Як Провадилася Друга Світова Война — А. Г.

Политична мала світа установлена по першой світовой войні на подставі трактату версальского не дала спокою в Европі гитлеровскым німцям и фашистской Италии, а на далеком всході Японии.

В 1931 р. Япония заняла Манчжурию, а в 1937 р. начала войну с Китайом.

Италия в 1935 р. напала на Абисинию, а в 1939 р. на Альбанию.

Німці в марті 1938 р. прилучили до Германии Австрию, в октябрью Судеты Чешскы, а в марті 1939 р. решту чешскых земель и створили незалежну от чехов Словакию.

1-го вересня 1939 р, німцы вдарили на Польшу и выкликали другу світову войну.

Перебіг войны

1939 р. — Сентябрь. Німецкы войска заатакували 1. IX Польшу и в протягу 3 тыждней завоювали єй территорию.

3. IX. Англия и Франция выповіли войку німцам.

17. IX. совітскы войска вступили на территорию Галичины (або Западной Украины) и Бiлоруссии.

30. XI. конфликт совітско-финский допровадил до войны законченой 12. III. 1940 р. побідом СССР.

1940 рок

9. ІV. Німцы заатакували Данию и Норвегию, 10, V. перешли границы нейтральной Бельгии, Голландии и Люксембурга и роспочали офензиву против Франции. Того же дня Италия приступила до войны по стороні Германии. 21. V. Німецкы войска окружили в районі Дункеркі значительны силы английскы и французскы, с котрых около 350 тысяч вояков евакувалося до Англии.

22. VI. скапитулювала Франция.

Август—сентябрь. Планована німцами воздушна инвазия на бритийскы островы и так звана битва за Велику Британию закончилася поражением німецкой авиации. В полночной Африкі итальянскы войска 13. IX роспочали офензиву из Либии на Египет.

В августi Литва, Латвия и Естония ввошли в склад СССР.

Октябрь—Декабрь. — На Балканах итальянскы войска 28.Х ударили с Альбании на Грецию. В Египті британскы войска 8.ХІІ перешли в контрофензиву против итальянскых войск.

1941 рок

В полночной Африкі британскы войска до 8. II. выперли итальянцов из Египта и Цинерайкы. В Триполитании высадился експедицийный німецкий корпус генерала Роммля, який до 15. V. побідил бритийскы войска в Либии и подышол до заходньой границы Египта. 6. IV німецкы войска наступили на Югославию и Грецию и оккуповали оба тоты краи. 23—30 V. воздушный десант німецкых войск здобыл остров Крету.

22. VI. німцы несподівано напали на СССР.

Выкорыстуючы заскочение и перевагу, німецкы войска подошли в ноябрью до Ленинграду, Москвы и Ростова.

22. VII на Далеком всході японскы войска вдерлися до Индии.

6. XII совітскы войска, защищаючи Москву, перешли в контрофензиву.

7. XII на Далеком всході японскы войска заатакували американску базу морску Перл Гарбор и ударили на Индонезию и Малаи.

11. XII Германия и Италия выповіли войну США.

1942 рок

Совітскы войска отсунули німецкы войска о 40 км. на заход от Москвы. В январю в Полночной Африкі німецко-итальянскы войска удержали британску офензиву под Ел Агейла и 21. I перешли в контрофензиву и в протягу кількох місяцов дошли до Ел Аламейн (на заход от Александрии). 15. II на Далеком всході японцы заняли Сингапур, Филипины, Гол. Индию и Бирму.

28. VI на фронті совітско-німецком німцы роспочали нову офензиву в напрямі полуднево-всходньом, 15. VII вышли над ріку Дон, 9. VIII взяли Краснодар и Майком, а 1. IX подошли до Сталинграда (Волгограда).

Октябрь. В полночной Африкі британскы войска в районі Ел Аламейн примусіли войска німецкы и итальянскы до выцофанияся.

8. XI американскы и английскы войска высадилися в Мароку и Альберии.

19. XI. совітскы войска перешли до контрофензивы под Сталинградом и оточили около 300 тысяч німецкых войск.

1943 рок

8. I. — 2. II окружены под Сталинградом німецкы войска розбиты. Совітскы войска перешли в офензиву на фронті от Воронежа до Кавказа.

Январь — Май.

В Полночной Африкі войска американскы и бритийскы перевели офензиву з Египта и Альджерии на Тунис, 13. V. скапитулювали остатны отділы войск німецко-итальянскых в Полночной Африкі.

Июль—Декабрь.

Начавшася под Курском 12. VII офензива войск совітскых откинула німецкы войска за ріку Дніпр.

