Профессор Варшавского Университета В. Мацієвский в свойом труді под заглавием “Пєрвотне Дзєє Польскі і літератури, Варшава 1846” старался доказати, што лемкы не сут автохтонами на свойой земли, а польскыми осадниками, котрым король Казимир Великий позволил поселитися на польских землях. В отвіт на тото о. МИХАИЛ КРЫНИЦКИЙ парох Тылича на основі собраного исторического материала, доказал польскому ученому, што он єст в блуді, бо Лемкы сут автохтонами на свойой родной земли. Труд о. Крыницкого носит заглавие “Историческое состояние Намісничества Мушынского в взгляді физично-политычно-религийном от основания 51 существующих ту чысто русскых сел и городков Мушына и Тылич”. Смотри Отечественный Зборник Зборовского, Віна 185З.

Русскы историкы Греков, Ключевский, Шехматов, Рыбаков, Прежняков и много другых стоят твердо на становиску, што отчыном нашых предков Пред-Славян было Прикарпатья и Карпаты, то єст наша Лемковина... Теория русскых историков и днес не подабатся дакотрым польскым историкам, але правду до мішка не вложыш. З Прикарпатья и з Карпат посунулася часть того народа на восток, юг и сівер. Часть дойшла до нынішного Києва и там дала початок Києвскому Княжеству. Колыском Руси єст Прикарпатье и Карпаты. Прикарпатскы славяне т. є. Лемкы приняли віру Христову на 200 літ скорше от Києвской Руси, от славянскых Апостолов, учеников св. Методия, а не виключене єст, же ище за жытя св. Методия, котрый помер в року 885. Окрещене Прикарпатья мало влияние на Києвску Русь в напрямі принятия віры Христовой. Києвска Русь дарит Прикарпатье “Русью”, то значит назва национальна Русь переходит тоже на прикарпатскых славян, влученых через Владимира В. до Києвской Руси.