Старый Вдовец — Ярослав Кобан
Хоц я вдовец старый, хочуся женити,
Але моя кума не хце за мя идти.
Люблю танцувати, и дост добрі знаю,
А куму так люблю добрі не здурію.
Кума мя не хоче, бо она парадна,
А я уж дост старый, кума жена ладна.
Пойду я до попа, буду го просити,
Жебы мя покропил, хочу змолодніти.
А поп мі наказал так покутувати,
Же як хочу куму, то мушу постити.
За три дни я клячал, а за девят постил,
Абы Бог допомог, жебы куму достал.
Уж єм такий остал, як сушена рыба,
Певно уж мі теперь кумичкы не треба.
Кума ся с мя сміє, дураком назвала,
Таж я тебе, кумцю, давно покохала.
Бодай тот мой розум чорна коза зъіла,
Таж я о том1 не знал, же ты мя любила.
Уж буде весіля, музыканты грайте,
Вы дружкы с дружбами весело гуляйте.
Грайте музыканты, подскоч собі, Ваню!
А до танцу до колечка, возми собі Ганю.
Ой свату, мой свату, попал я в клопоты,
Хотіл с кумом танцувати, ніт в кумы охоты.

Подал Ярослав Кобан, Гибискус Парк, Фла.



[BACK]