погребове сочинение совершил о. прот. Владимир Прислопский. Тіло покойной передано матери земли на Ривер-Сайд Сементари, обок єй пок. мужа Лукача, котрый отошол от нас 20 літ тому назад.

Покойка Акиля за молодых літ была дуже енергична женщина и любила погуляти, поспівати, брала участь в представлениях, належала до лемковского народного хору, як она звыкло говорила, “где люде, там и я”, и то єст истинна правда. Она была щыра про организацию, офірувала на всьо и на церковь, и на народны ціли, и была хороша христианка. Тоже принадлежала до организации ОРБ.

Треба ищы упомянути, што Акиля Варна не лем была предсідательком женского отділа Л. С. в роках од 1934 до 1969 (35 літ), но она часто іздила на головны съізды Л. С, за делегатку. Праві на каждом съізді была выберана на даякий уряд, як не до президии съізда, то в даякы другы комиссии съізда где она то точно выполняла. Глубоко и сердечно любила свой поневоленый лемковский народ. Жаль єй было што з нашым народом на родной землі так нечестно поступила, што його розбили в дробезны и роскинули його по цілом світі, як даякого найвекшого грішника.

Жалуют за покойном єй дочкы, зятьове, внучата, котрых она так пистувала и любила. Та и мы члены и члевкини Лемко-Союза и члены ОРБ по утраті нашой любимой членкині прилучамеся до родинной жалобы и клониме низко свои головы праху єй.

Вічная єй память!


* *
*

Кромі дочок, зятьов, внуков з близкой родины оставила пок. Акилия Варна тоже дві сестры, а то Юлию и Стефанию, котры жыют в Старом Краю. Єдна з сестер лем рок перед смертьом пок. А. Варна была на одвидины в Америкі, з чого покойна была дуже задоволена.


Грегорий Крестинич.



[BACK]