Gnatovich68
Vladimyr, Maria Gnatovich

Юбилянты Владимир и Мария Гнатович, Стамфорд, Конн.

Найблизша родина Марии и Владимира Гнатович справили им 25-рочный юбилей супружеского житья 28-го января 1967 года. Тото срибне весіля отбылося в их власном домі. Весільных гостей, родины и сватов было так дуже, же праві помістилися в домі Гнатовичов, хотя то дом надзвычай обшырний. Перше весіля отбылося в Вайстон, Н. Й., друге теперь в Стамфорд, Конн., а где третье, то не мож ищы теперь предсказати. Но обоє весіля были дуже задоводооючы для весільной публикы.

Майже всі члены нашых обох отділов Л. С. были на том весілю, а так само сусіде, як тоже пришли с подальшых місцевостей, были такы с Тервилл, Конн. мр. и мрс. Стефан Адамович, мр. и мрс. Григорий Білица, мр. и мрс. Михаил Суперата, Мария Нувкомб, мисис Алексий Креницкий, а из Дуягам, Конн, были мр. и мрс. Басиль Ванцак, из Вайстон, Н. Й. мр. и мрс. Леон Бігуняк, мр. и мрс. Артур Дрескол, и мисис Текля Демай; Ливерпул, Н. Й. мр. и мрс. Павел Бігуняк; Вестпорт, Конн. — мр. и мрс. Стефан Лозиняк; Юнкерс, Н. Й. — мисис Малютич зо сыном Семаном и головна містопредсідателька Л. С. мисис Ольга Єдинак.

На таке велике весіля треба комуси постаратися дати дуже труда. Владимир и Мария Гнатович выховали красиву и розумну дочку Меделин, котра ищы ходит до Бостонского Университету. Она занялася всьом роботом при помочи Владимировой сестры Ольгы Кода, а были и другы, што помагали в той роботі, як Милош Вахновский, Леон и Мелька Бігуняк, миссис Ольга Мейбо й Анна Бекер.

Весіля началося о 7-ой годині вечером, а скончилося около третьой годины рано, при добром и дуже веселом весільном настроєнию. А кто бы дакто дашто не любил, або не мал найліпшой выгоды, то просиме пребачити, бо то было на весілю.

Я от себе, мойой родины, фамелии и от всіх нашых членов в Стамфорд складаме устроювателям юбилею сердечну подяку, же нас запросили на тот юбилей, а нашым юбилянтам Владимиру и Марии Гнатович складаме сердечне пожелание доброго здоровья и счастливых роков на будуще.


Георгий Иштван



[BACK]