10. VII на Сицилии высаджено войска американскобританскы.

25. VII упал режим Муссолини. 8. IX Италия скапитулювала перед американцями и бритийцами. Німцы оккупували Апенинский полуостров.

Сентябрь — Ноябрь.

Союзны войска высадилися на полудневом побережу Италии. В листопаді німецкы войска втримали офензиву союзных войск в Италии на так званой линии Густава, якой ключову позицию становило Моцте-Кассино.

1044. Январь—Август.

Совітскы войска откидали колейными операциями німецкы войска с территории СССР: с под Ленинграда и В. Новгорода в январью и февралю, с Украины всходньой в марті, из Крыма в апрілю, с Карелии в червню и липню, из Бiлоросии, Украины Заходньой, из полуднево в июнью и июлю, из Білороссии, Украины Западной, из полуднево-всходньой Польшы и из района Ясс и Кишиньева в июню до августа. (21. VII на вызволеных землях Польшы утворено ПКВН (Польский Комитет Вызволения Народного). (1. VIII выбухло повстание варшавске, а 29. VIII повстание словацке. 23. VIII в Румынии, а 9. IX в Болгарии завершено перевороту антинімецкого и выповіджено войну німцам.

Май—Июль.

В Италии, по переломанию войсками союзниками линии Густава (II польский корпус 18. V здобыл Монте Кассино), вызволено 4. VI Рим, а в июлю Флоренцию.

6. VI союзны войска высадилися в Норвегии, 15. VIII в Полудневой Франции в районі Тульона и Ницеи. В заходньой Европі створено другий фронт. В серпню вызволено Париж и Лион, в вересню Бруксель и осягнено границю французско-німецку под Аквизграном.

Сентябрь—Декабрь.

Совітскы войска вызволили Естонию, часть Литвы и Латвии и крочили на Угры. 19. IX. Финляндия подписала с СССР мирный договор. 28. XII Угры (Мадьярия) выповіли войну німцям.

16. XII подняту контрофензиву німецкых войск в Арденах стримали сполучены войска в конци декабря. На Тихом Океані (Пацифику) союзны войска вызволили меже иншым островы Маршалла, Бирму и островы Марияны.

1945 рок.

12. I. совітскы войска подняли так звану зимову офензиву, яка примусіла німцов к отступлению из Восточной Пруссии, Польшы (17.1. вызволено Варшаву при помочи I армии и польского войска) из Поморя — над ріку Одру.

16. ІII. по Неудачной контрофензивы німецкых войск над озером Балатом в Мадьярии совітскы войска заатакували на Мадьярии німцов и в апрілю перекрочили границю Чехословакии и Австрии.

20. II союзны войска на заході продолжуючи офензиву, оперлися о ріку Райн и 23. III по сфорсуванию го рушили в керунку всходньом.

5. IV. СССР выповіл Японии пакт о неагрессии.

16. IV СССР початок берлинской операции совітскых войск.

24. IV союзны войска вышли над ріку Лабу в Германии.

25. IV в районі Торгау встрітилися союзны и совітскы войска.

29. IV союзны войска наступали в Италии и вышли над итальянско-швайцарску границю.

2. V. совітскы войска здобыли Берлин.

9. V. німці подписали акт капитуляции и тым самым в Европі война закончилася.

6. VIII американскы летчикы шмарили першу атомну бомбу на Гирошиму, а 8. VIII другу на Нагасаки.

9. VII СССР выповіл войну Японии.

В часі от 9 до 19 VIII совітскы войска зликвидували так звану армию квантунску и возволили Сахалин, Курильскы островы и полночну Корею.

11. VIII Народна Китайска Армия начала генеральну офензиву на Японию.

2. IX Япония подписала акт капитуляции.

Друга Світова Война тяглася 6 літ и закончилася цілковитым поражением блока Германии, Италии и Японии.

В войні брало участь 60 держав, числимых понад 1,700,000.000 жителей. До войска было змоболизовано около 110,000.00 людей. В часі войны згинуло около 30 миллионов людей. Загальне число забитых, раненых и пропавшых без вісти выносит 45 до 50 миллионов народа.

Материальны страты были 4 раз большы чым в Першой Світовой Войні.

По Другой Світовой Войні социалистичными державами сталися: Польша, Чехословакия, Венгрия, Румыния, Болгария, Югославия, Альбания, Німецка Республика Демокраитчна, Китай, Кореанска Республика Нар.-Демократична, Вьетнамска Республика Демократична и Куба и Совітский Союз.

Укріпилися рухы народно-освободительны в краях колониальных и узалежненых.


А. Г.
WWII68End


[BACK]