В Память Мого Покойного Мужа Ивана А. Юрковского
John A. Yurkovsky
Пок. Иван А. Юрковский

Дня 20-го января 1967 року в шпыталю, послі продолжительной болізни, помер Иван А. Юрковский, проживший 80 літ и 4 дны. В тот сам день тіло помершого было передане до нашого русского похоронного заведения Ивана Сенька в Бруклині, Н. Й., бо таке было желание покойного.

В четверг 21 января, митрополитом протоиєрейом Патриаршого св. Николаєвского собора, 15 Ист — 97 ул. в Нью Йорку, был отслуженый парастас, а прощальным словом до присутных фамелий, родины, знакомых и членов Лемко-Союза ч. 10 в Нью Йорку, котры пришли отдати послідну услугу так, як мы находимеся членами того отділа на горі міста Нью Йорка.

Послі того тіло покойного было перевезене до Русской Православной Церкви св. Йоанна Крестителя в Мейфильд, Па., где была отслужена заупокойна литургия. Чин погребения совершил уважаемый душпастыр лемко американского роду прот. Димитрий Решетарь, при чом и он сказал прощальне слово народно сознательного сына Лемковины и поблагодарил всіх присутных за так громадне участие в похороні. Послі прощания тіло покойного было перевезене на містне кладбище на вічный отпочинок на фамилийном участку, котрый собі сам покойный выбрал, як мы жили даколи в Мейфилд, Па.

Послі похорону всі присутны были запрошены на прощальну закуску до ресторану нашого русского молодого властителя Ивана П. Серняка, сына нашого кума.

В похороні брали участь братчики св. Йоанна Крестителя братства, котрого покойный был долголітным членом. Был он тоже членом Общества Взаимопомощы в Вилкес Барре, Па., и долголітным секретарьом його отділа в Нью Йорку.

Покойний оставил жену Єву, двох сынов, Андрея в Джерзи Сити, Н. Дж., Петра зо женом Антониом в Миллфорд, Конн.; дві дочкы: Мейму с мужом Петро Вельско в Минеола Л. Ай., Н. Й. и Леону с мужом Николайом Выслоцкым в Вудсайд Л. Ай., Н. Й.; 13 внуков и 4 правнуков. Два внукы служат в воздушном флоті: Петро єст в Тайленд, а Павел в Гуам.

На похорон стрыка прилетіли аеропланом из Ми кис-Рокс, Па.: Николай Мих. Юрковский, жебы отдати услугу стрыкови. Пришли так само діти по сестрі Юстины из Бронкс, Даниил с фамелийом Стамиши зо Сингак, Н. Дж. Племяниця Мария Юрковска-Клянско из Кларкс, Н. Дж. и Меифилд, Па., діти родины Стефана Серняка из Годсон, Па., діти родины Василя Пеляка из Сингак, Н. Дж., родина Телепы, Павлякы, нашы сватове Вислоцкы из Меннвилл, Н. Дж. Може кто проминеный, прошу пребачити. Дякуєме за так велику память всім, родині и знаємым, котры дали на службы Божы, на квітя и прислали свои автомобили, штобы увеличити похорон. За всі услугы півчим, што украсили послідну услугу своим присутствием.

Покойный Иван родился в селі Перегримка, на Лемковині, 16 января, 1887 року, от родичей Андрея и Евы Сеньо. До Америкы достался молодым хлопцьом в 1903 року, до родного брата, до Мейфилд, Па. Достал роботу на “бpexy” где чыстили угля. По даяком часі, при помочы родины начал робити в мебльовом шторі в місточку Олифант, Па.

Женился в 1913 року в Мейфилд с молодом дівчином Євом с роду Данило. Выховали четверо дітей, двох сынов и дві дочкы. Был он добрым мужом для свойой жены и любимым отцом для своих дітей. Старался абы, як найлучше их выховати и дати высшу школу, яку собі сами выбрали. Прожыл 28 роков в штаті Нью Йорк. Працувал в Монтефело шпыталю в Бронкс, яко елевейтор оператор. Послідных 10 роков робил в Соншайн Бискет Ко., в Лонг Айленд Сити, яко стейшенери инженер, где и вышол на пенсию, 15 роков тому назад.

Покойному най буде американска земля легка на вічны вікы.


Засмучена вдова
Єва Данило-Юрковска и діти
Лонг Айленд Сити, Н.Й.



[BACK]